Yala e delila ka taa Jehova Seerew ka lajɛ dɔ la wa? Ni i ma deli ka taa u ka lajɛw la fɔlɔ, a bɛ se ka kɛ ko i bɛ ka jɔrɔ dɔɔnin taali la yen i siɲɛ fɔlɔ la. A bɛ se ka kɛ ko i b’i yɛrɛ ɲininka ko: ‘Mun de bɛ kɛ o lajɛw la? Mun na u nafa ka bon? Mun na ne ka kan ka taa yen?’ Ka lajɛw kɛ ni mɔgɔ wɛrɛw ye, o bɛ se ka i gɛrɛ kosɛbɛ Ala la ani ka i dɛmɛ cogo min na, i bɛna o dɔn nin kalansen in na.

1. Ka lajɛw kɛ ɲɔgɔn fɛ, o kun bɛɛ la belebele ye jumɛn ye?

Ka lajɛw kɛ ni mɔgɔ wɛrɛw ye, o kun bɛɛ la belebele ye min ye, a filɛ Bibulu sɛbɛnbaga dɔ kumana o kan cogo min na: “Ne na Matigi [Jehova] tanu jama cɛma.” (Zaburu 26:12) O cogo kelen na bi fana, Jehova Seerew bɛ nisɔndiyaba sɔrɔ lajɛw kɛli la ɲɔgɔn fɛ. Diɲɛ fan bɛɛ, Jehova Seerew bɛ lajɛw kɛ ɲɔgɔn fɛ dɔgɔkun o dɔgɔkun walasa ka Ala tanu, ka dɔnkiliw da ani ka delili kɛ. San o san, waati dɔw la, u fana bɛ lajɛbaw kɛ walasa ka batoli kɛ.

2. I bɛna mun de kalan an ka lajɛw la?

An ka lajɛw la, an bɛ Ala ka Kuma ‘kalan k’a jɛya, k’a kɔrɔ fɔ.’ (Nehemi 8:8 kalan.) Ni i tora ka taa an ka lajɛw la, i bɛna fɛn caman dɔn Jehova ni a jogo ɲumanbaw kan. Kanuya min bɛ Jehova la ka ɲɛsin i ma, ni i bɛ ta’a fɛ ka fɛn caman dɔn o kan, i bɛna gɛrɛ kosɛbɛ a la. I bɛna a dɔn fana a bɛ se ka i dɛmɛ cogo min na walasa i ka ɲɛnamaya kɛ hɛrɛ la.—Esayi 48:17, 18.

3. I bɛ baro kɛ ni mɔgɔ minnu ye an ka lajɛw la, olu bɛ se ka i dɛmɛ cogo di?

Jehova b’a ɲini an fɛ an ka “an janto ɲɔgɔn na walisa ka ɲɔgɔn jija kanuya ni kɛwale ɲumanw kɛli la. An kana ɲɔgɔn lajɛli dabila”. (Heburuw 10:24, 25) An ka lajɛw la, i bɛna mɔgɔw ye minnu bɛ ɲɔgɔn kanu tiɲɛ yɛrɛ la ani i ɲɔgɔnnaw a ka di minnu ye k’a ɲini ka fɛn caman dɔn Ala ko la. U bɛ mɔgɔ jijali kuma walima dusudonnkɔnɔ kuma minnu fɔ, i bɛna olu mɛn. (Romɛkaw 1:11, 12 kalan.) I bɛna se ka mɔgɔ wɛrɛw fana dɔn, cɛganaw ni musoganaw ani mɔgɔ furulenw, minnu nisɔn ka di hali k’a sɔrɔ gɛlɛyaw b’u kan. Olu ye kun damadɔ dɔrɔn de ye, minnu kosɔn Jehova b’a fɛ an ka to ka ɲɔgɔn lajɛ tuma bɛɛ!

 DƆ FARA I KA DƆNNIYA KAN

4. Jehova Seerew ka lajɛw

San kɛmɛ fɔlɔ la, krecɛnw tun b’u lajɛ tuma bɛɛ walasa ka Jehova bato. (Romɛkaw 16:3-5) Kolosekaw 3:16 kalan, o kɔ aw ka baro kɛ nin ɲininkali kan:

• Krecɛn fɔlɔw tun bɛ Jehova bato cogo di?

1. Jɛmukanw, ɲɛjiraliw ani wideyow sen bɛ an ka lajɛw la. Lajɛw bɛ daminɛ ani ka u laban ni dɔnkili ani delili ye

2. Lajɛ fan dɔw la, a bɛ ɲini mɔgɔw fɛ u ka jaabiw di

3. Bɛɛ bɛ se ka na an ka lajɛw la—denbayaw, cɛganaw ni musoganaw, cɛkɔrɔbaw ni musokɔrɔbaw ka fara denmisɛnw kan

4. Mɔgɔw bɛ don fu an ka lajɛw la. Wa Jehova Seerew tɛ wari minɛ mɔgɔw la lajɛw kɔnɔna na

 5. Lajɛw taali tɛ taa cɛsiriw kɔ

• Mun na an ka kan ka to ka taa lajɛw la tuma bɛɛ?

 BAKURUBAFƆLI

Lajɛw taali bɛna i dɛmɛ ka fɛn caman dɔn Jehova ko la, ka i ni a ka teriya sinsin ani ka a bato ni mɔgɔ wɛrɛw ye.

Seginnkanni

• Mun na Jehova bɛ dusu don an kɔnɔ an ka to ka ɲɔgɔn lajɛ?

• I bɛna mun de kalan Jehova Seerew ka lajɛw la?

• E hakili la, i bɛ se ka nafa wɛrɛ jumɛn sɔrɔ, ni i tora ka taa lajɛw la?