An bɛ jurumu kɛ, tɔɔrɔkow bɛ an sɔrɔ ani an bɛ sa ka d’a kan mɔgɔ fɔlɔ fila Hadama ni Hawa ye Ala kan bila. a Nka a tɛ iko jigiya foyi tɛ an ye. Jehova ye fɛɛrɛ dɔ tigɛ a Denkɛ Yesu Krisita sababu la walasa ka an kisi jurumu ni saya ma. Bibulu b’a fɔ ko Yesu ye kunmabɔ sara di a ka saya sababu la. Kunmabɔ sara ye sara ye min bɛ sara mɔgɔ dɔ kunkɔrɔ walasa ka a bɔ bolo la. Yesu tun ye mɔgɔ dafalen ye, o la a ye sara min di, o tun ye a ka o ɲɛnamaya dafalen sɔngɔ de ye. (Matiyu 20:28 kalan.) Yamaruya min tun bɛ Yesu bolo ka ɲɛnamaya kɛ fo badaa dugukolo kan, a kɛlen k’a bɔ a yɛrɛ la ka o di, a ye sira dayɛlɛ an ye walasa Hadama ni Hawa bɔnɛna fɛn minnu bɛɛ la, anw ka segin ka olu sɔrɔ. Yesu y’a jira fana ale ni Jehova bɛ an kanu fo ka se hakɛ min ma. Nin kalansen in bɛna i dɛmɛ i k’i ka waleɲumandɔn bonya kosɛbɛ ka ɲɛsin Yesu ka saya ma.

1. An bɛ se ka nafa sɔrɔ Yesu ka saya la cogo di kabini sisan?

Ikomi an ye jurumutɔw ye, an bɛ fɛn caman kɛ minnu man di Jehova ye. Nka ni an nimisara tiɲɛ yɛrɛ la an ka jurumu kɛlenw kosɔn ani ka Jehova deli Yesu Krisita tɔgɔ la ko a ka yafa an ma ani ni an bɛ an seko bɛɛ kɛ an kana segin ka o jurumuw kɛ tuguni, an bɛ se ka kɛ Ala teri sɛbɛw ye. (1 Yuhana 2:1) Bibulu b’a fɔ ko: “Krisita sara siɲɛ kelenpe jurumuw kosɔn, tilennen tɔɔrɔla tilenbaliw nɔ na, walisa a ka an lase Ala ma.”​—1 Piɛrɛ 3:18.

2. An bɛ se ka nafa sɔrɔ Yesu ka saya la cogo di sini?

Jehova ye Yesu ci a ka na a ka ɲɛnamaya dafalen di “walisa mɔgɔ o mɔgɔ dara [a] la, o kana halaki, nka o ka ɲɛnamaya banbali sɔrɔ.” (Yuhana 3:16) Hadama ka kanbilali nana ni ko jugu minnu ye, sɔɔni Jehova bɛna olu bɛɛ bɔ yen Yesu ka kunmabɔ sara sababu la. O kɔrɔ ye ko ni an dalen bɛ Yesu ka saraka la, an bɛna cogoya sɔrɔ ka ɲɛnamaya kɛ nisɔndiya la fo badaa alijinɛ kɔnɔ dugukolo kan!​—Esayi 65:21-23.

 DƆ FARA I KA DƆNNIYA KAN

3. Yesu ka saya bɛ an hɔrɔnya ka bɔ jurumu ni saya la

1. Hadama tun ye cɛ dafalen ye nka a ye Ala kan bila, o la a ye mɔgɔw bila jurumu ani saya sira kan

2. Yesu tun ye cɛ dafalen ye, ale ye Ala kan minɛ, o la a ye mɔgɔw bila dafalenya ani ɲɛnamaya banbali sira kan

4. Yesu ka saya bɛ se ka mɔgɔw bɛɛ nafa

 5. Kunmabɔ sara ye nilifɛn de ye Jehova ye min di i ma

Jehova teriw bɛ kunmabɔ sara ye iko nilifɛn, a ye min di u bɛɛ kelen-kelen ma. Misali la, Galasikaw 2:20 kalan, o kɔ aw ka baro kɛ nin ɲininkali kan:

• Ciden Paul y‘a jira cogo di ko ale bɛ kunmabɔ sara ye iko nilifɛn min dira ale yɛrɛ ma?

Hadama kɛlen kɔ ka jurumu kɛ, ale ni a bɔnsɔnw bɛɛ ka ɲangili kɛra saya ye. Nka Jehova ye a Denkɛ ci ka na, o ka sa walasa i ka se ka ɲɛnamaya kɛ fo badaa.

Ka i to nin tɛmɛsira ninnu kalanni na, miiri k’a filɛ Jehova kɛra cogo min na tuma min na a Denkɛ tun bɛ ka tɔɔrɔ. Yuhana 19:1-7, 16-18 kalan, o kɔ aw ka baro kɛ nin ɲininkali kan:

• Jehova ni Yesu ye min kɛ i ye, ni i miirila o ko la, o bɛ mun kɛ i la?

 BAKURUBAFƆLI

Yesu ka saya sababu la Jehova bɛ se ka an ka jurumuw yafa ani o bɛ cogoya di an ma an ka se ka ɲɛnamaya kɛ nisɔndiya la fo badaa.

Seginnkanni

• Mun na Yesu sara?

• Sira jumɛn fɛ Yesu ka ɲɛnamaya dafalen kɛra kunmabɔ sara ye min bɛnnen don?

• Yesu ka saya bɛ se ka i nafa cogo di?