San 4026 kɔfɛ K.Ɲ.

Mara min ka kan ni Jehova ye ani a ka mara kɛcogo “Sa” ye sigasiga bila o la. Jehova ye layidu ta k’a bɛna “bɔnsɔn,”dɔ wuli min bɛna sa in kunkolo ɲɔɲɔ, ni o ye Sitanɛ ye. (Jenɛse 3:1-5, 15) Sani o cɛ, Jehova bɛ k’a to Hadamadenw ka ɲɔgɔn mara Sitanɛ ka mara kɔrɔ.

San 1943 K.Ɲ.

Jehova y’a fɔ Ibrahima ye ko “bɔnsɔn” layidu talen in bɛna bɔ a ka bɔnsɔnw na.—Jenɛse 22:18.

San 1070 kɔfɛ K.Ɲ.

Jehova ye masakɛ Dawuda hakili sigi ani ka tila k’a denkɛ Solomani hakili sigi ko “bɔnsɔn” layidu talen bɛna bɔ u ka denbaya la.—2 Samuɛl 7:12, 16; 1 Masakɛw 9:3-5; Esayi 9:6, 7.

San 29 K.L.

Jehova ye Yesu jira i n’a fɔ “bɔnsɔn” layidu talen min ye Dawuda ka masasigilan ciɲɛtaba ye.—Galasikaw 3:16; Luka 1:31-33; 3:21, 22.

 San 33 K.L.

Sa, ni o ye Sitanɛ ye, o ye “bɔnsɔn” layidu talen ka ko sumaya waatinin kɔnɔ a kɛlen ka to Yesu ka faga. Jehova ye Yesu sankɔrɔta sankolo la  ani nafaba min bɛ Yesu ka ɲɛnamaya dafalen na, a sɔn na o la, o min dira ka kɛ jurumu yafa sababu ye ani ka ɲɛnamaya banbali jigiya di Hadama bɔnsɔnw ma.—Jenɛse 3:15; Kɛwalew 2:32-36; 1 Kɔrɛntekaw 15:21, 22.

San 1914 fan fɛ K.L.

Yesu ye Sa, ni o ye Sitanɛ ye kerun dugukolo kan, k’a bilalen to yen waati kunkurunin kɔnɔ.—Jirali 12:7-9, 12.

Don nataw

Yesu bɛ Sitanɛ datugu ka san 1000 kɛ ani a bɛna a halaki, fɔ cogo wɛrɛ la a bɛna a kungolo ɲɔɲɔ. Jehova ka kuntilena fɔlɔ ka ɲɛsin dugukolo ani Hadamadenw ma o bɛna dafa, a tɔgɔ bɛ saniya, ani a ka mara kɛcogo bɛna a jira k’o de ye ɲuman ye.—Jirali 20:1-3, 10; 21:3, 4.