Ɲininkali minnu labɛnna Bibulu maanaw gafe kalan kama
Ɲininkali minnu labɛnna Bibulu maanaw gafe kalan kama
Ala ye fɛnw dali daminɛ
1. Fɛn ɲumanw bɛɛ bɔra min? Yala i bɛ se ka fɛn ɲumanw kelen fɔ wa?
2. Ala fɔlɔla ka mun da?
3. Mun na mɛlɛkɛ fɔlɔ tun ye mɛlɛkɛ kɛrɛnkɛrɛnnen de ye?
4. Dugukolo tun bɛ cogo min na a daminɛ na, o ɲɛfɔ. (Ja lajɛ.)
5. Ala ye ko jumɛnw kɛ walisa ka dugukolo labɛn hadamadenw ni baganw kama?
Ɲininkali wɛrɛw:
1. Jeremi 10:12 kalan.
Ala ye fen minnu da, o bɛ Ala ka mankutu jumɛnw de jira anw na? (Esa. 40:26; Rom. 11:33)
2. Kolosekaw 1:15-17 kalan.
Yesu jɔyɔrɔ kɛra mun ye fɛnw dali la? O ka kan ka an bila an ka mun miiri ale ko la? (Kol. 1:15-17)
3. Jenɛse 1:1-10 kalan.
(a) Dugukolo bɔra min? (Jen. 1:1)
(b) Dali don fɔlɔ la, mun kɛra? (Jen. 1:3-5)
(c) Mun kɛra dali don filanan na, a cogoya fɔ. (Jen. 1:7, 8)
Nakɔ cɛɲumanba
1. Ala ye dugukolo labɛn cogo jumɛn na walisa a ka kɛ an ka so ye?
2. Ala ye bagan sugu camanba da. Olu dɔw fɔ. (Ja lajɛ.)
3. Mun na Edɛn nakɔ tun ye yɔrɔ kɛrɛnkɛrɛnnen ye ?
4. Ala tun b’a fɛ dugukolo kuuru bɛɛ ka kɛ i ko mun?
Ɲininkali wɛrɛw:
1. Jenɛse 1:11-25 kalan.
(a) Dali don sabanan na, Ala ye fɛn jumɛnw da? (Jen. 1:12)
(b) Dali don naaninan kɔnɔna na, mun kɛra? (Jen. 1:16)
(c) Don duurunan ni don wɔɔrɔnan na, Ala ye bagan jumɛnw da? (Jen. 1:20, 21, 25)
2. Jenɛse 2:8, 9 kalan.
Ala tun ye jiri fila turu nakɔ kɔnɔ minnu tun tɛ jiri gansanw ye. O jiri sifa tun ye jumen ye, wa u tun bɛ mun taamasyɛn?
Cɛ fɔlɔ ni muso fɔlɔ
1. I ɲɛ bɛ mun na maana 3nan ja kan min tɛ maana 2nan ja kan?
2. Jɔn ye cɛ fɔlɔ da? Cɛ fɔlɔ tɔgɔ tun ye mun ye?
3. Ala tun ye baara jumɛn di Hadama ma?
4. Mun na Ala ye sunɔgɔba bila Hadama la?
5. Hadama ni Hawa tun bɛ se ka to ɲɛnamaya la fo tuma jumɛn? Ala tun b’a fɛ u ka baara jumɛn kɛ?
Ɲininkali wɛrɛw:
1. Zaburu 83:19 kalan.
Ala tɔgɔ ye di? Jɔyɔrɔ jumɛn bɛ Ala kelenpe de bolo dugukolo bɛɛ kunna? (Jer. 16:21; Dan. 4:17)
2. Jenɛse 1:26-31 kalan.
(a) Dali don wɔɔrɔnan na, mun de kɛra Ala ka fɛn dalen bɛɛ la ɲumanba ye? Danfara jumɛn bɛ o danfɛn ni baganw cɛ? (Jen. 1:26)
(b) Jehova ye mun di mɔgɔ ni baganw ma walisa o ka kɛ u ka dumuni ye? (Jen. 1:30)
3. Jenɛse 2:7-25 kalan.
(a) Baara min tun dira Hadama ma ka tɔgɔ da baganw na, mun tun sen bɛ o baara la? (Jen. 2:19)
(b) Jehova bɛ min miiri furu, farali ni furusa ko la, Jenɛse 2:24 b’an dɛmɛ k’o faamu cogo di? (Mat. 19:4-6, 9)
Mun na u bɔnɛna u ka sigiyɔrɔ la?
1. Mun ye Hadama ni Hawa sɔrɔ ja kan yan ?
2. Mun na Jehova ye u ɲangi?
3. Sa dɔ ye mun fɔ Hawa ye?
4. Jɔni y’a kɛ, sa kumana Hawa fɛ?
5. Mun na Hadama ni Hawa bɔnɛna u ka nakɔ cɛɲumanba la?
Ɲininkali wɛrɛw:
1. Jenɛse 2:16, 17 ni 3:1-13, 24 kalan.
(a) Sa ye Hawa ɲininka cogo min na, o tun b’a jira cogo jumɛn na ko Jehova tun man ɲi? (Jen. 3:1-5; 1 Yuhana 5:3)
(b) Hawa ka misali ye lasɔminikan ye an bolo cogo jumɛn na? (Fil. 4:8; Yak. 1:14, 15; 1 Yuhana 2:16)
(c) Hadama ni Hawa y’a jira cogo jumɛn na ko u ma sɔn ka jɔ u ka kojuguw la? (Jen. 3:12, 13)
(d) Serubɛn minnu bilara Edɛn nakɔ kɔrɔnyanfan fɛ, olu ye mun kɛ min b’a jira ko u sɔnna a ma ko Jehova de ye masaba ye? (Jen. 3:24)
2. Jirali 12:9 kalan.
Fo ka se hakɛ jumɛn ma Sitanɛ sera ka hadamadenw bila ka ban Ala ka kuntigiya ma? (1 Yuhana 5:19)
Gɛlɛya daminɛna
1. Hadama ni Hawa gɛnnen kɔ ka bɔ Edɛn nakɔ kɔnɔ tuma min na, u ye gɛlɛya jumɛnw sɔrɔ?
2. Mun ye baara daminɛ Hadama ni Hawa farikolo la, ani mun na?
3. Mun na Hadama ni Hawa denw fana tun bɛna kɔrɔ, ka sa?
4. Ni Hadama ni Hawa tun ye Jehova ka kuma mɛn, diɲɛnatigɛ tun bɛna kɛ cogo di olu ni u denw bolo?
5. Hawa ka kumamɛnbaliya ye tɔɔrɔ jumɛn lase a ma?
6. Hadama ni Hawa fɔlɔla ka denkɛ fila minnu sɔrɔ, olu tɔgɔ tun bɛ di?
7. Den tɔ minnu bɛ nin ja kan, olu ye jɔni ye?
Ɲininkali wɛrɛw:
1. Jenɛse 3:16-23 ni 4:1, 2 kalan.
(a) Ala ye dugukolo danga minkɛ, o ye nɔ bila Hadama ka ɲɛnamaya kɛcogo la cogo di? (Jen. 3:17-19; Rom. 8:20, 22)
(b) “Hawa” kɔrɔ ye ko “mɔgɔ ɲɛnama.” Mun na o tɔgɔ tun bɛnnen bɛ? (Jen. 3:20)
(c) Hali u kɛlen kɔ ka jurumu kɛ, Jehova ye bonya da Hadama ni Hawa kan cogo di? (Jen. 3:7, 21)
2. Jirali 21:3, 4 kalan.
I kɔrɔtɔlen bɛ ka ‘fɛn tɛmɛnɛn’ jumɛnw bannen ye pewu?
Kaɛn ni Abɛl
1. Kaɛn ni Abɛl ka baara tun ye mun ye?
2. Kaɛn ni Abɛl nana mun saraka bɔ Jehova ye?
3. Mun na Jehova sɔnna Abɛl ka saraka la, mun na a ma sɔn Kaɛn ta la?
4. Kaɛn tun ye mɔgɔ sugu jumɛn ye? Jehova y’a ɲini k’a sɔn yɛlɛma cogo jumɛn na?
5. Kaɛn ni a dɔgɔkɛ dɔrɔn tun bɛ foro la tuma min na, a ye mun kɛ?
6. Kaɛn kɛlen kɔ ka a dɔgɔkɛ faga, min y’a sɔrɔ, o ɲɛfɔ.
Ɲininkali wɛrɛw:
1. Jenɛse 4:2-26 kalan.
(a) Jehova y’a jira cogo di ko Kaɛn tun bɛ kojugu sira kan? (Jen. 4:7)
(b) Fɛn min tun bɛ Kaɛn dusukun na, a ye o jira cogo di? (Jen. 4:9)
(c) Jehova bɛ mun miiri mɔgɔ tilennen joli bɔnni ko la? (Jen. 4:10; Esa. 26:21)
2. 1 Yuhana 3:11, 12 kalan.
(a) Mun na Kaɛn diminna? O ye lasɔminikan ye an bolo bi cogo di? (Jen. 4:4, 5; Nt.14:30; 28:22)
(b) Bibulu b’a jira cogo di ko hali ni an ka sokɔnɔmɔgɔw bɛɛ wulila ka Jehova kɛlɛ, o n’a ta o ta an bɛ se ka to kantigiya la? (Zab. 27:10; Mat. 10:21, 22)
3. Yuhana 11:25 kalan.
Mɔgɔ minnu bɛɛ sara tilennenya kɔsɔn, Jehova ye layidu jumɛn ta olu ko la? (Yuh. 5:24)
Cɛ jagɛlɛn
1. Enɔk ni mɔgɔ tɔw tun tɛ kelen ye cogo jumɛn na?
2. Mun na mɔgɔw tun bɛ kojugu caman kɛ Enɔk tile la?
3. Mɔgɔw tun bɛ kojugu jumɛnw kɛ? (Ja lajɛ.)
4. Mun na Enɔk tun ka kan ka kɛ mɔgɔ ye min ja ka gɛlɛn?
5. Mɔgɔw si tun bɛ taa san joli la? Nka Enɔk ye san joli sɔrɔ?
6. Mun kɛra Enɔk salen kɔfɛ?
Ɲininkali wɛrɛw:
1. Jenɛse 5:21-24, 27 kalan.
(a) Enɔk ni Jehova cɛ tun bɛ cogo di? (Jen. 5:24)
(b) Bibulu b’a fɔ ko mɔgɔ jumɛn ye si jan sɔrɔ ka tɛmɛ mɔgɔ bɛɛ kan? A sara k’a si to san joli la? (Jen. 5:27)
2. Jenɛse 6:5 kalan.
Enɔk salen kɔfɛ, kow juguyara cogo di dugukolo kan? O kow tun bɛ cogo di n’i ye olu ni an ka waati suma ɲɔgɔn ma? (2 Tim. 3:13)
3. Heburuw 11:5 kalan.
Enɔk jogo jumɛn “diyara Ala ye kosɛbɛ” ani mun bɔra o la? (Jen. 5:22)
4. Jude 14, 15 kalan.
Ni Krecɛnw bɛ mɔgɔw lasɔmi Harmagedɔn kɛlɛ nali ko la, u bɛ se ka Enɔk ka jagɛlɛya ladege cogo jumɛn na? (2 Tim. 4:2; Heb. 13:6)
Cɛ janmanjanba kɔgɔlenbaw bɛ dugukolo kan
1. Ala ka mɛlɛkɛ dɔw labanna ka Sitanɛ ka kuma lamɛn, u ye mun kɛ?
2. Mun na mɛlɛkɛ dɔw ye u ka baara bila sankolo la ka na dugukolo kan?
3. Mun na a tun man ɲi mɛlɛkɛw ka na dugukolo kan ka u yɛrɛ kɛ hadamadenw ye?
4. Mun tun bɛ mɛlɛkɛw denw ni den tɔw bɔ ɲɔgɔn na?
5. I ko i ɲɛ b’a la cogo min na ja kan, mɛlɛkɛw denw ye mun kɛ tuma min na u kɛra cɛ janmanjanba kɔgɔlenbaw ye?
6. Enɔk salen kɔ, mɔgɔ ɲuman jumɛn tun bɛ dugukolo kan, ani mun na a tun ko ka di Ala ye.
Ɲininkali wɛrɛw:
1. Jenɛse 6:1-8 kalan.
An taamacogo bɛ se ka min kɛ Jehova la, Jenɛse 6:6 bɛ mun fɔ o ko la? (Zab. 78:40, 41; Nt. 27:11)
2. Jude 6 kalan.
Nuhun tile la, mɛlɛkɛ minnu ‘tun ma to u jɔyɔrɔ fɔlɔ la,’ u ka ko bɛ an lasɔmi cogo di bi ? (1 Kɔr. 3:5-9; 2 Pi. 2:4, 9, 10)
Nuhun ye kurunba dilan
1. Nuhun ka denbaya bɛɛ lajɛlen tun ye mɔgɔ joli ye? A denkɛ saba tɔgɔw tun bɛ di?
2. Ala ye Nuhun bila a ka kabako baara jumɛn kɛ, ani mun na?
3. Nuhun kumana mɔgɔw fɛ tuma min na kurunba ko la, olu ye mun kɛ?
4. Ala tun y’a fɔ Nuhun ye a ka mun kɛ baganw ko la?
5. Ala ye kurunba datugu kaban tuma min na, Nuhun ni a ka denbaya tun bɛ mun kɛ?
Ɲininkali wɛrɛw:
1. Jenɛse 6:9-22 kalan.
(a) Mun y’a to Nuhun kɛra Ala lakika batobaga dakabana ye? (Jen. 6:9, 22)
(b) Jehova bɛ mun miiri farinya ko la? O b’an bila ka mun jateminɛ ni an bɛ ka an ka ɲɛnajɛw sugandi? (Jen. 6:11, 12; Zab. 11:5)
(c) An bɛ se ka Nuhun ladege cogo di ni Jehova ka jɛkuluba y’a jira an na an ka kan ka min kɛ ? (Jen. 6:22; 1 Yuh. 5:3)
2. Jenɛse 7:1-9 kalan.
Nuhun ka dafabaliya ma bali Jehova k’a filɛ mɔgɔ tilennen ye minkɛ, o bɛ dusu don an kɔnɔ cogo jumɛn na bi? (Jen. 7:1; Nt. 10:16; Esa. 26:7)
Sanjiba
1. Sanjiba daminɛna tuma min na, mun na mɔgɔ si tun tɛ se ka don kurunba kɔnɔ tuguni?
2. Jehova ye sanji lana tile joli ani su joli? Ji yɛlɛnna fɔ ka se hakɛ jumɛn ma?
3. Dugukolo bɛɛ tun bɛ ɲini ka kɛ baji ye tuma min na, kurunba kɛra cogo di?
4. Yala mɔgɔ janmanjanba kɔgɔlenbaw kisira sanjiba la wa? U wolofaw dun?
5. Kalo duuru tɛmɛnen kɔ, mun ye kurunba sɔrɔ?
6. Mun na Nuhun ye kaankaan dɔ bila ka taa kɛnɛma?
7. Nuhun y’a dɔn cogo di ko ji tun jara dugukolo kan ?
8. Nuhun ni a ka denbaya kɛlen kɔ ka san kelen ni kɔ kɛ kurunba kɔnɔ, Ala ye mun fɔ a ye?
Ɲininkali wɛrɛw:
1. Jenɛse 7:10-24 kalan.
(a) Halakili bonyara dugukolo kan fɛn ɲɛnamaw ko la fo ka se hakɛ jumɛn ma? (Jen. 7:23)
(b) Waati joli kɔnɔ ji ye dugukolo bɛɛ datugu? (Jen. 7:24)
2. Jenɛse 8:1-17 kalan.
Jenɛse 8:17 b’a jira cogo jumɛn na ko Jehova sagonata fɔlɔ ma yɛlɛma dugukolo ko la? (Jen. 1:22)
3. 1 Piɛrɛ 3:19, 20 kalan.
(a) Mɛlɛkɛ murutilenw seginna tuma min na sankolo la, kiri jumɛn binna u kan? (Jude 6)
(b) Nuhun ni a ka denbaya ka maana bɛ an ka dannaya sinsin cogo di ko Jehova bɛ se ka a ka jamakulu kisi? (2 Pi. 2:9)
Ala-ka-murujan fɔlɔ
1. I ko ja b’a jira cogo min na, Nuhun bɔra kurunba kɔnɔ tuma min na, a ye fɛn fɔlɔ jumɛn kɛ?
2. Ala ye ci jumɛn fɔ Nuhun ni a ka denbaya ye sanjiba tɛmɛnen kɔfɛ?
3. Ala ye layidu jumɛn ta?
4. Ni an ye ala-ka-murujan ye, o ka kan ka an hakili jigin mun na?
Ɲininkali wɛrɛw:
1. Jenɛse 8:18-22 kalan.
(a) Bi, an bɛ se ka ‘suma duman’ lase Jehova ma cogo di? (Jen. 8:21; Heb. 13:15, 16)
(b) Jehova ye mun fɔ hadamaden dusukun cogoya kan? O kosɔn an ka kan k’an kɔlɔsi mun na? (Jen. 8:21; Mat. 15:18, 19)
2. Jenɛse 9:9-17 kalan.
(a) Jehova ye layidu jumɛn ta dugukolo kan fɛn ɲɛnama bɛɛ ye? (Jen. 9:10, 11)
(b) Jehova ye layidu min ta ala-ka-murujan ko la, o bɛna to sen na fo waati jumɛn na? (Jen. 9:16)
Mɔgɔw ye sankansojanba jɔ
1. Nimrɔd tun ye jɔni ye, yala a tun ko ka di Ala ye wa?
2. Ja kan yan, mun na mɔgɔw bɛ ka biriki dilan?
3. Mun na sankansojanba jɔli ma diya Jehova ye?
4. Ala ye mun kɛ walisa sankansojanba jɔli ka dabila?
5. O dugu welela cogo di? O tɔgɔ kɔrɔ ye mun ye?
6. Ala ye mɔgɔw ka kanw ɲagami tuma min na, u ye mun kɛ?
Ɲininkali wɛrɛw:
1. Jenɛse 10:1, 8-10 kalan.
Nimrɔd y’a jira ko jogo jugu jumɛnw bɛ ale la? O bɛ an lasɔmi cogo di? (Nt. 3:31)
2. Jenɛse 11:1-9 kalan.
Mɔgɔ minnu ye sankansojanba jɔ, olu ŋaniya tun ye mun ye? Mun na a jɔli tun tɛ se ka taa ɲɛ? (Jen. 11:4; Nt. 16:18; Yuhana 5:44)
Ibrahima ye Ala teri ye
1. Mɔgɔ sugu jumɛnw tun sigilen bɛ Ur dugu kɔnɔ?
2. Cɛ min bɛ ja kan yan, o ye jɔni ye, a wolola tuma jumɛn na, a sigira min?
3. Ala ko Ibrahima ka mun kɛ?
4. Mun na Ibrahima welela Ala teri?
5. Ibrahima bɔra Ur tuma min na ka taa, jɔni tugura a kɔ?
6. Ibrahima sera Kanan jamana na tuma min na, Ala ye mun fɔ a ye?
7. Ibrahima ye san 99 sɔrɔ tuma min na, Ala ye layidu jumɛn ta a ye?
Ɲininkali wɛrɛw:
1. Jenɛse 11:27-32 kalan.
(a) Balimaya sira jumɛn bɛ Ibrahima ni Lɔti cɛ? (Jen. 11:27)
(b) Hali ni a fɔra ko Tera de yɛlɛmana ni a ka denbaya ye Kanan jamana na, an b’a dɔn cogo di ko Ibrahima de y’a to u yɛlɛmana yen, ani mun na Ibrahima ye o kɛ? (Jen. 11:31; Kɛw. 7:2-4)
2. Jenɛse 12:1-7 kalan.
Ibrahima selen kɔ Kanan jamana na, Jehova tun ye jɛ min don ale ni Ibrahima cɛ, a ye mun fɔ ka fara o kan? (Jen. 12:7)
3. Jenɛse 17:1-8, 15-17 kalan.
(a) Ibrahima ye san 99 sɔrɔ tuma min na, a tɔgɔ yɛlɛmana ka kɛ mun ye, ani mun na? (Jen. 17:5)
(b) Jehova ye duba jumɛnw layidu ta Sara ye? (Jen. 17:15, 16)
4. Jenɛse 18:9-19 kalan.
(a) Jenɛse 18:19 la, jɔyɔrɔ jumɛn latigɛra faw ye? (Dut. 6:6, 7; Efɛ. 6:4)
(b) Sara ye mun kɛ min b’a jira ko an tɛ se ka fɛn fosi dogo Jehova la? (Jen. 18:12, 15; Zab. 44:21)
Ala ye Ibrahima ka dannaya kɔrɔbɔ
1. Ala ye layidu jumɛn ta Ibrahima ye? Ala y’a ka layidu mara ale fan fɛ cogo jumɛn na?
2. I ko ja b’a jira cogo min na, Ala ye Ibrahima ka dannaya kɔrɔbɔ cogo jumɛn na?
3. Ibrahima ye mun kɛ hali ni a ma Ala ka cikan kɔrɔ faamu ?
4. Ibrahima ye muru ta tuma min na ko a b’a denkɛ faga, mun kɛra?
5. Ibrahima ka dannaya ka ɲɛsin Ala ma tun ka bon fo ka se hakɛ jumɛn ma?
6. Ala ye mun di Ibrahima ma walisa a ka o kɛ saraka ye? A ye o kɛ cogo di?
Ɲininkali wɛrɛw:
1. Jenɛse 21:1-7 kalan.
A denkɛ bangelen tile seginnan na, Ibrahima ye a boloko. Mun na? (Jen. 17:10-12; 21:4)
2. Jenɛse 22:1-18 kalan.
Isaka y’a jira cogo di ko a kololen bɛ a fa Ibrahima ye? O tun bɛ ko nata jumɛn jira min tun kɔrɔ ka bon kosɛbɛ? (Jen. 22:7-9; 1 Kɔr. 5:7; Fil. 2:8, 9)
Lɔti muso y’a kɔfilɛ
1. Mun na Ibrahima ni Lɔti ye u mabɔ ɲɔgɔn na?
2. Mun na Lɔti y’a sugandi ka sigi Sodɔmɛ?
3. Jogo jumɛn bɛ Sodɔmɛ mɔgɔw la?
4. Mɛlɛkɛ fila ye Lɔti lasɔmi mun na?
5. Mun na Lɔti muso kɛra kɔgɔkuru ye?
6. An bɛ se ka kalan nafama jumɛn sɔrɔ min kɛra Lɔti muso la?
Ɲininkali wɛrɛw:
1. Jenɛse 13:5-13 kalan.
Gɛlɛyaw ɲɛnabɔli ta fan fɛ mɔgɔw ni ɲɔgɔn cɛ, Ibrahima ka ko kɛcogo bɛ se k’an kalan mun na? (Jen. 13:8, 9; Rom. 12:10; Fil. 2:3, 4)
2. Jenɛse 18:20-33 kalan.
Jehova ka kɛcogo ka ɲɛsin Ibrahima ma, o b’a to an bɛ da a la ko Jehova ni Yesu bɛna kiri tigɛ tilennenya la cogo di? (Jen. 18:25, 26; Mat. 25:31-33)
3. Jenɛse 19:1-29 kalan.
(a) Bibulu ka nin maana b’a jira ko Ala hakilila ye mun ye gɔrɔjigɛniya ko la? (Jen. 19:5, 13; Lev. 20:13)
(b) An bɛ danfara jumɛn ye Ibrahima ani Lɔti Ala laminɛcogow la ani o b’an kalan mun na? (Jen. 19:15, 16, 19, 20; 22:3)
4. Luka 17:28-32 kalan.
Mun tun bɛ Lɔti muso dusukun na ka ɲɛsin bolofɛnw ma? O ye lasɔminikan ye an bolo cogo di? (Luka 12:15; 17:31, 32; Mat. 6:19-21, 25)
5. 2 Piɛrɛ 2:6-8 kalan.
Ni an ko an bɛ Lɔti ladege, an kɛcogo ka kan ka kɛ mun ye ka ɲɛsin alaɲɛsiranbali diɲɛ in ma min bɛ ka an lamini? (Eze. 9:4; 1 Yuhana 2:15-17)
Isaka ye muso ɲuman sɔrɔ
1. Cɛ ni muso minnu bɛ ja kan yan yɔrɔ la, olu ye jɔni ye?
2. Ibrahima ye mun kɛ walisa ka muso ɲini a denkɛ ye? Mun na?
3. Jehova ye Ibrahima ka baaraden ka delili jaabi cogo jumɛn na?
4. U ye Rebɛka ɲininka tuma min na ni a b’a fɛ ka furu Isaka ma, a ye mun fɔ?
5. Mun y’a to Isaka ye hɛrɛ sɔrɔ kokura?
Ɲininkali wɛrɛw:
1. Jenɛse 24:1-67 kalan.
(a) Rebɛka ye jogoɲumanya jumɛnw jira tuma min na a ye Ibrahima ka baaraden ye kɔlɔnda la? (Jen. 24:17-20; Nt. 31:17, 31)
(b) Ibrahima ye fɛɛrɛ min tigɛ Isaka ye, o ye misali ɲuman ye bi Krecɛnw bolo cogo di? (Jen. 24:37, 38; 1 Kɔr. 7:39; 2 Kɔr. 6:14)
(c) Mun na an ka kan ka waati sɔrɔ ka taasi i ko Isaka tun b’a kɛ cogo min na? (Jen. 24:63; Zab. 77:12; Fil. 4:8)
Esau ni Yakuba
1. Jɔni tun ye Esau ni Yakuba ye? Mun na u tun tɛ kelen ye?
2. Esau ni Yakuba si tun ye san joli ye tuma min na u mɔkɛ Ibrahima sara?
3. Esau ye mun kɛ, ni o ye a ba ni a fa dusu kasi kosɛbɛ?
4. Mun na Esau diminna kosɛbɛ a dɔgɔkɛ Yakuba kɔrɔ?
5. Isaka ye ci jumɛn fɔ a denkɛ Yakuba ye?
Ɲininkali wɛrɛw:
1. Jenɛse 25:5-11, 20-34 kalan.
(a) Jehova tun ye mun fɔ Rebɛka denkɛ fila ko la sani u ka wolo? (Jen. 25:23)
(b) Danfara jumɛn tun bɛ Yakuba kɛcogo ni Esau kɛcogo cɛ ka ɲɛsin kɔrɔya tɔnɔ ma? (Jen. 25:31-34)
2. Jenɛse 26:34, 35; 27:1-46 ni 28:1-5 kalan.
(a) Alakow tun nafa man bon Esau bolo, o bɛ kɛnɛ kan cogo di? (Jen. 26:34, 35; 27:46)
(b) Walisa Yakuba ka Ala ka dugawuw sɔrɔ, Isaka ye ale wele k’a fɔ a ye a ka mun kɛ? (Jen. 28:1-4)
3. Heburuw 12:16, 17 kalan.
Mɔgɔ minnu tɛ ko senumaw jate fɛn ye, Esau ka misali bɛ olu labanko jira cogo di?
Yakuba taara Karan
1. Npogotigi min bɛ ja kan yan yɔrɔ la, jɔni don? Yakuba ye mun kɛ a ye?
2. Yakuba sɔnna ka mun kɛ walisa a ka se ka Rasɛl furu?
3. Laban ye mun kɛ Yakuba ni Rasɛl ka kɔɲɔ don na?
4. Yakuba sɔnna ka mun kɛ walisa Rasɛl ka di a ma?
Ɲininkali wɛrɛw:
1. Jenɛse 29:1-30 kalan.
(a) Hali ni Laban ye Yakuba nanbara, Yakuba ye bonya da a yɛrɛ kan cogo di? An bɛ se ka mun kalan o la? (Jen. 25:27; 29:26-28; Mat. 5:37)
(b) Yakuba ka misali bɛ danfara jumɛn jira kanuya lakika ni farisogo kanuya cɛ? (Jen. 29:18, 20, 30; Sol. ka Dɔn. 8:6)
(c) Muso naani jumɛnw kɛra Yakuba ka sokɔnɔmɔgɔw ye, ni u tilara ka denw sɔrɔ a ye kɔfɛ? (Jen. 29:23, 24, 28, 29)
Yakuba ka denbaya ka bon
1. Yakuba muso fɔlɔ Lea ye denkɛ wɔɔrɔ minnu sɔrɔ a ye, olu tɔgɔ tun bɛ di?
2. Lea ka jɔnmuso Zilpa ye denkɛ fila minnu wolo Yakuba ye, olu tun ye jɔni ye?
3. Rasɛl ka jɔnmuso Bilha ye denkɛ fila minnu sɔrɔ Yakuba ye, olu tɔgɔ tun bɛ di?
4. Rasɛl ye denkɛ fila minnu sɔrɔ, olu tun ye jɔni ye? Rasɛl denkɛ filanan bangennen, mun kɛra?
5. I ko ja b’a jira cogo min na, Yakuba ye denkɛ joli sɔrɔ? Mun bɔra o denkɛw la?
Ɲininkali wɛrɛw:
1. Jenɛse 29:32-35; 30:1-26; ni 35:16-19 kalan.
I ko Yakuba denkɛ 12 ka ko b’a jira cogo min na, lawale la, heburu denw tun bɛ wele cogo di tuma caman na?
2. Jenɛse 37:35 kalan.
Hali ni Dina dɔrɔn de tɔgɔ fɔra Bibulu kɔnɔ, an b’a dɔn cogo di ko Yakuba ma denmuso kelen dɔrɔn sɔrɔ? (Jen. 37:34, 35)
Dina ye bɔnɛ lase a yɛrɛ ma
1. Mun na Ibrahima ni Isaka tun t’a fɛ u denkɛw ka Kanan jamana musow furu?
2. Yala Yakuba jɛnna ni a ye a denmuso ka teriya don ni Kanan npogotininw ye wa?
3. Cɛ min bɛ ka Dina lajɛ yan, jɔni don? A ye kojugu jumɛn kɛ?
4. Dina kɔrɔkɛw Simeɔn ni Levi y’a mɛn tuma min na fɛn min kɛra, u ye mun kɛ?
5. Simeɔn ni Levi ye min kɛ, Yakuba jɛnna ni o ye wa?
6. Denbaya bɛɛ la jɛlen ka bɔnɛ daminɛna cogo di?
Ɲininkali wɛrɛw:
1. Jenɛse 34:1-31 kalan.
(a) Yala Dina siɲɛ fɔlɔ tun don ka taa bɔ Kanan jamana denmusow ye wa? A ɲɛfɔ. (Jen. 34:1)
(b) Mun na Dina nɔ dɔ b’a la ni a ka npogotigiya minɛna a la? (Gal. 6:7)
(c) Denmisɛnw b’a jira cogo di bi ko fɛn min ye Dina sɔrɔ, u bɛ o to u kɔnɔ, ko o ye misali ye min bɛ u lasɔmi? (Nt. 13:20; 1 Kɔr. 15:33; 1 Yuhana 5:19)
Yusufu balimakɛw y’a koniya
1. Mun na Yusufu balimakɛw keleyara a la? U ye mun kɛ?
2. Yusufu balimakɛw tun b’a fɛ ka mun kɛ a la, nka Rubɛn ye mun fɔ?
3. Mun kɛra tuma min na Isumaɛlkaw jagokɛla dɔw tun bɛ ka tɛmɛ?
4. Yusufu balimakɛw ye mun kɛ walisa ka u fa bila k’a miiri ko Yusufu sara?
Ɲininkali wɛrɛw:
1. Jenɛse 37:1-35 kalan.
(a) Ni kojugu dɔ kɛra jɛkulu kɔnɔ, o kojugu kofɔli ko la, Krecɛnw bɛ se ka Yusufu ladege cogo di? (Jen. 37:2; Lev. 5:1; 1 Kɔr. 1:11)
(b) Mun ye Yusufu balimakɛw bila ka janfa siri a kama? (Jen. 37:11, 18; Nt. 27:4; Yak. 3:14-16)
(c) Yakuba ye mun kɛ, n’o ye dusukasi jiracogo bɛnnen dɔ ye? (Jen. 37:35)
Yusufu bilara kaso la
1. Yusufu si tun ye san joli ye u taara ni a ye tuma min na Misira? Yen nɔ, mun kɛra a la?
2. Mun ye Yusufu lase kaso la?
3. Jɔyɔrɔ jumɛn dira Yusufu ma kaso la?
4. Ka Yusufu to kaso la, a ye mun kɛ Faraon ka minnifɛndibaga ni a ka nburugosila ye?
5. Minnifɛndibaga bɔlen kɔ kaso la, mun kɛra?
Ɲininkali wɛrɛw:
1. Jenɛse 39:1-23 kalan.
Yusufu ka waati la, Ala ka sariya sɛbɛnnen si tun tɛ yen min tun b’a jira ko jɛnɛya ye kojugu ye. Nka mun ye Yusufu wajibiya a ka boli Potifar muso ɲɛ? (Jen. 2:24; 20:3; 39:9)
2. Jenɛse 40:1-23 kalan.
(a) Kuma surun na, ɲɛfɔli kɛ Faraon ka minnifɛndibaga ka sugo ni a kɔrɔ kan, Jehova tun ye o kɔrɔ min fɔ Yusufu ye. (Jen. 40:9-13)
(b) Faraon ka nburugosila tun sugora mun na? O sugo kɔrɔ tun ye mun ye? (Jen. 40:16-19)
(c) Jɔnkɛ dannamɔgɔ hakiliman ye Yusufu hakilila ladege cogo di bi? (Jen. 40:8; Zab. 36:9; Yuhana 17:17; Kɛw. 17:2, 3)
(d) Krecɛnw bɛ min miiri mɔgɔ wolodon sanyɛlɛma seli kan, Jenɛse 40:20 bɛ faamuyali jɛlen di o ko la cogo di? (Ekl. 7:1; Mar. 6:21-28)
Faraon ka sugow
1. Mun kɛra Faraon na su kelen kɔnɔ?
2. Mun na Faraon ka minnifɛndibaga hakili nana jigin Yusufu la?
3. I ko a jiralen bɛ ja kan cogo min na, Faraon ye sugo fila jumɛnw kɛ?
4. Yusufu ye sugo kɔrɔ ɲɛfɔ cogo di?
5. Cogo di Yusufu nana kɛ Misira jamana mɔgɔba ye, min tun dalen bɛ Faraon kan ?
6. Mun na Yusufu balimakɛw nana Misira? Mun na u filila Yusufu ma?
7. Yusufu hakili jiginna sugo jumɛn na? O y’a dɛmɛ ka mun faamu?
Ɲininkali wɛrɛw:
1. Jenɛse 41:1-57 kalan.
(a) Yusufu ye bonya da Jehova kan cogo di? Krecɛnw bɛ se k’a ka misali ladege cogo jumɛn na bi? (Jen. 41:16, 25, 28; Mat. 5:16; 1 Pi. 2:12)
(b) Suman caman sɔrɔla san minnu kɔnɔna na Misira, san caman wɛrɛw kɛra u kɔfɛ, kɔngɔ kɛra. O cogo kelen na bi, alako ta fan fɛ, danfara jumɛn bɛ Jehova ka jamakulu ani diinɛw cɛ minnu b’a fɔ ko olu ye krecɛnw ye k’a sɔrɔ o tɛ tiɲɛ ye? (Jen. 41:29, 30; Amos 8:11, 12)
2. Jenɛse 42:1-8 ni 50:20 kalan.
Yala a man ɲi Jehova batobagaw ka u biri mɔgɔ dɔ ɲɛkɔrɔ walisa ka bonya ni karama da a kan, o tigi jɔyɔrɔ kosɔn, ni a y’a sɔrɔ o jamana ka laada don wa? (Jen. 42:6)
Yusufu y’a balimakɛw kɔrɔbɔ
1. Mun na Yusufu ye a fɔ ko a balimakɛw nana yɔrɔw de jateminɛ?
2. Mun na Yakuba ye a ka lagare, Benjamɛn to ka taa Misira?
3. Yusufu ka warijɛ jifilen sɔrɔla Benjamɛn ka bɔrɛ kɔnɔ cogo di?
4. Juda sɔnna ka mun kɛ walisa Benjamɛn ka se ka labila?
5. Yusufu balimakɛw jogo yɛlɛmana cogo di?
Ɲininkali wɛrɛw:
1. Jenɛse 42:9-38 kalan.
Yusufu ye min fɔ Jenɛse 42:18 la, o bɛ se ka kɛ cogo di hakilijiginnan ɲuman ye mɔgɔw bolo, baara dira minnu ma bi Jehova ka jɛkuluba kɔnɔ? (Neh. 5:15; 2 Kɔr. 7:1, 2)
2. Jenɛse 43:1-34 kalan.
(a) Hali ni Rubɛn tun ye den fɔlɔ ye, a jiralen kɛnɛ kan cogo di ko Juda de nana kɛ a balimakɛw ka kuma lasebaga ye? (Jen. 43:3, 8, 9; 44:14, 18; 1 Til. 5:2)
(b) Yusufu ye a balimakɛw kɔrɔbɔ kɛnɛ kan cogo di, ani mun na? (Jen. 43:33, 34)
3. Jenɛse 44:1-34 kalan.
(a) Walisa ka a yɛrɛ dogo a balimakɛw la ni kegunya ye, Yusufu y’a yɛrɛ kɛ mun ye? (Jen. 44:5, 15; Lev. 19:26)
(b) Yusufu balimakɛw y’a jira cogo di ko a ɲɛngoya min tun b’u la fɔlɔ la, ko o banna sisan? (Jen. 44:13, 33, 34)
Yakuba ka denbaya yɛlɛmana Misira
1. Yusufu y’a fɔ a balimakɛw ye tuma min na ko ale ye Yusufu de ye, mun kɛra?
2. Yusufu ye mun fɔ a balimakɛw ye ni dusumandiya ye?
3. Faraon y’a mɛn tuma min na ko Yusufu balimakɛw nana, a ye mun fɔ?
4. Yakuba yɛlɛmana Misira tuma min na, a ka denbaya tun ka bon fo ka se mɔgɔ hakɛ jumɛn ma?
5. Yakuba ka denbaya nana wele tɔgɔ jumɛn na, ani mun na?
Ɲininkali wɛrɛw:
1. Jenɛse 45:1-28 kalan.
Yusufu ka nin maana min bɛ Bibulu kɔnɔ, o b’a jira cogo di ko kojugu lawulilen ka ɲɛsin Jehova ka baarakɛlaw ma, Jehova bɛ se ka o yɛlɛma ka o laban ka kɛ hɛrɛko ye? (Jen. 45:5-8; Esa. 8:10; Fil. 1:12-14)
2. Jenɛse 46:1-27 kalan.
Yakuba taatɔ Misira, Jehova ye mun sɛmɛntiya a ye? (Jen. 46:1-4)
Job ye kantigi ye Ala fan fɛ
1. Job ye jɔni ye?
2. Sitanɛ y’a ɲini ka mun kɛ, nka yala a sera ka o kɛ wa?
3. Jehova y’a to Sitanɛ ka mun kɛ ani mun na?
4. Mun na Job muso y’a fɔ a ye ko a ka ‘Ala danga, ka sa’? (Ja lajɛ.)
5. I ko i ɲɛ b’a la cogo min na ja filanan kan, Jehova ye dugawu jumɛnw lase Job ma, ani mun na?
6. N’an ye kantigi ye Jehova fan fɛ i n’a fɔ Job, an bɛna dugawu jumɛnw sɔrɔ?
Ɲininkali wɛrɛw:
1. Job 1:1-22 kalan.
Krecɛnw bɛ se ka Job ladege cogo jumɛn na bi? (Job 1:1; Fil. 2:15; 2 Pi. 3:14)
2. Job 2:1-13 kalan.
Sitanɛ kɛlen ka tɔɔrɔ bin Job kan, Job kɛcogo ni a muso kɛcogo ma kɛ kelen ye. Cogo di? (Job 2:9, 10; Nt. 19:3; Mi. 7:7; Mal. 3:14)
3. Job 42:10-17 kalan.
(a) Job ni Yesu ye duba sɔrɔ u ka kantigiya kosɔn, o duba bɔlen bɛ ɲɔgɔn fɛ sira jumɛnw fɛ? (Job 42:12; Fil. 2:9-11)
(b) Ikomi Job ye kantigiya mara Ala fan fɛ, a ye dugawu minnu sɔrɔ o la, o bɛ dusu don an kɔnɔ cogo di? (Job 42:10, 12; Heb. 6:10; Yak. 1:2-4, 12; 5:11)
Masakɛjugu bɛ Misira kunna
1. Busan bɛ cɛ min bolo yan yɔrɔ la, o ye jɔni ye? A bɛ ka jɔni gosi?
2. Mun ye Israɛlkaw sɔrɔ Yusufu salen kɔfɛ?
3. Mun na Misirakaw siranna Israɛlkaw ɲɛ?
4. Muso minnu ka baara ye ka Israɛlka muso kɔnɔmaw dɛmɛ u ka u denw wolo, Faraon y’a fɔ olu ye u ka mun kɛ?
Ɲininkali wɛrɛw:
1. Ekisode 1:6-22 kalan.
(a) Jehova tun ye layidu min ta Ibrahima ye, a ye o tiimɛni daminɛ cogo jumɛn na? (Ek. 1:7; Jen. 12:2; Kɛw. 7:17)
(b) Muso minnu ye Heburu musow dɛmɛ u ka u denw wolo, olu y’a jira cogo di ko u bɛ hadamaden ka ɲɛnamaya bonya, ko fɛn senuman don olu bolo? (Ek. 1:17; Jen. 9:6)
(c) Jehova ye o musow sara u ka kantigiya la ale fan fɛ cogo jumɛn na? (Ek. 1:20, 21; Nt. 19:17)
(d) Bɔnsɔn min layidu tara Ibrahima ye, Sitanɛ y’a ɲini cogo di ka Jehova sagonata bali o ko la? (Ek. 1:22; Mat. 2:16)
Musa denyɛninnama kisira cogo min na
1. Denyɛnin min bɛ ja kan yan, jɔni don? A ye jɔni bolokɔni minɛ?
2. Musa woloba ye mun kɛ walisa Musa kana faga?
3. Dennin min bɛ ja kan yan, jɔni don? A bɛ ka mun kɛ?
4. Faraon denmuso ye den ye tuma min na, Mariyama ye mun fɔ a ye?
5. Masakɛ denmuso ye mun fɔ Musa woloba ye?
Ɲininkali wɛrɛ:
1. Ekisode 2:1-10 kalan.
Musa woloba ye sira jumɛn sɔrɔ ka se ka Musa lamɔ, k’a kalan a ka denmisɛnninya kɔnɔ? O ye misali ɲuman ye bi bangebagaw bolo cogo di? (Ek. 2:9, 10; Dut. 6:6-9; Nt. 22:6; Efɛ. 6:4; 2 Tim. 3:15)
Musa bolila ka bɔ Misira
1. Musa lamɔna min, nka a tun bɛ mun dɔn a bangebagaw ko la?
2. Musa ye san 40 sɔrɔ tuma min na, a ye mun kɛ?
3. Musa ye mun fɔ Israɛl ka dɔ ye min tun bɛ ka a balimakɛ dɔ bugɔ? O Israɛlka ye mun fɔ ka Musa jaabi?
4. Mun na Musa bolila ka bɔ Misira?
5. Musa bolila ka taa min, a ye jɔni ye o yɔrɔ la?
6. Musa bolilen kɔ ka bɔ Misira, a ye mun kɛ o san 40 kɔnɔna na?
Ɲininkali wɛrɛw:
1. Ekisode 2:11-25 kalan.
Musa kalanna san caman kɔnɔ Misirakaw ka hakilitigiya sira la, nka o bɛɛ n’a ta a kɛra kantigi ye Jehova ni a ka jamakulu fan fɛ. Cogo di? (Ek. 2:11, 12; Heb. 11:24)
2. Kɛwalew 7:22-29 kalan.
Musa y’a ɲini ka Israɛlkaw bɔ Misirakaw ka jɔnya la a kelenpe, o b’an kalan mun na? (Kɛw. 7:23-25; 1 Pi. 5:6, 10)
Tasuma bɛ ka mɛnɛ jiritu min na
1. Kulu min bɛ ja kan yan yɔrɔ la, o tɔgɔ bɛ di?
2. Musa taara kulu la tuma min ni a ka sagaw ye, a ye kabako min ye, o ɲɛfɔ.
3. Kumakan jumɛn de bɔra jiritu la, ani jɔni kumakan tun don?
4. Musa ye mun fɔ tuma min na Ala y’a fɔ ko Musa de bɛna A ka jamakulu ɲɛminɛ ka bɔ Misira?
5. Ala ko Musa ka mun fɔ, ni mɔgɔw y’a ɲininka ko jɔni y’a ci?
6. Musa bɛna se k’a jira cogo di ko Ala de y’ale ci?
Ɲininkali wɛrɛw:
1. Ekisode 3:1-22 kalan.
Musa ka ko bɛ dannaya di an ma cogo jumɛn na ko hali ni an b’a miiri ko an tɛ se ka baara dɔ kɛ Ala-ka-marako ta fan fɛ, Jehova bɛna an dɛmɛ ka o kɛ? (Ek. 3:11, 13; 2 Kɔr. 3:5, 6)
2. Ekisode 4:1-20 kalan.
(a) Yɛlɛma jumɛn donna Musa hakilila la a ka san 40 kɔnɔna na Madiyan? Mɔgɔ minnu bɛ jɔyɔrɔ nɔfɛ jɛkulu kɔnɔ, olu bɛ se ka kalansira jumɛn sɔrɔ o la? (Ek. 2:11, 12; 4:10, 13; Mi. 6:8; 1 Tim. 3:1, 6, 10)
(b) Hali ni Jehova y’an kolo a ka jamakulu sababu fɛ, Musa ka misali b’a to an ka da mun na? (Ek. 4:12-14; Zab. 103:14; Heb. 12:4-11)
Musa ni Aron taara Faraon fɛ
1. Musa ni Aron ye kabako minnu kɛ Israɛlkaw ɲɛkɔrɔ, olu ye mun kɛ Israɛlkaw la?
2. Musa ni Aron ye mun fɔ Faraon ye? Faraon ka jaabi kɛra mun ye?
3. I ko an ɲɛ b’a la ja kan cogo min na, mun kɛra tuma min na Aron y’a ka bere fili dugu ma?
4. Jehova ye Faraon kalan fɛn dɔ la cogo di? Faraon ye a jaabi cogo di?
5. Mun kɛra tɔɔrɔko tannan kɔfɛ?
Ɲininkali wɛrɛw:
1. Ekisode 4:27-31 ni 5:1-23 kalan.
Faraon y’a fɔ tuma min na ko: “Ne tɛ Jehova dɔn,” o kɔrɔ tun ye mun ye? (Ek. 5:2; 1 Sam. 2:12; Rom. 1:21)
2. Ekisode 6:1-13, 26-30 kalan.
(a) Ni Jehova ko Ibrahima ni Isaka ni Yakuba ma ale dɔn, o kɔrɔ tun ye mun ye? (Ek. 3:13, 14; 6:3; Jen. 12:8)
(b) Hali ni Musa bolo, ale tun tɛ se ka baara dilen kɛ, o bɛɛ n’a ta, Jehova y’a ta o baara kama. O bɛ mun jira an na? (Ek. 6:12, 30; Luka 21:13-15)
3. Ekisode 7:1-13 kalan.
(a) Musa ni Aron kɛlen ka Jehova ka kiriw fɔ Faraon ye ni jagɛlɛya ye, u ye misali jumɛn jira Ala ka bi baarakɛlaw la? (Ek. 7:2, 3, 6; Kɛw. 4:29-31)
(b) Jehova y’a jira cogo jumɛn na ko ale bɛ Misira ka boliw bɛɛ sanfɛ? (Ek. 7:12; 1 Til. 29:12)
Tɔɔrɔko 10
1. Jehova ye tɔɔrɔko fɔlɔ, filanan ni sabanan minnu bin Misirakaw kan, jaw lajɛ k’olu fɔ.
2. Danfara jumɛn bɛ o tɔɔrɔko saba ni tɔɔrɔko tɔw cɛ?
3. Tɔɔrɔko naaninan, duurunan ni wɔɔrɔnan tun ye mun ye?
4. Tɔɔrɔko wolonwulanan, seginnan ni kɔnɔntɔnnan ɲɛfɔ.
5. Jehova y’a fɔ Israɛlkaw ye u ka mun kɛ sani tɔɔrɔko tannan ka kɛ?
6. Tɔɔrɔko tannan tun ye mun ye, wa mun kɛra o kɔfɛ?
Ɲininkali wɛrɛw:
1. Ekisode 7:19– 8:23 kalan.
(a) Jehova ye kabako fila minnu kɛ, hali ni Misira dɔnnikɛlaw sera ka olu ɲɔgɔn kɛ, u wajibiyara ka sɔn mun ma tɔɔrɔko sabanan kɛlen kɔ? (Ek. 8:14, 15; Mat. 12:24-28)
(b) Tɔɔrɔko naaninan y’a jira cogo di ko se bɛ Jehova ye ka a ka mɔgɔw lakana? Ka o ko dɔn, o bɛna Jehova ka jamakulu bila ka mun miiri “tɔɔrɔba” kofɔlen waati la? (Ek. 8:22, 23; Jir. 7:13, 14; 2 Til. 16:9)
2. Ekisode 8:24; 9:3, 6, 10, 11, 14, 16, 23-25; ni 10:13-15, 21-23 kalan.
(a) Tɔɔrɔko tan ye kulu fila jumɛn jira? O b’an bila ka mun miiri bi o kulu fila ko la? (Ek. 8:6, 14, 15; 9:14)
(b) Kun min na Jehova ma Sitanɛ faga hali bi, Ekisode 9:16 b’an dɛmɛ ka o faamu cogo di? (Rom. 9:21, 22)
3. Ekisode 12:21-32 kalan.
Tɛmɛnkan y’a to mɔgɔ caman sera ka kisi cogo di? Tɛmɛnkan tun bɛ mun fana kofɔ? (Ek. 12:21-23; Yuh. 1:29; Rom. 5:18, 19, 21; 1 Kɔr. 5:7)
Kɔgɔji Bilen tigɛli
1. Israɛl cɛ minnu bɔra Misira, k’a sɔrɔ musow ni denw ma jate, olu tun ye mɔgɔ joli ye? Jɔni fana farala Israɛlkaw kan ka bɔ Misira?
2. Faraon ye Israɛlkaw to u ka taa tuma min na, a ye mun miiri o kɔfɛ? A ye mun kɛ?
3. Jehova ye mun kɛ walisa ka Misirakaw bali u ka se a ka mɔgɔw ma?
4. Musa y’a ka bere yankan tuma min na Kɔgɔji Bilen kunna, mun kɛra? Israɛlkaw ye mun kɛ?
5. Tuma min na Misirakaw y’u girin ka don kɔgɔji la Israɛlkaw nɔfɛ, mun kɛra?
6. Ikomi Jehova ye Israɛlkaw kisi, u y’u ka nisɔndiya ni u ka waleɲumandɔn jira a la cogo di?
Ɲininkali wɛrɛw:
1. Ekisode 12:33-36 kalan.
Israɛlkaw ye san minnu kɛ jɔnya la Misirakaw fɛ, Jehova ye mun kɛ walisa Israɛlkaw ka u ka jɔnya sara sɔrɔ? (Ek. 3:21, 22; 12:35, 36)
2. Ekisode 14:1-31 kalan.
Harmagedɔn kɛlɛ natɔ don. O waati la, Musa ye kuma minnu fɔ Ekisode 14:13, 14 na, olu bɛna mun kɛ Jehova ka bi baarakɛlaw la? (2 Til. 20:17; Zab. 91:8)
3. Ekisode 15:1-8, 20, 21 kalan.
(a) Mun na Jehova ka baarakɛlaw ka kan ka dɔnkili da ka Jehova tanu? (Ek. 15:1, 2; Zab. 105:2, 3; Jir. 15:3, 4)
(b) Mariyama ni musow ye Jehova tanu cogo min na Kɔgɔji Bilen na, bi Krecɛn musow bɛ se ka olu ladege cogo di? (Ek. 15:20, 21; Zab. 68:11)
Dumunifɛn sifa kura
1. Mɔgɔw bɛ ka mun cɛ dugu ma yan? O fɛn bɛ wele cogo di?
2. Musa ye ci jumɛn fɔ mɔgɔw ye manɛ cɛli ko la?
3. Jehova y’a fɔ ko jama ka mun kɛ tile wɔɔrɔnan don na? Mun na?
4. Jehova ye kabako jumɛn kɛ ni manɛ tun cɛra ka bila tile wolonwulan don kama?
5. Jehova ye jama balo ni manɛ ye waati joli kɔnɔ?
Ɲininkali wɛrɛw:
1. Ekisode 16:1-36 ni Nɔnburuw 11:7-9 kalan.
(a) Ala bɛ mɔgɔ minnu sigi Krecɛn jɛkulu kunna, Ekisode 16:8 b’a jira cogo di ko an ka kan ka olu bonya? (Heb. 13:17)
(b) Ka Israɛlkaw to kungokolon kɔnɔ, mun tun b’a jira u la don o don ko u ka kow dulonnen bɛ Jehova la? (Ek. 16:14-16, 35; Dut. 8:2, 3)
(c) Yesu ye manɛ kɛ mun taamasyɛn ye ani o ‘dumunifɛn min bɛ bɔ sankolo la,’ an bɛ se ka nafa sɔrɔ o la cogo di? (Yuh. 6:31-35, 40)
2. Josue 5:10-12 kalan.
Israɛlkaw ye manɛ dun san joli kɔnɔ? O kɛra kɔrɔbɔli ye olu bolo cogo di? Nin maana bɛ se k’an kalan mun na? (Ek. 16:35; Nɔn. 11:4-6; 1 Kɔr. 10:10, 11)
Jehova ye a ka sariyaw di
1. Israɛlkaw bɔlen Misira, kalo fila o kɔfɛ, u taara sigi min?
2. Jehova y’a fɔ jama ye ko a b’a fɛ u ka mun kɛ? Jama ka jaabi kɛra mun ye?
3. Mun na Jehova ye kabakurun pɛnpɛnrɛnnen fila di Musa ma?
4. Jehova ye sariya jumɛnw di Israɛlkaw ma ka fara Sariya Tan kan?
5. Yesu Krisita y’a fɔ ko sariya fila jumɛnw ye sariyaw bɛɛ la belebele ye?
Ɲininkali wɛrɛw:
1. Ekisode 19:1-25; 20:1-21; 24:12-18; ni 31:18 kalan.
Kuma minnu fɔlen bɛ Ekisode 19:8 na, olu b’an dɛmɛ cogo di k’a faamu mun sen bɛ Krecɛn ka yɛrɛdi la? (Mat. 16:24; 1 Pi. 4:1-3)
2. Dutɛrɔnɔmɛ 6:4-6, Levitike 19:18 ni Matiyu 22:36-40 kalan.
Krecɛnw b’a jira cogo di ko u bɛ Ala kanu ani k’u bɛ u mɔgɔɲɔgɔn kanu? (Mark. 6:34; Kɛw. 4:20; Rom. 15:2)
Misiden sanulama
1. Mɔgɔw bɛ ka mun kɛ yan ja kan, ani mun na?
2. Mun na Jehova diminna? Musa ye mun kɛ tuma min na a ye mɔgɔw ka kɛta ye?
3. Musa y’a fɔ cɛ damadɔw ye ko u ka mun kɛ?
4. Nin maana b’an kalan mun na?
Ɲininkali wɛrɛw:
1. Ekisode 32:1-35 kalan.
(a) Ka Jehova bato ɲagami ni diinɛ min tɛ tiɲɛ fɔ, Jehova bɛ min miiri o ko la, nin maana b’o jira cogo di? (Ek. 32:4-6, 10; 1 Kɔr. 10:7, 11)
(b) Ni Krecɛnw b’a fɛ ka u yɛrɛ ɲɛnajɛ, i n’a fɔ ka dɔnkili da walima ka dɔn kɛ, u ka kan k’u kɔlɔsi mun fɛnw na? (Ek. 32:18, 19; Efɛ. 5:15, 16; 1 Yuh. 2:15-17)
(c) Levi ka kabila ye misali ɲuman jira tilennenya lafasali la cogo di? (Ek. 32:25-28; Zab. 18:26)
Finiso dilanna bato kama
1. Fɛn min dilannen bɛ ja kan yan, o bɛ wele cogo di? A dilanna mun kama?
2. Mun na Jehova y’a fɔ Musa ye ko a ka finiso dilan cogo la, min b’a to a bɛ se ka waraka nɔgɔya la?
3. Kɛsu min bɛ soden fitinin kɔnɔ fo finiso kɔnɔna na, o ye mun ye? Mun bɛ o kɛsu kɔnɔ?
4. Jehova ye jɔni ta ka kɛ sarakalasebaga kuntigi ye? Sarakalasebaga kuntigi ka baara ye mun ye?
5. Fɛn saba minnu bɛ soden belebele kɔnɔ, olu fɔ.
6. Fɛn fila jumɛn tun bɛ finiso dukɛnɛ na? Ɲɛci jumɛn tun bɛ o fɛnw na ?
Ɲininkali wɛrɛw:
1. Ekisode 25:8-40; 26:1-37; 27:1-8; ni 28:1 kalan.
Serubɛn minnu tun bɛ “seereya wagande” kunna, olu tun ye mun taamasyɛn ye? (Ek. 25:20, 22; Nɔn. 7:89; 2 Mas. 19:15)
2. Ekisode 30:1-10, 17-21; 34:1, 2; ni Heburuw 9:1-5 kalan.
(a) Jehova y’a jira k’a jɛya ko sarakalasebaga minnu bɛ baara kɛ finiso kɔnɔ, a nafa ka bon olu farikolo saniyalen ka to. Mun na? O ko ka kan ka an bila ka mun kɛ bi? (Ek. 30:18-21; 40:30, 31; Heb. 10:22)
(b) Ciden Paul y’a jira cogo di ko Finiso ani Tɔn Sariya kɛra fɛn kɔrɔw ye tuma min na a y’a ka lɛtɛrɛ ci Heburu krecɛnw ma? (Heb. 9:1, 9; 10:1)
Sɛgɛsɛgɛlikɛla 12
1. I bɛ mun kɔlɔsi yan yɔrɔ la rezɛn tusu ko la? O bɔra min?
2. Mun na Musa ye cɛ 12 ci ka taa Kanan jamana sɛgɛsɛgɛ?
3. Sɛgɛsɛgɛlikɛla tan ye mun lakali Musa ye tuma min na u seginna?
4. Sɛgɛsɛgɛlikɛla fila y’a jira cogo di ko u dalen bɛ Jehova la? O cɛ fila tɔgɔw bɛ di?
5. Mun na Jehova dusu bɔra? A ye mun fɔ Musa ye?
Ɲininkali wɛrɛw:
1. Nɔnburuw 13:1-33 kalan.
(a) Jɔnni sugandira ka taa jamana sɛgɛsɛgɛ? O tun ye cogoba jumɛn dilen ye u ma ? (Nɔn. 13:2, 3, 18-20)
(b) Mun na Josue ni Kalɛb ka kow yecogo ni sɛgɛsɛgɛlikɛla tɔw ka kow yecogo tun tɛ kelen ye? O b’an kalan fɛn jumɛn na? (Nɔn. 13:28-30; Mat. 17:20; 2 Kɔr. 5:7)
2. Nɔnburuw 14:1-38 kalan.
(a) An ka kan ka lasɔminikan jumɛn to an hakili la, dajukɔrɔ kuma ko la ka ɲɛsin Jehova ka mɔgɔ sigilenw ma dugukolo kan? (Nɔn. 14:2, 3, 27; Mat. 25:40, 45; 1 Kɔr. 10:10)
(b) Nɔnburuw 14:24 b’a jira cogo di ko Jehova yɛrɛ de b’a mago don a ka baarakɛla kelen-kelen bɛɛ la? (1 Mas. 19:18; Nt. 15:3)
Aron ka bere ye filɛruw kɛ
1. Jɔni murutira Musa ni Aron ka kuntigiya ma? U ye mun fɔ Musa ye?
2. Musa y’a fɔ Korɛ ni a ka nɔfɛmɔgɔ 250 ye u ka mun kɛ?
3. Musa ye mun fɔ jama ye? A tilalen kuma na dɔrɔn, mun kɛra?
4. Mun ye Korɛ ni a nɔfɛmɔgɔ 250 sɔrɔ?
5. Aron denkɛ Eleazar ye mun kɛ ni mɔgɔ salenw ka wusulandagaw ye, ani mun na?
6. Mun na Jehova y’a kɛ Aron ka bere ye filɛruw kɛ (Ja lajɛ.)
Ɲininkali wɛrɛw:
1. Nɔnburuw 16:1-49 kalan.
(a) Korɛ ni a nɔfɛmɔgɔw ye mun kɛ? Mun na o tun ye murutili ye Jehova de ma? (Nɔn. 16:9, 10, 18; Lev. 10:1, 2; Nt. 11:2)
(b) Korɛ ni “kuntigi” 250 y’a to hakilila jugu jumɛn ka kɔgɔ u la? (Nɔn. 16:1-3; Nt. 15:33; Esa. 49:7)
2. Nɔnburuw 17:1-11 ni 26:10 kalan.
(a) Aron ka bere ye filɛruw kɛ minkɛ, o tun bɛ mun jira? Mun na Jehova y’a fɔ o ka mara wagande kɔnɔ? (Nɔn. 17:5, 8, 10)
(b) An bɛ se ka kalan ɲɛnama jumɛn bɔ Aron ka bere taamasyɛn na? (Nɔn. 17:10; Kɛw. 20:28; Fil. 2:14; Heb. 13:17)
Musa ye farakurun gosi
1. Israɛlkaw tun bɛ kungokolon kɔnɔ tuma min na, Jehova ye a mago don u la cogo jumɛn na?
2. Israɛlkaw tun bɛ ka mun kɔrɔfɔli kumaw fɔ k’u to Kadɛs?
3. Jehova ye ji di jama ni baganw ma cogo di?
4. Mɔgɔ min bɛ ka a bolo ɲɛsin a yɛrɛ ma ja kan yan, o ye jɔni ye? Mun na a bɛ ka o kɛ?
5. Mun na Jehova diminna Musa ni Aron kɔrɔ? A ye u ɲangi cogo jumɛn na?
6. Mun kɛra Hor kulu la? Jɔni kɛra Israɛl ka sarakalasebagaw kuntigi ye?
Ɲininkali wɛrɛw:
1. Nɔnburuw 20:1-13, 22-29 ni Dutɛrɔnɔmɛ 29:5 kalan.
(a) Jehova y’a mago don cogo min na Israɛlkaw la ka u to kungokolon kɔnɔ, an bɛ mun kalan o la? (Dut. 29:5; Mat. 6:31; Heb. 13:5; Yak. 1:17)
(b) Musa ni Aron ma Jehova saniya Israɛlkaw ɲɛkɔrɔ minkɛ, Jehova ye mun miiri o ko la? (Nɔn. 20:12; 1 Kɔr. 10:12; Jir. 4:11)
(c) Musa ye Jehova ka kololi minɛ cogo min na, o b’an kalan mun na? (Nɔn. 12:3; 20:12, 27, 28; Dut. 32:4; Heb. 12:7-11)
Sa nsiranɛgɛlama
1. Mun de melekelen bɛ poto la yan yɔrɔ la? Mun na Jehova y’a fɔ Musa ye a ka o kɛ k’a bila yenni nɔ?
2. Ala ye ko minnu bɛɛ kɛ jama ye, cogo jumɛn na u ma a waleɲumandɔn?
3. Mɔgɔw y’a ɲini Musa fɛ a ka mun kɛ tuma min na Jehova ye sajuguw bila ka na u kin?
4. Mun na Jehova y’a fɔ Musa ye ko a ka sa nsiranɛgɛlama dilan?
5. An bɛ se ka kalan jumɛn sɔrɔ ka bɔ nin Maana na?
Ɲininkali wɛrɛw:
1. Nɔnburuw 21:4-9 kalan.
(a) Israɛlkaw ye Jehova ka kɛcogow kɔrɔfɔ minkɛ, o ye kankaridakan jumɛn ye an bolo bi? (Nɔn. 21:5, 6; Rom. 2:4)
(b) San kɛmɛ caman kɔfɛ, Israɛlkaw ye baara jumɛn kɛ ni sa nsiranɛgɛlama ye? Masakɛ Ezekiyasi ye mun kɛ ka ɲɛsin o ko ma? (Nɔn. 21:9; 2 Mas. 18:1-4)
2. Yuhana 3:14, 15 kalan.
Sa nsiranɛgɛlama dulonni poto la, o tun bɛ Yesu Krisita dulonni de jira cogo bɛnnen na. Cogo di? (Gal. 3:13; 1 Pi. 2:24)
Fali dɔ kumana
1. Balak ye jɔni ye, mun na a ye Balam wele ka na?
2. Mun na Balam ka fali y’i da sira kan?
3. Fali ye mun fɔ Balam ye?
4. Mɛlɛkɛ ye mun fɔ Balam ye?
5. Balam y’a ɲini tuma min na ka Israɛl danga, mun kɛra?
Ɲininkali wɛrɛw:
1. Nɔnburuw 21:21-35 kalan.
Mun na Israɛl ye se sɔrɔ Amorkaw ka masakɛ Sihon kan ani Basan masakɛ Og kan? (Nɔn. 21:21, 23, 33, 34)
2. Nɔnburuw 22:1-40 kalan.
Balam tun bɛ mun de nɔfɛ tuma min na a y’a ɲini ka Israɛl danga? An bɛ se ka kalan jumɛnw bɔ o la? (Nɔn. 22:16, 17; Nt. 6:16, 18; 2 Pi. 2:15; Jude 11)
3. Nɔnburuw 23:1-30 kalan.
Hali ni Balam kumana k’a kɛ i ko ale tun ye Jehova batobaga ye, a ka kɛwalew y’a jira cogo di ko a tɛ o ye? (Nɔn. 23:3, 11-14; 1 Sam. 15:22)
4. Nɔnburuw 24:1-25 kalan.
Cogo jumɛn na nin Bibulu maana bɛ an ka dannaya sinsin ko Jehova sagonata bɛna kɛ? (Nɔn. 24:10; Isa. 54:17)
Josue kɛra ɲɛminɛbaga kura ye
1. Musa ni cɛ fila minnu jɔlen bɛ ja kan yan, olu ye jɔni ye?
2. Jehova ye mun fɔ Josue ye?
3. Mun na Musa yɛlɛnna Nebo kulu san fɛ? Jehova ye mun fɔ a ye o yɔrɔ la?
4. Musa sara k’a si to san joli la?
5. Mun na mɔgɔw ɲɛnasisira? Nka kun jumɛn tun b’u bolo ka nisɔndiya sɔrɔ?
Ɲininkali wɛrɛw:
1. Nɔnburuw 27:12-23 kalan.
Jehova ye baara belebele jumɛn di Josue ma? Jehova b’a jira ko a b’a mago don a ka mɔgɔw la bi cogo jumɛn na? (Nɔn. 27:15-19; Kɛw. 20:28; Heb. 13:7)
2. Dutɛrɔnɔmɛ 3:23-29 kalan.
Mun na Jehova ma sɔn Musa ni Aron ka ba tigɛ ka don jamana layidu talen na? O b’an kalan mun na? (Dut. 3:25-27; Nɔn. 20:12, 13)
3. Dutɛrɔnɔmɛ 31:1-8, 14-23 kalan.
Cogo di Musa ye kuma minnu fɔ Israɛlkaw ye sani a ka sa, o b’a jira ko a sɔnna Jehova ka kololi ma ni majiginnenya ye? (Dut. 31:6-8, 23)
4. Dutɛrɔnɔmɛ 32:45-52 kalan.
Cogo di Ala ka Kuma ka kan ka nɔ bila an ka ɲɛnamaya la? (Dut. 32:47; Lev. 18:5; Heb. 4:12)
5. Dutɛrɔnɔmɛ 34:1-12 kalan.
Hali ni Musa ma Jehova yɛrɛ-yɛrɛ ye a ɲɛ kisɛ la, Dutɛrɔnɔmɛ 34:10 bɛ a ni Jehova cɛsira ɲɛfɔ cogo di? (Ek. 33:11, 20; Nɔn. 12:8)
Rahab ye sɛgɛsɛgɛlikɛlaw dogo
1. Rahab tun sigilen bɛ min?
2. Cɛ fila minnu bɛ yan, olu ye jɔni ye, wa mun na u bɛ Jeriko?
3. Jeriko masakɛ y’a fɔ Rahab ye a ka mun kɛ? Rahab ye jaabi jumɛn di?
4. Rahab ye Sɛgɛsɛgɛlikɛla fila dɛmɛ cogo di? A y’a ɲini u fɛ u ka mun kɛ ale ye?
5. Sɛgɛsɛgɛlikɛla fila ye layidu jumɛn ta Rahab ye?
Ɲininkali wɛrɛw:
1. Josue 2:1-24 kalan.
Israɛlkaw nana Jeriko kɛlɛ tuma min na, Jehova ka layidu min bɛ Ekisode 23:28 na, o timɛna cogo di? (Jos. 2:9-11)
2. Heburuw 11:31 kalan.
Rahab ka misali b’a jira an na cogo di ko dannaya nafa ka bon? (Rom. 1:17; Heb. 10:39; Yak. 2:25)
Jurdɛn baji tigɛli
1. Jehova ye kabako jumɛn kɛ Israɛlkaw ye walisa u ka se ka Jurdɛn baji tigɛ?
2. Walisa u ka se ka Jurdɛn baji tigɛ, Israɛlkaw ye wale jumɛn kɛ min tun bɛ u ka dannaya jira?
3. Mun na Jehova y’a fɔ Josue ye ko a ka kabakurun belebele 12 sigi ɲɔgɔn kan badingɛ kɔnɔ?
4. Sarakalasebagaw bɔra Jurdɛn baji la dɔrɔn, mun kɛra?
Ɲininkali wɛrɛw:
1. Josue 3:1-17 kalan.
(a) I ko nin maana b’a jira cogo min na, an ka kan ka mun kɛ walisa ka Jehova ka dɛmɛ ni a ka dugawu sɔrɔ? (Jos. 3:13, 15; Nt. 3:5; Yak. 2:22, 26)
(b) Israɛlkaw tun bɛna ba tigɛ tuma min na ka don jamana layidu talen na, Jurdɛn baji tun bɛ cogoya jumɛn na? O ye bonya da Jehova tɔgɔ kan cogo di? (Jos. 3:15; 4:18; Zab. 66:5-7)
2. Josue 4:1-18 kalan.
Kun jumɛn na kabakurun 12 tara Jurdɛn ba la ka na u bila Gilgal? (Jos. 4:4-7)
Jeriko laminikogobaw
1. Jehova y’a fɔ sɔrɔdasiw ni sarakalasebagaw ye ko u ka mun kɛ tile wɔɔrɔ kɔnɔ?
2. Cɛw tun ka kan ka mun kɛ tile wolonwula don na?
3. I ko i ɲɛ b’a la ja kan cogo min na, mun ye Jeriko kogow sɔrɔ?
4. Mun na jurukisɛ bilenman dɔ dulonnen bɛ fenɛtiri la?
5. Josue y’a fɔ sɔrɔdasiw ye u ka mun kɛ Jeriko dugu ni a mɔgɔw la? Nka a ko mun ka kɛ ni warijɛ, ni sanu ni nsiranɛgɛ ni nɛgɛfin ye?
6. A fɔra sɛgɛsɛgɛlikɛla fila ye u ka mun kɛ?
Ɲininkali wɛrɛw:
1. Josue 6:1-25 kalan.
(a) Cogo di Israɛlkaw ye taama min kɛ ka Jeriko dugu lamini tile wolonwulanan don na, o ni Jehova Seerew ka waajuli baara bɔlen bɛ ɲɔgɔn fɛ nin don labanw na? (Jos. 6:15, 16; Esa. 60:22; Mat. 24:14; 1 Kɔr. 9:16)
(b) Kirayakuma min fɔra Josue 6:26 la, o timɛna cogo di san 500 kɔfɛ? Wa, o b’an kalan mun na Jehova ka Kuma ko la? (1 Ki. 16:34; Isa. 55:11)
Nsonkɛ dɔ bɛ Israɛl
1. Ni i ye ja lajɛ, cɛ min bɛ ka Jeriko nafolomafɛnw dogo dugu jukɔrɔ, a ka finiso kɔnɔ, o ye jɔni ye? Jɔni bɛ ka a dɛmɛ?
2. Mun na Akan ni a ka denbaya ye min kɛ, o tun ye kojuguba ye?
3. Tuma min na Josue ye Jehova ɲininka mun na Israɛlkaw ma se sɔrɔ Ayi ka kɛlɛ la, Jehova ye mun fɔ a ye?
4. U nana ni Akan ni a ka denbaya ye Josue ɲɛkɔrɔ tuma min na, mun kɛra u la?
5. Kiri min binna Akan kan, o b’an kalan fɛn nafama jumɛn na?
Ɲininkali wɛrɛw:
1. Josue 7:1-26 kalan.
(a) Josue ka deliliw bɛ mun jira ale ni a Dabaga cɛ ko la? (Jos. 7:7-9; Zab. 119:145; 1 Yuh. 5:14)
(b) Akan ye min kɛ, o bɛ mun jira? Cogo di o ye lasɔminikan ye an bolo bi ? (Jos. 7:11, 14, 15; Nt. 15:3; 1 Tim. 5:24; Heb. 4:13)
2. Josue 8:1-29 kalan.
Krecɛn jɛkulu ta fan fɛ, an bɛɛ kelen-kelen ka kan ka fɛn dɔ kɛ. O fɛn ye mun ye? (Jos. 7:13; Lev. 5:1; Nt. 28:13)
Gabaonkaw ye hakili sɔrɔ
1. Mun na Gabaonkaw ni u kɛrɛfɛ dugu mɔgɔ tɔw tun tɛ kelen ye?
2. I ko a jiralen bɛ cogo min na ja kan yan, Gabonkaw ye mun kɛ, ani mun na u y’o kɛ?
3. Josue ni Israɛl kuntigiw ye layidu jumɛn ta Gabaonkaw ye? Nka u nana mun mɛn tile saba o kɔfɛ?
4. Dugu tɔw masakɛw y’a mɛn tuma min na ko Gabaonkaw ye hɛrɛ ɲini Israɛl fɛ, o duguw masakɛw ye mun kɛ?
Ɲininkali wɛrɛw:
1. Josue 9:1-27 kalan.
(a) Jehova tun ye ci fɔ Israɛlkaw ye ko u ka Kanan “jamana mɔgɔw bɛɛ halaki,” nka, Jehova sɔnna ka Gabaonkaw kisi.O b’a jira ko Jehova ye Ala sugu jumɛn ye? (Jos. 9:22, 24; Mat. 9:13; Kɛw. 10:34, 35; 2 Pi. 3:9)
(b) Josue ye layidu min ta Gabaonkaw ye, a ye o layidu tiimɛ. Josue ye misali jumɛn jira bi Krecɛnw ma? (Jos. 9:18, 19; Mat. 5:37; Efɛ. 4:25)
2. Josue 10:1-5 kalan.
Jamaba bɛ Gabaonkaw ladege cogo jumɛn na bi? O la sa u kɛra jɔni bolo mɔgɔ kɛlɛtaw ye ? (Jos. 10:4; Zek. 8:23; Mat. 25:35-40; Jir. 12:17)
Tile tora a nɔ na
1. Josue bɛ ka mun fɔ ja kan yan yɔrɔ la, ani mun na?
2. Jehova ye Josue ni a ka sɔrɔdasiw dɛmɛ cogo di?
3. Josue sera masakɛ joli la? O kɛlɛ ye waati joli ta?
4. Mun na Josue ye Kanan jamana tilatila?
5. Josue sara k’a si to san joli la? Mun ye Israɛlkaw sɔrɔ o kɔfɛ?
Ɲininkali wɛrɛw:
1. Josue 10:6-15 kalan.
K’a dɔn ko Jehova y’a kɛ tile ni kalo tora u nɔ na Israɛlkaw kosɔn, o bɛ dannaya sugu jumɛn di an ma? (Jos. 10:8, 10, 12, 13; Zab. 18:3; Nt. 18:10)
2. Josue 12:7-24 kalan.
Jɔni de y’a to se kɛra masakɛ 31 na Kanan? Mun na o nafa ka bon an bolo bi? (Jos. 12:7; 24:11-13; Dut. 31:8; Luka 21:9, 25-28)
3. Josue 14:1-5 kalan.
Kanan jamana tilala Israɛl ka kabilaw ni ɲɔgɔn cɛ cogo di? O bɛ mun jira ciyɛn ko la Alijinɛ kɔnɔ? (Jos. 14:2; Esa. 65:21; Eze. 47:21-23; 1 Kɔr. 14:33)
4. Kiritigɛlaw 2:8-13 kalan.
Iko Josue y’a kɛ cogo min na Israɛl, jɔni fana bɛ k’a kɛ o cogo kelen na bi walisa ka murutili bali diinɛ lakika kɔnɔ? (Kir. 2:8, 10, 11; Mat. 24:45-47; 2 Tes. 2:3-6; Tite 1:7-9; Jir. 1:1; 2:1, 2)
Muso jagɛlɛn fila
1. Kiritigɛlaw ye jɔni ye? U dɔw tɔgɔ bɛ di?
2. Debora ye jɔyɔrɔ kɛrɛnkɛrɛnnen jumɛn sɔrɔ? O tun tɛ taa mun kɔ?
3. Masakɛ Jabin ni a ka sɔrɔdasiw kuntigi Sisera tun bɛ ka kɛlɛ tigɛ Israɛlkaw la tuma min na, Jehova y’a fɔ Debora ye a ka ci jumɛn lase Kiritigɛla Barak ma? A y’a fɔ ko jɔni tɔgɔ bɛna fɔ o sesɔrɔ la?
4. Jaɛl y’a jira cogo di ko a ye muso jagɛlɛn ye?
5. Masakɛ Jabin salen kɔfɛ, mun kɛra?
Ɲininkali wɛrɛw:
1. Kiritigɛlaw 2:14-22 kalan.
Israɛlkaw ye Jehova ka dimin lase u yɛrɛw ma cogo di? An bɛ se ka kalan jumɛn sɔrɔ o la? (Kir. 2:20; Nt. 3:1, 2; Ezek. 18:21-23)
2. Kiritigɛlaw 4:1-24 kalan.
Bi Krecɛn musow bɛ se ka mun kalan Debora ni Jaɛl ka dannaya ni u ka jagɛlɛya misaliw la? (Kir. 4:4, 8, 9, 14, 21, 22; Nt. 31:30; 1 Kɔr. 16:13)
3. Kiritigɛlaw 5:1-31 kalan.
Barak ni Debora ye sesɔrɔ dɔnkili min da, o bɛ se ka kɛ delili ye cogo di ka ɲɛsin Harmagedɔn kɛlɛ nata ma? (Kir. 5:3, 31; 1 Til. 16:8-10; Jir. 7:9, 10; 16:16; 19:19-21)
Ruti ni Naomi
1. Mun ye Naomi lase Moab jamana na?
2. Ruti ni Ɔrpa ye jɔni ye?
3. Naomi kɛlen k’a fɔ u ye tuma min na ko a bɛ segin a ka jamana na, Ruti ni Ɔrpa y’a jaabi cogo di?
4. Boaz ye jɔni ye? A ye Ruti ni Naomi dɛmɛ cogo jumɛn na?
5. Boaz ni Ruti ye den min sɔrɔ, a tɔgɔ tun bɛ di? Mun na an ka kan ka an hakili to a tɔgɔ la?
Ɲininkali wɛrɛw:
1. I ka Ruti 1:1-17 kalan.
(a) Ruti y’a jira cogo ɲuman jumɛn na ko a ka kanuya sɛbɛtora a cogo la Naomi fan fɛ? (Ruti 1:16, 17)
(b) Hakilila ɲuman min tun bɛ Ruti la, cogo di o bɛ “saga wɛrɛw” hakilila jira ka ɲɛsin mɔgɔ munnenw ma minnu bɛ dugukolo kan bi ? (Yuh. 10:16; Zak. 8:23)
2. I ka Ruti 2:1-23 kalan.
Ruti ye misali ɲuman ye muso denmisɛnw bolo bi cogo jumɛn na? (Ruti 2:17, 18; Nt. 23:22; 31:15)
3. I ka Ruti 3:5-13 kalan.
(a) Ruti sɔnna ka furu Boaz ma minkɛ, sani a ka furu cɛ ma min tun ye denmisɛn ye ka tɛmɛ Boaz kan, o ye mun jira Boaz la Ruti ta fan fɛ?
(b) Ruti kɛcogo b’an kalan mun de la kanuya sɛbɛ ko la? (Ruti 3:10; 1 Kɔr. 13:4, 5)
4. I ka Ruti 4:7-17 kalan.
Bi Krecɛn cɛw bɛ se ka Boaz ladege cogo jumɛn na? (Ruti 4:9, 10; 1 Tim. 3:1, 12, 13; 5:8)
Jedeɔn ni a ka cɛ 300
1. Mun na ani cogo jumɛn na Israɛlkaw bɛ gɛlɛya caman kɔnɔ?
2. Mun na Jehova y’a fɔ Jedeɔn ye ko a ka sɔrɔdasiw ka ca kojugu?
3. Jedeɔn kɛlen k’a fɔ a ka cɛw ye ko mɔgɔ minnu bɛ siran, olu ka segin u ka so, cɛ joli tora?
4. Jehova ye dɔ bɔ Jedeɔn ka sɔrɔdasiw la, k’u to cɛ 300 ye cogo min na, ja lajɛ k’o ɲɛfɔ.
5. Jedeɔn y’a ka cɛ 300 labɛn cogo jumɛn na? Israɛl ye se sɔrɔ kɛlɛ la cogo di?
Ɲininkali wɛrɛw:
1. I ka Kiritigɛlaw 6:36-40 kalan.
(a) Jedeɔn ye mun kɛ walisa k’a dɔn tigitigi Jehova sago tun ye min ye?
(b) Jehova sago ye min ye, an bɛ se ka o dɔn cogo di bi? (Nt. 2:3-6; Mat. 7:7-11; 2 Tim. 3:16, 17)
2. I ka Kiritigɛlaw 7:1-25 kalan.
(a) Cɛ 300 minnu tora kɔlɔsili la, ani cɛ minnu ma u janto fosi la, an bɛ se ka kalan jumɛn sɔrɔ olu ka ko la? (Kir. 7:3, 6; Rom. 13:11, 12; Efɛ. 5:15-17)
(b) Ikomi cɛ 300 kɛlen ka Jedeɔn filɛ, o ye ko dɔ dege, ni an fana bɛ Jedeɔnba filɛ, n’o ye Yesu Krisita ye, an bɛ se ka ko dɔ dege. Cogo jumɛn na? (Kir. 7:17; Mat. 11:29, 30; 28:19, 20; 1 Pi. 2:21)
(c) Ni Jehova ka jɛkuluba y’an bila baara la yɔrɔ o yɔrɔ la, o ka kan ka an nisɔndiya. Kiritigɛlaw 7:21 b’an dɛmɛ o sira la cogo jumɛn na? (1 Kɔr. 4:2; 12:14-18; Yak. 4:10)
3. I ka Kiritigɛlaw 8:1-3 kalan.
Ni gɛlɛya dɔ bɛ anw ni an balimakɛ cɛ, walima anw ni an balimamuso cɛ, an bɛ se ka mun dege Jedeɔn ka kɛlɛ ɲɛnabɔcogo fɛ ni Efrayim mɔgɔw ye? (Nt. 15:1; Mat. 5:23, 24; Luka 9:48)
Jefite ye layidu min ta
1. Jefite ye jɔni ye? A y’a ka ɲɛnamaya kɛ waati jumɛn na?
2. Jefite ye layidu jumɛn ta Jehova ye?
3. Jefite bɔlen kɔ a ka sesɔrɔli la Amɔn ka mɔgɔw kan, a ɲɛsisira a natuma na a ka so. Mun na?
4. Jefite denmuso y’a mɛn tuma min na ko a fa ye layidu ta, a ye min fɔ?
5. Mun na mɔgɔw tun bɛ Jefite denmuso fɛ?
Ɲininkali wɛrɛw:
1. I ka Kiritigɛlaw 10:6-18 kalan.
An ka kan ka kankaridakan jumen bɔ Israɛl ka kanntanya la Jehova fan fɛ? (Kir. 10:6, 15, 16; Rom. 15:4; Jir. 2:10)
2. I ka Kiritigɛlaw 11:1-11, 29-40 kalan.
(a) An b’a dɔn cogo di ko Jefite kɛlen ka a denmuso kɛ “saraka jenita” ye, o kɔrɔ tɛ ko a y’a jeni k’a kɛ hadamaden saraka ye? (Kir. 11:31; Lev. 16:24; Dut. 18:10, 12)
(b) Jefite ye a denmuso di ka kɛ saraka ye sira jumɛn fɛ?
(c) Jefite tun bɛ min miiri a ka dafalenya ko la Jehova ye, an bɛ se ka mun dege o fɛ? (Kir. 11:35, 39; Waaj. 5:4, 5; Mat. 16:24)
(d) Krecɛn denmisɛnw bɛ se ka Jefite denmuso ka misali ladege cogo di, min ye ka u ka waati bɛɛ di Jehova ka baara la? (Kir. 11:36; Mat. 6:33; Fil. 3:8)
Fangaba bɛ cɛ min na
1. Cɛ min ka fanga ɲɔgɔn ma ye fɔlɔ, o cɛ tɔgɔ tun ye di? Jɔni ye o fanga di a ma?
2. I ko i ɲɛ b’a la ja kan cogo min na, Samsɔn ye mun kɛ waraba belebele dɔ la?
3. Samsɔn bɛ ka gundo jumɛn fɔ Delila ye ja kan yan? O gundo fɔli nana ni Samsɔn minɛni ye Filisitikaw fɛ cogo di?
4. Samsɔn sadon na, a sera ka Filisitikaw 3000 faga minnu tun ye a juguw ye. Cogo di?
Ɲininkali wɛrɛw:
1. I ka Kiritigɛlaw 13:1-14 kalan.
Manoa ni a muso y’a jira bangebagaw la, u bɛ se ka min kɛ walisa k’u denw lamɔ ka ɲɛ. Cogo di? (Kir. 13:8; Zab. 127:3; Efɛ. 6:4)
2. I ka Kiritigɛlaw 14:5-9 ani 15:9-16 kalan.
(a) Samsɔn ye waraba faga. Juru kura minnu tun kɛlen bɛ k’a siri, a ye olu tigɛ. A ye fali ntagakolo ta ka cɛ 1000 faga n’o ye. O fɛnw b’a jira ko Jehova ka hakili senu bɛ se ka baara sugu jumɛn kɛ?
(b) Hakili senu b’an dɛmɛ bi cogo jumɛn na? (Kir. 14:6; 15:14; Zek. 4:6; Kɛw. 4:31)
3. I ka Kiritigɛlaw 16:18-31 kalan.
Samsɔn ye jɛɲɔgɔnjugu minnu sɔrɔ, olu ye bɔnɛ lase a ma cogo di? O bɛ se k’an kalan mun de la? (Kir. 16:18, 19; 1 Kɔr. 15:33)
Cɛnin bɛ Ala ka baara la
1. Cɛnin min filɛ ja kan, a tɔgɔ ye di? A ni mɔgɔ minnu bɛ ɲɔgɔn fɛ yan, olu ye jɔni ye?
2. Don dɔ la, tuma min na Hana nana Jehova ka finiso la, a ye delili jumɛn kɛ? Jehova y’a ka delili jaabi cogo di?
3. Samuɛl tara baara la Jehova ka finiso la tuma min na, a si tun ye san joli ye? A ba tun bɛ mun kɛ a ye san o san?
4. Eli denkɛw tɔgɔw tun ye di? Mɔgɔ sugu jumɛnw tun don?
5. Jehova ye Samuɛl wele cogo jumɛn na? Jehova y’a fɔ a ye a ka ci jumɛn fɔ?
6. Samuɛl kɔrɔbayara tuma min na, a kɛra mun ye? A kɔrɔla tuma min na, mun kɛra?
Ɲininkali wɛrɛw:
1. I ka 1 Samuɛl 1:1-28 kalan.
(a) Ɛlkana y’a ka denbaya ɲɛminɛ bato lakika la cogo min na, o b’a jira koɲuman sotigiw la, u ka kan ka min kɛ. Cogo jumɛn na? (1 Sam. 1:3, 21; Mat. 6:33; Fil. 1:10)
(b) Hana y’a ka kunko gɛlɛn ɲɛnabɔ cogo min na, an bɛ se ka kalan jumɛnw bɔ o la? (1 Sam. 1:10, 11; Zab. 55:22; Rom. 12:12)
2. I ka 1 Samuɛl 2:11-36 kalan.
Eli y’a denkɛw bonya ka tɛmɛ Jehova kan cogo jumɛn na? O bɛ se ka kɛ kankaridakan ye an bolo bi cogo di? (1 Sam. 2:22-24, 27, 29; Dut. 21:18-21; Mat. 10:36, 37)
3. I ka 1 Samuɛl 4:16-18 kalan.
Kibarujugu naani jumɛn bɔra kɛlɛkɛyɔrɔ la? Olu ye mun kɛ Eli la?
4. I ka 1 Samuɛl 8:4-9 kalan.
Israɛl ye Jehova hakɛ ta kosɛbɛ cogo jumɛn na? An bɛ se k’a jira cogo jumɛn na bi ko an bɛ Ala ka Masaya kɔkɔrɔdon ni kantigiya ye? (1 Sam. 8:5, 7; Yuh 17:16; Yak. 4:4)
Saul ye Israɛl masakɛ fɔlɔ ye
1. Samuɛl bɛ ka mun de kɛ yan, ani mun na?
2. Mun na Saul kodiyara Jehova ye? Saul tun ye mɔgɔ sugu jumɛn ye?
3. Saul denkɛ tɔgɔ tun bɛ di? A denkɛ ye mun kɛ?
4. Mun na Saul ye saraka bɔ sani a ka Samuɛl makɔnɔ a ka na ka o kɛ?
5. An bɛ se ka kalan jumɛnw bɔ Saul ka maana na?
Ɲininkali wɛrɛw:
1. I ka 1 Samuɛl 9:15-21 ani 10:17-27 kalan.
Cɛ dɔw ye Saul dɔgɔya tuma min na, a ka majiginnenya y’a dɛmɛ cogo di a kana kojugu kɛ? (1 Sam. 9:21; 10:21, 22, 27; Nt. 17:27)
2. I ka 1 Samuɛl 13:5-14 kalan.
Saul ye jurumu jumɛn kɛ Gilgal? (1 Sam. 10:8; 13:8, 9, 13)
3. I ka 1 Samuɛl 15:1-35 kalan.
(a) Saul ye jurumuba jumɛn kɛ Amalɛk masakɛ Agag la? (1 Sam. 15:2, 3, 8, 9, 22)
(b) Saul y’a ɲini cogo di ka a yɛrɛ jɛya, ka a ka jalaki bin mɔgɔ wɛrɛw kan? (1 Sam. 15:24)
(c) Ni laadilikan bɛ ka di anw ma, an ka kan ka an hakili to mun de la bi? (1 Sam. 15:19-21; Zab. 141:5; Nt. 9:8, 9; 11:2)
Ala ye Dawuda sugandi
1. Kamalenin min filɛ ja kan, a tɔgɔ bɛ di? An b’a dɔn cogo di ko a ja ka gɛlɛn?
2. Dawuda tun sigilen bɛ dugu jumɛn na? A fa ni a mɔkɛ tɔgɔ bɛ di?
3. Mun na Jehova y’a fɔ Samuɛl ye ko a ka taa Jese ka so kɔnɔ Bɛtilɛhɛm?
4. Jese nana ni a denkɛ wolonwula ye Samuɛl ɲɛkɔrɔ tuma min na, mun kɛra?
5. U nana ni Dawuda ye tuma min na, Jehova ye mun fɔ Samuɛl ye?
Ɲininkali wɛrɛw:
1. I ka 1 Samuɛl 17:34, 35 kalan.
Jagɛlɛya min tun bɛ Dawuda la ani dannaya min tun bɛ Dawuda la Jehova fan fɛ, o kow ye olu jira cogo jumɛn na? (1 Sam. 17:37)
2. I ka 1 Samuɛl 16:1-14 kalan.
(a) Jehova ka kuma minnu bɛ 1 Samuɛl 16:7 la, cogo jumɛn na o b’an dɛmɛ an kana mɔgɔ bɔ mɔgɔ la, ani an kana miiriya sugu dɔ sɔrɔ mɔgɔw kan u yecogo dɔrɔn fɛ? (Kɛw. 10:34, 35; 1 Tim. 2:4)
(b) Cogo jumɛn na Saul ka ko b’a jira ko ni Jehova ye a ka hakili senu ta ka bɔ mɔgɔ dɔ kan, hakilijugu dɔ bɛ se ka na o nɔ na, walima o tigi kɔnɔnamiiri bɛ se ka a su k’a bila kojugukɛ la? (1 Sam. 16:14; Mat. 12:43-45; Gal. 5:16)
Dawuda ni Goliyati
1. Goliyati ye kɛlɛ tigɛ Israɛl ka sɔrɔdasiw ma cogo di?
2. Goliyati tun janya ye joli ye? Masakɛ Saul ye layidu jumɛn ta mɔgɔ ye min tun bɛna Goliyati faga?
3. Saul y’a fɔ Dawuda ye tuma min na ko a tɛ se ka Goliyati kɛlɛ, bawo a ye denmisɛn ye, Dawuda ye mun fɔ Saul ye?
4. Dawuda ye Goliyati jaabi tuma min na, a y’a jira cogo jumɛn na a ka kuma kɔnɔna na ko a dalen bɛ Jehova la?
5. I ɲɛ b’a la ja kan cogo min na, Dawuda ye Goliyati faga ni mun ye? Mun ye Filisitikaw sɔrɔ o kɔfɛ?
Ɲininkali wɛrɛw:
1. I ka 1 Samuɛl 17:1-54 kalan.
(a) Dawuda ka jagɛlɛya tun bɛ bɔ mun de la? An bɛ se ka a ka jagɛlɛya ladege cogo jumɛn na? (1 Sam. 17:37, 45; Efe. 6:10, 11)
(b) Ni Krecɛnw bɛ ka tulon kɛ walima k’u ɲɛnajɛ, mun na u ka kan k’u yɛrɛ minɛ walisa ɲɔgɔndan kɛlɛ hakilila min tun bɛ Goliyati la, o kana kɛ u la? (1 Sam. 17:8; Gal. 5:26; 1 Tim. 4:8)
(c) Dawuda ka kumaw b’a jira cogo di ko a tun dalen bɛ Ala ka dɛmɛ na? (1 Sam. 17:45-47; 2 Til. 20:15)
(d) Nin maana tɛ sɔrɔdasikulu fila dɔrɔn ka kɛlɛ jira, a b’a jira ko kɛlɛ tun bɛ tiɲɛ na Jehova, Ala lakika ni boliw de cɛ. Cogo di? (1 Sam. 17:43, 46, 47)
(e) Dawuda y’a ka dannaya da Jehova kan cogo min na, munnen tɔw bɛ o ladege cogo jumɛn na? (1 Sam. 17:37; Jer. 1:17-19; Jir. 12:17)
Mun na Dawuda tun ka kan ka boli?
1. Mun na Saul keleyara Dawuda la? Nka mun na Saul denkɛ Jonatan tun tɛ i ko a fa?
2. Don dɔ la, k’a sɔrɔ Dawuda tun bɛ ka nkɔni fɔ Saul ye, mun kɛra?
3. Saul ko Dawuda ka mun kɛ walisa a ka se ka ale denmuso Mikal furu? Mun na Saul ye o fɔ?
4. I ko ja b’a jira cogo min na, Dawuda tun bɛ ka nkɔni fɔ Saul ye tuma min na, ko jumɛn kɛra, ni y’a siɲɛ sabanan ye?
5. Mikal ye Dawuda dɛmɛ cogo di? Dawuda ye mun kɛ san wolonwula kɔnɔna na?
Ɲininkali wɛrɛw:
1. I ka 1 Samuɛl 18:1-30 kalan.
(a) Kanuya sɛbɛ min tun bɛ Jonatan ni Dawuda cɛ, o bɛ kanuya jira min bɛ “saga wɛrɛw” ni “sagakulunin” cɛ. Cogo di? (1 Sam. 18:1; Yuh. 10:16; Luka 12:32; Zek. 8:23)
(b) Jonatan de tun ka kan ka kɛ Saul ciyɛntabaga ye masaya ta fan fɛ, o bɛɛ n’a ta, a y’a jira cogo di ko mɔgɔ min sugandira ale nɔ na walisa ka kɛ masakɛ ye, ale bɛ sɔn o tigi ye, i ko 1 Samuɛl 18:4 b’a jira cogo min na?
(c) Saul ka ko b’a jira cogo jumɛn na ko keleya bɛ se ka mɔgɔ lase jurumuba ma? A ka ko ye laadilikan fana ye anw ma sira jumɛn fɛ? (1 Sam. 18:7-9, 25; Yak. 3:14-16)
2. I ka 1 Samuɛl 19:1-17 kalan.
Jonatan y’a ka ɲɛnamaya bila farati la cogo di tuma min na a ye Saul sɔsɔ? (1 Sam. 19:1, 4-6; Nt. 16:14)
Abigali ni Dawuda
1. Muso min bɛ ka na Dawuda kunbɛn ja kan yan, i b’a tɔgɔ dɔn wa? Muso sugu jumɛn don?
2. Nabal ye jɔni ye?
3. Mun na Dawuda ye cɛ dɔw ci Nabal ma walisa a ka ɲɛ u ma?
4. Nabal ye mun fɔ Dawuda ka cɛw ye? Dawuda ye o mɛn tuma min na, a ye mun kɛ?
5. Abigali y’a jira cogo jumɛn na ko a ye muso hakilima ye?
Ɲininkali wɛrɛw:
1. I ka 1 Samuɛl 22:1-4 kalan.
Dawuda ka denbaya ye misali ɲuman jumɛn di an Krecɛnw ma, cogo min na an ka kan ka ɲɔgɔn dɛmɛ an ka balimaya kɔnɔna na? (Nt. 17:17; 1 Tes. 5:14)
2. I ka 1 Samuɛl 25:1-43 kalan.
(a) Mun na Nabal jiralen bɛ i ko mɔgɔ jugu nin cogo la? (1 Sam. 25:2-5, 10, 14, 21, 25)
(b) Krecɛn musow bɛ se ka misali ɲuman jumɛn sɔrɔ Abigali ka ko la? (1 Sam. 25:32, 33; Nt. 31:26; Ef. 5:24)
(c) Abigali ye Dawuda bali ka kojugu fila kɛ. Olu ye jumɛnw ye? (1 Sam. 25:31, 33; Rom. 12:19; Efe. 4:26)
(d) Dawuda sɔnna cogo min na Abigali ka kuma ma, o bɛ bi cɛw dɛmɛ u ka Jehova hakilila sɔrɔ musow kan cogo jumɛn na? (Kɛw 21:8, 9; Rom. 2:11; 1 Pi. 3:7)
Dawuda kɛra masakɛ ye
1. Saul tun bɛ sunɔgɔ la tuma min na, Dawuda ni Abisayi ye mun kɛ?
2. Dawuda ye Saul ɲininka mun ko la?
3. Dawuda bɔlen kɔfɛ Saul siyɔrɔ la, a taara yɔrɔ jumɛn na?
4. Mun ye Dawuda dusu kasi kosɛbɛ fo a ye dɔnkili dɔ sɛbɛn sara tun bɛ min kumaw na?
5. Dawuda kɛra masakɛ ye Hebɔrɔn tuma min na, a si tun ye san joli ye? A denkɛ dɔw tɔgɔ bɛ di?
6. O kɔfɛ, Dawuda y’a ka masaya kɛ dugu jumɛn na?
Ɲininkali wɛrɛw:
1. I ka 1 Samuɛl 26:1-25 kalan.
(a) Dawuda ka kuma min sɛbɛnnen bɛ 1 Samuɛl 26:11 la, o bɛ mun jira kuntigiya ko la min sigira Ala fɛ? (Zab. 37:7; Rom. 13:2)
(b) Dawuda ka kuma minnu bɛ 1 Samuɛl 26:23 na, olu bɛ se k’an dɛmɛ cogo di ka hakilila bɛnnen sɔrɔ, ni an b’an cɛsiri ka ɲumanya sirataama mɔgɔw fan fɛ, nka u b’an sara ni waleɲumandɔnbaliya ye? (1 Mas. 8:32; Zab. 18:20)
2. I ka 2 Samuɛl 1:26 kalan.
Cogo jumɛn na, bi Krecɛnw bɛ se “ka ɲɔgɔn kanu kosɛbɛ” i ko Dawuda ni Jonatan tun bɛ ɲɔgɔn kanu cogo min na? (1 Pi. 4:8; Kol. 3:14; 1 Yuh 4:12)
3. I ka 2 Samuɛl 5:1-10 kalan.
(a) Dawuda ye san joli kɛ masaya la? O sanw tilalen bɛ cogo di? (2 Sam. 5:4, 5)
(b) Dawuda ka maabaya tun bɛ bɔ mun de la? Mun na o ka kan ka to an hakilila bi? (2 Sam. 5:10; 1 Sam. 16:13; 1 Kɔr. 1:31; Fil. 4:13)
Dawuda ka du ye bɔnɛ sɔrɔ
1. Jehova barika la, Kanan jamana labanna ka kɛ cogo di?
2. Don dɔ wuladafɛ, ka Dawuda to a ka palɛ sanfɛ, mun kɛra?
3. Mun na Jehova diminna kosɛbɛ Dawuda kɔrɔ?
4. I ko i ɲɛ b’a la ja kan cogo min na, Jehova ye jɔni ci ka kuma Dawuda fɛ a ka jurumuw ko la? O cɛ y’a fɔ ko mun bɛna Dawuda sɔrɔ?
5. Dawuda ye bɔnɛ jumɛn sɔrɔ?
6. Jɔn kɛra Israɛl masakɛ ye Dawuda kɔfɛ?
Ɲininkali wɛrɛw:
1. I ka 2 Samuɛl 11:1-27 kalan.
(a) An bɛ lakana cogo di ni an jijalen bɛ to Jehova ka baara la?
(b) Dawuda binna jurumu na cogo di? O ye lasɔminikan ye Jehova ka bi baarakɛlaw bolo cogo di? (2 Sam. 11:2; Mat. 5:27-29; 1 Kɔr. 10:12; Yak. 1:14, 15)
2. I ka 2 Samuɛl 12:1-18 kalan.
(a) Natan kumana Dawuda fɛ cogo min na, o bɛ se ka maakɔrɔw ni bangebagaw dɛmɛ cogo di, ni u bɛ ka laadilikanw di? (2 Sam. 12:1-4; Nt. 12:18; Mat. 13:34)
(b) Mun na Jehova makarila Dawuda la? (2 Sam. 12:13; Zab. 32:5; 2 Kɔr. 7:9, 10)
Masakɛ hakilitigi Solomani
1. Jehova ye Solomani ɲininka mun ko de la? Solomani ye jaabi jumɛn di Jehova ma?
2. Ikomi Solomani ka jaabi diyara a ye, Jehova ye layidu jumɛn ta Solomani ye?
3. Muso fila nana ko gɛlɛn jumɛn da Solomani ɲɛkɔrɔ?
4. I ko i ɲɛ b’a la ja kan cogo min na, Solomani ye o ko gɛlɛn ɲɛnabɔ cogo di?
5. Solomani ka mara kɔnɔna na, kow tun bɛ cogo di, ani mun na?
Ɲininkali wɛrɛw:
1. I ka 1 Masakɛw 3:3-28 kalan.
(a) Jɔyɔrɔ dira cɛ minnu ma Ala ka jɛkuluba kɔnɔ, olu bɛ se ka mun kalan Solomani ka dusukun jɛlen kumaw fɛ minnu bɛ 1 Masakɛ 3:7 na? (Zab. 119:105; Nt. 3:5, 6)
(b) Cogo di Solomani ka delili ye misali ɲuman ye min b’a jira an na an ka kan ka Ala deli ko bɛnnen minnu na? (1 Mas. 3:9, 11; Nt. 30:8, 9; 1 Yuh. 5:14)
(c) Kɛlɛ min tun bɛ muso fila cɛ, Solomani ye o ko ɲɛnabɔ cogo min na, o bɛ dannaya jumɛn di an ma don nataw ko la, tuma min na Solomaniba, n’o ye Yesu Krisita ye, a bɛna a ka mara kɛ? (1 Mas. 3:28; Esa. 9:6, 7; 11:2-4)
2. I ka 1 Masakɛw 4:29-34 kalan.
(a) Solomani y’a ɲini Jehova fɛ a ka dusukun di ale ma min kololen bɛ Jehova ye. Jehova ye o delili jaabi cogo di? (1 Mas. 4:29)
(b) N’an ye mɔgɔw kɛcogo lajɛ minnu ye cɛsiriw kɛ walisa ka Solomani ka hakilitigiya mɛn, an fana kɛcogo ka kan ka kɛ mun ye Ala ka Kuma kalanni ko la? (1 Mas. 4:29, 34; Yuh. 17:3; 2 Tim. 3:16)
Solomani ye Alabatosoba jɔ
1. Solomani ye san joli kɛ Jehova batosoba jɔli la ka o ban pewu? Mun na wari camanba de donna o la?
2. Soden kɛrɛnkɛrɛnnen joli tun bɛ Alabatosoba kɔnɔ? Soden min tun bɛ so ɲɛkɔnɔna na, mun bilara o kɔnɔ?
3. Alabatoso jɔra kaban tuma min na, Solomani ye mun fɔ a ka delili kɔnɔ?
4. Jehova y’a jira cogo di ko Solomani ka delili diyara a ye?
5. Solomani musow y’a bila ka mun kɛ? Mun ye Solomani sɔrɔ?
6. Mun na Jehova diminna Solomani kɔrɔ? Jehova ye mun fɔ a ye?
Ɲininkali wɛrɛw:
1. I ka 1 Tilew Kibaru 28:9, 10 kalan.
Ni an y’an sinsin Dawuda ka kumaw kan minnu sɛbɛnnen bɛ 1 Tilew Kibaru 28:9, 10 kɔnɔ, an ka kan k’an cɛsiri ka mun kɛ don o don an ka ɲɛnamaya kɔnɔ? (Zab. 19:14; Fil. 4:8, 9)
2. I ka 2 Tilew Kibaru 6:12-21, 32-42 kalan.
(a) Solomani y’a jira cogo di ko Kɔrɔtalenba Ala tɛ kun hadamaden ka so jɔlen kɔnɔ? (2 Til. 6:18; Kɛw 17:24, 25)
(b) Solomani ka kuma minnu bɛ 2 Tilew Kibaru 6:32, 33 na, olu bɛ mun jira Jehova ko la? (Kɛw. 10:34, 35; Gal. 2:6)
3. I ka 2 Tilew Kibaru 7:1-5 kalan.
Israɛl denw kɛlen ka Jehova nɔɔrɔ ye, o ye u bila ka tanuli lase Jehova ma, o cogo kelen na, Jehova bɛ dugawu minnu lase a ka jamakulu ma, o ka kan k’an bila ka mun kɛ? (2 Til. 7:3; Zab. 22:23; 34:2; 96:2)
4. I ka 1 Masakɛw 11:9-13 kalan.
Solomani laban b’a jira cogo jumɛn na ko ka to kantigiya la fo ka se laban na, o ye ko ye min jɔyɔrɔ ka bon kosɛbɛ? (1 Mas. 11:4, 9; Mat. 10:22; Jir. 2:10)
Masaya tilala
1. Cɛ fila minnu filɛ ja kan, olu tɔgɔ bɛ di? U ye jɔni de ye?
2. Duloki min tun bɛ Akija kan na, a ye mun kɛ ni o ye? Duloki farali kɔrɔ ye mun ye?
3. Solomani y’a ɲini ka mun kɛ Jeroboam la?
4. Mun na mɔgɔw ye Jeroboam kɛ masakɛ ye kabila tan kunna?
5. Mun na Jeroboam ye misiden sanulama fila dilan? O kɔfɛ, mun kɛra jamana kɔnɔ?
6. Mun ye kabila fila ka masaya ani Jehova ka batosoba sɔrɔ Jerusalɛm?
Ɲininkali wɛrɛw:
1. I ka 1 Masakɛw 11:26-43 kalan.
Jeroboam tun ye mɔgɔ sugu jumɛn de ye? Jehova ye layidu jumɛn ta a ye ni a ye Ala ka sariyaw mara? (1 Mas. 11:28, 38)
2. I ka 1 Masakɛw 12:1-33 kalan.
(a) Bangebagaw ni maakɔrɔw bɛ se ka mun kalan Roboam ka misali jugu fɛ, marakɛ cogo ta fan fɛ? (1 Mas. 12:13; Waaj. 7:7; 1 Pi. 5:2, 3)
(b) Ni denmisɛnw bɛ ko sɛbɛw latigɛ u ka diɲɛlatigɛ kɔnɔ, u ka kan k’u ɲɛsin jɔn de ma walisa ka laadilikan sɔrɔ? (1 Mas. 12:6, 7; Nt. 1:8, 9; 2 Tim. 3:16, 17; Heb. 13:7)
(c) Mun ye Jeroboam bila ka batokɛyɔrɔ fila sigi misiden sanulama bato kama? O ye Jeroboam ka dannabaliyaba jira Jehova fan fɛ cogo di? (1 Mas. 11:37; 12:26-28)
(d) Jɔni de y’a kɛ kabila tan mɔgɔw murutila bato lakika ma? (1 Mas. 12:32, 33)
Masamusojugu Jezabɛl
1. Jezabɛl ye jɔni ye?
2. Mun na Masakɛ Akab ɲɛnasisira don dɔ la?
3. Jezabɛl ye mun kɛ walisa Akab ka Nabot ka rɛzɛnforo sɔrɔ?
4. Jehova ye jɔni de ci ka taa Jezabɛl ɲangi?
5. I ɲɛ b’a la cogo min na yan, Jehu selen Jezabɛl ka palɛ la, mun ye Jezabɛl sɔrɔ?
Ɲininkali wɛrɛw:
1. I ka 1 Masakɛw 16:29-33 ani 18:3, 4 kalan.
Masakɛ Akab tile la, kow tun jugura fo ka se hakɛ jumɛn ma lsraɛl jamana na? (1 Mas. 14:9)
2. I ka 1 Masakɛw 21:1-16 kalan.
(a) Cogo jumɛn na Nabot y’a jira ko dusu b’a kɔnɔ ani ko a ye kantigi ye Jehova fan fɛ? (1 Mas. 21:1-3; Lev. 25:23-28)
(b) Ni an y’an sinsin Akab ka misali kan, an bɛ se ka mun kalan dusukasi kunbɛncogo kan? (1 Mas. 21:4; Rom. 5:3-5)
3. I ka 2 Masakɛw 9:30-37 kalan.
Jehu ye Jehova sago kɛ ni cɛsiri min ye, an bɛ se ka mun kalan o ko la? (2 Mas. 9:4-10; 2 Kɔr. 9:1, 2; 2 Tim. 4:2)
Josafat dara Jehova la
1. Josafat ye jɔni ye? A y’a ka ɲɛnamaya kɛ waati jumɛn na?
2. Mun na Israɛlkaw siranna? U caman ye mun kɛ?
3. Jehova ye Josafat ka delili jaabi cogo di?
4. Sani kɛlɛ ka kɛ, Jehova ye mun kɛ?
5. An bɛ se ka mun kalan Josafat kɛcogo fɛ?
Ɲininkali wɛrɛw:
1. I ka 2 Tilew Kibaru 20:1-30 kalan.
(a) Josafat y’a jira cogo jumɛn na Ala ka baarakɛla kantigiw ka kan ka min kɛ tuma min na u bɛ degun dɔ la? (2 Til. 20:12; Zab. 25:15; 62:1)
(b) Ikomi Jehova ye mɔgɔ dɔw ta tuma bɛɛ walisa ka a ka kuma lase a ka mɔgɔw ma, bi fana a bɛ jɔni de ta ka o kɛ? (2 Til. 20:14, 15; Mat. 24:45-47; Yuh. 15:15)
(c) Jehova bɛna “Ala Sebaayabɛɛtigi ka donba kɛlɛ” daminɛ tuma min na, o bɛna an sɔrɔ cogo min na, o ni Josafat ka cogo bɛɛ ye kelen ye. Cogo jumɛn na? (2 Til. 20:15, 17; 32:8; Jir. 16:14, 16)
(d) Tutigɛbagaw ni misiɔnɛriw ye Levituw ladege minkɛ, u ye dɛmɛba don waajulibaara la diɲɛ kɔnɔ bi. Cogo di? (2 Til. 20:19, 21; Rom. 10:13-15; 2 Tim. 4:2)
Cɛnin fila lakununna
1. Mɔgɔ saba minnu filɛ ja kan, olu ye jɔni ye? Mun ye cɛnin sɔrɔ?
2. Eli ye mun ɲini Ala fɛ cɛnin ko la? Mun kɛra o kɔfɛ?
3. Eli dɛmɛbaga tɔgɔ ye di?
4. Mun na Elise taara Sunɛmmuso ka so?
5. Elise ye mun kɛ? Mun kɛra den su la?
6. I ko a jirala cogo min na Eli ni Elise ka kow fɛ, se jumɛn bɛ Jehova ye?
Ɲininkali wɛrɛw:
1. I ka 1 Masakɛw 17:8-24 kalan.
(a) Elise ka Alakanminɛ ni a ka dannaya Ala la, olu kɔrɔbɔra cogo di? (1 Mas. 17:9; 19:1-4, 10)
(b) Mun na an bɛ se k’a fɔ ko Sarepta muso-cɛ-salen ka dannaya tun ka bon kosɛbɛ? (1 Mas. 17:12-16; Luka 4:25, 26)
(c) Sarepta muso-cɛ-salen ka ko b’a jira cogo di ko Yesu ka kuma minnu bɛ Matiyu 10:41, 42 kɔnɔ, olu ye tiɲɛ ye? (1 Mas. 17:10-12, 17, 23, 24)
2. I ka 2 Masakɛw 4:8-37 kalan.
(a) Sunɛmmuso b’an kalan mun na dunan ladonni ko la? (2 Mas. 4:8; Luka 6:38; Rom. 12:13; 1 Yuh. 3:17)
(b) An bɛ se ka ɲumanya sirataama Ala ka baarakɛlaw fan fɛ bi cogo jumɛn na? (Kɛw. 20:35; 28:1, 2; Gal. 6:9, 10; Heb. 6:10)
Sungurunnin ye mɔgɔba dɛmɛ
1. Dennin bɛ ka mun de fɔ muso ye nin ja in kan?
2. Muso min bɛ ja kan, o ye jɔni ye? Dennin bɛ mun de la muso ka so?
3. Elise ye ci jumɛn fɔ a ka baarakɛden ye ka o lase Naaman ma? Mun na Naaman dusu bɔra kosɛbɛ?
4. Naaman y’a ka baarakɛdenw lamɛn minkɛ, mun kɛra?
5. Mun na Elise banna Naaman ka bonya la? Nka Gehazi ye mun kɛ?
6. Mun ye Gehazi sɔrɔ? An bɛ se ka mun kalan o ko fɛ?
Ɲininkali wɛrɛw
1. I ka 2 Masakɛw 5:1-27 kalan.
(a) Israɛl dennin ye min kɛ, o bɛ se ka dusu don denmisɛnw kɔnɔ bi cogo di? (2 Mas. 5:3; Zab. 8:2; 148:12, 13)
(b) Mun na a ka ɲi an ka Naaman ka ko to an hakilila, ni laadilikan dira an ma min bɛ bɔ Bibulu kɔnɔ? (2 Mas. 5:15; Heb. 12:5, 6; Yak 4:6)
(c) An bɛ se ka kalan jumɛnw sɔrɔ ni an ye Elise kɛcogo ni Gehazi kɛcogo suma ɲɔgɔn ma? (2 Mas. 5:9, 10, 14-16, 20; Mat. 10:8; Kɛw. 5:1-5; 2 Kɔr. 2:17)
Jonasi ni jɛgɛ belebeleba
1. Jonasi ye jɔni ye? Jehova y’a fɔ a ye a ka mun kɛ?
2. Jehova y’a bila ka taa yɔrɔ min na, ikomi a tun t’a fɛ ka taa o yɔrɔ la, Jonasi ye mun kɛ?
3. Jonasi y’a fɔ kurunbolilaw ye u ka mun kɛ walisa kɔgɔji ka mada?
4. I ko i ɲɛ b’a la cogo min na ja kan, mun ye Jonasi sɔrɔ tuma min na a tun bɛ ka jigin ji la?
5. Jonasi tora jɛgɛ kɔnɔbara la waati joli? A ye mun kɛ o yɔrɔ la?
6. Jonasi bɔlen kɔfɛ jɛgɛ belebeleba kɔnɔ, a taara min? O ko b’an kalan mun na?
Ɲininkaliw wɛrɛw:
1. I ka Jonasi 1:1-17 kalan.
Jonasi ye mun miiri a ka ci ko la ka taa Ninivɛkaw waaju? (Jonasi 1:2, 3; Nt. 3:7; Waaj. 8:12)
2. I ka Jonasi 2:1, 2, 10 kalan.
Ko min ye Jonasi sɔrɔ, o b’a to an bɛ da a la ko Jehova bɛ an ka deliliw jaabi. Cogo di? (Zab. 22:24; 34:6; 1 Yuh. 5:14)
3. I ka Jonasi 3:1-10 kalan.
(a) Jehova taara a fɛ ka Jonasi kɛ a ka baarakɛminɛn ye k’a sɔrɔ siɲɛ fɔlɔ la, Jonasi tun ma sɔn k’o baara kɛ. O ko bɛ dusu don an kɔnɔ cogo di? (Zab. 103:14; 1 Pi. 5:10)
(b) Jonasi ye min dɔn Ninivɛkaw ka ko fɛ, o b’an kalan ko an kana an ka waajulikɛyɔrɔ mɔgɔw bisigi ni kojugu ye. Cogo di? (Jon. 3:6-9; Waaj. 11:6; Kɛw. 13:48)
Ala ye alijinɛ layidu ta
1. Esayi ye jɔni ye? A tun sigilen bɛ min? Jehova ye mun jira a la?
2. “Alijinɛ” kɔrɔ ye mun ye? O b’i hakili jigin mun na?
3. Jehova y’a fɔ Esayi ye a ka mun sɛbɛn Alijinɛ kura ko la?
4. Mun na Hadama ni Hawa bɔnɛna u ka nakɔ cɛɲumanba la?
5. Jehova ye layidu jumɛn ta a kanubagaw ye?
Ɲininkali wɛrɛw:
1. I ka Esayi 11:6-9 kalan.
(a) Bɛn min bɛna kɛ baganw ni hadamadenw cɛ diɲɛ kura kɔnɔ, Ala ka Kuma b’o jira cogo jumɛn na? (Zab. 148:10, 13; Esa. 65:25; Eze. 34:25)
(b) Esayi ka kumaw tiimɛna alako ta fan fɛ cogo jumɛn na Jehova ka mɔgɔw cɛma bi? (Rom. 12:2; Efe. 4:23, 24)
(c) Jɔni de bɛ se ka hadamaden jogow yɛlɛma bi ani diɲɛ kura kɔnɔ? (Esa. 48:17, 18; Gal. 5:22, 23; Fil. 4:7)
2. I ka Jirali 21:3, 4 kalan.
(a) Bibulu b’a jira cogo di ko ni a fɔra ko Ala bɛ sigi hadamadenw fɛ, o kɔrɔ tɛ ko ale yɛrɛ dɛ bɛna sigi dugukolo kan? (Lev. 26:11, 12; 2 Til. 6:18; Esa. 66:1; Jir. 21:2, 3, 22-24)
(b) Ɲɛji ni kasi sugu jumɛnw tɛna kɛ tun? (Luka 8:49-52; Rom. 8:21, 22; Jir. 21:4)
Ala ye masakɛ Ezekiyasi dɛmɛ
1. Cɛ min bɛ ja kan yan, jɔni don? Mun na a jɔrɔlen don?
2. Ezekiyasi ye lɛtɛrɛ jumɛnw da Ala ɲɛkɔrɔ? A ye mun ɲini Ala fɛ a ka delili la?
3. Ezekiyasi tun ye masakɛ sugu jumɛn ye? Jehova ye ci jumɛn fɔ kira Esayi ye a ka o lase Ezekiyasi ma?
4. I ko a jiralen bɛ ja kan cogo min na, Jehova ka mɛlɛkɛ ye mun kɛ Asirikaw la?
5. Hali ni Israɛl ka kabila fila ye hɛrɛ sɔrɔ waati dɔ kɔnɔ, mun kɛra Ezekiyasi salen kɔfɛ?
Ɲininkali wɛrɛw:
1. I ka 2 Masakɛw 18:1-36 kalan.
(a) Asirikaw ka kumalasebaga y’a ɲini cogo di ka Israɛlkaw ka dannaya dɔgɔya? (2 Mas. 18:19, 21; Ek. 5:2; Zab. 64:3)
(b) Ni Jehova Seerew ni u kɛlɛbagaw bɛ ɲɔgɔn na, Jehova Seerew b’a jira cogo di ko u bɛ Ezekiyasi ka misali ladege? (2 Mas. 18:36; Zab. 39:1; Nt. 26:4; 2 Tim. 2:24)
2. I ka 2 Masakɛw 19:1-37 kalan.
(a) Ni waati gɛlɛn nana, Jehova ka mɔgɔw bɛ Ezekiyasi ladege cogo di bi? (2 Mas. 19:1, 2; Nt. 3:5, 6; Heb. 10:24, 25; Yak. 5:14, 15)
(b) Sankerib kɛra sesɔrɔbali ye yɔrɔ saba minnu fɛ, olu ye jumɛnw ye? Kiraya kuma b’a jira ko Sankerib ye jɔni bisigi ye? (2 Mas. 19:32, 35, 37; Jir. 20:2, 3)
3. I ka 2 Masakɛw 21:1-6, 16 kalan.
Mun na an bɛ se k’a fɔ ko Manase de ye masakɛ bɛɛ la juguman ye min ɲɔngɔn ma sigi Jerusalɛm kunna? (2 Til. 33:4-6, 9)
Israɛl masakɛ ɲuman laban
1. Josiyasi kɛra masakɛ ye tuma min na, a si tun ye san joli ye? A ye mun kɛli daminɛ a ka masaya san seginnan kɔnɔna na?
2. Josiyasi bɛ ka mun kɛ ja fɔlɔ kan yan?
3. Cɛw tun bɛ ka alabatoso dilan tuma min na, sarakalasebaga kuntigi ye fɛn jumɛn ye?
4. Mun na Josiyasi y’a ka duloki fara?
5. Kiramusoman Hulda ye ci jumɛn lase Josiyasi ma k’a bɔ Jehova yɔrɔ?
Ɲininkali wɛrɛw:
1. I ka 2 Tilew kibaru 34:1-28 kalan.
(a) Mɔgɔ minnu ka kan ka ko gɛlɛn kun u ka denmisɛnya kɔnɔna na, laala Josiyasi kɛcogo bɛ se ka olu dɛmɛ. Cogo di? (2 Til. 33:21-25; 34:1, 2; Zab. 27:10)
(b) Josiyasi ka masaya san 8nan, a san 12nan ni a san 18nan kɔnɔna na, a ye ko ɲɛnama jumɛnw kɛ walisa bato lakika ka taa ɲɛ? (2 Chron. 34:3, 8)
(c) Min ye ka an mago don an ka batokɛyɔrɔw la walisa u ka to cogo ɲuman na, an bɛ se ka mun dege masakɛ Josiyasi ni sarakalasebaga kuntigi Hilkija kɛcogo fɛ? (2 Til. 34:9-13; Nt. 11:14; 1 Kɔr. 10:31)
Cɛ min tun ma siran
1. Nin ye kamalenin jumɛn ye ja kan?
2. Ka kɛ kira ye, Jeremi tun bɛ mun miiri o ko la? Nka Jehova ye mun fɔ a ye?
3. Jeremi tun bɛ to ka cikan jumɛn fɔ mɔgɔw ye?
4. Sarakalasebagaw y’a ɲini cogo di ka Jeremi lajɔ a ka baara la? Nka Jeremi y’a jira cogo di ko ale tɛ siran?
5. Israɛlkaw ma u ka sirajuguw bila minkɛ, mun ye u sɔrɔ?
Ɲininkali wɛrɛw:
1. I ka Jeremi 1:1-8 kalan.
(a) I ko Jeremi ka misali b’a jira, se min b’a to an bɛ se ka kɛ Jehova ka baarakɛla ye, o ye mun ye ? (2 Kɔr. 3:5, 6)
(b) Jeremi kɛcogo bɛ dusu don bi Krecɛn denmisɛnw kɔnɔ cogo di? (Waaj. 12:1; 1 Tim. 4:12)
2. I ka Jeremi 10:1-5 kalan.
Jeremi ye misali ɲɛnama jumɛn di walisa k’a jira ko o ye fu ye ka i ka dannaya da boliw kan? (Jer. 10:5; Esa. 46:7; Hab. 2:19)
3. I ka Jeremi 26:1-16 kalan.
(a) Jehova ye ci min fɔ Jeremi ye ko ‘a kana hali kuma kelen bɔ a la,’ munnen tɔw bɛ o to u kɔnɔ cogo di bi, ni u bɛ ka mɔgɔw lasɔmi? (Jer. 26:2; Dut. 4:2; Kɛw. 20:27)
(b) Ni Jehova Seerew bɛ ka lasɔminikan lase siyaw ma, Jeremi kɛcogo ɲuman bɛ u dɛmɛ cogo di? (Jer. 26:8, 12, 14, 15; 2 Tim. 4:1-5)
4. I ka 2 Masakɛw 24:1-17 kalan.
Ikomi Juda ma to kantigiya la Jehova fan fɛ, o ye kojugu jumɛnw lase a ma? (2 Mas. 24:2-4, 14)
Kamalennin naani Babilonɛ dugu kɔnɔ
1. Kamalenin naani minnu filɛ ja kan, olu ye jɔni ye? Mun na u bɛ Babilonɛ?
2. Nebukadnezar ye fɛɛrɛ jumɛnw tigɛ kamalenin naani ko la? A y’a fɔ a ka baarakɛdenw ye u ka mun kɛ?
3. Daniɛl ye mun ɲini ale ni a teriw ka dumuni ni u ka fɛn minta ko la?
4. U kɛlen ka nakɔ kɔnɔfɛnw dun tile tan kɔnɔ, Daniɛl ni a teri saba ɲɛda tun bɛ cogo jumɛn na, ni i tun ye olu ɲɛda ni kamalenin tɔw ɲɛda suma ɲɔgɔn ma?
5. Daniɛl ni a teri saba nana masakɛ ka palɛ la cogo di? U tun ka fisa ni Nebukadnezar ka sarakalasebagaw ni a ka hakilitigiw ye sira jumɛn fɛ?
Ɲininkali wɛrɛw:
1. I ka Daniel 1:1-21 kalan.
(a) Ni an b’a fɛ ka kɔrɔbɔli dɔ kun walima ka fiɲɛ dɔ kɛlɛ, an ka kan ka cɛsiri sugu jumɛn kɛ? (Dan. 1:8; Jen. 39:7, 10; Gal. 6:9)
(b) Cogo jumɛnw fɛ bi denmisɛnw bɛ se ka kɔrɔbɔ walima ka su ka don fɛnw na minnu bɛ jate i ko ‘dumunifɛn dumanw’? (Dan. 1:8; Nt. 20:1; 2 Kɔr. 6:17–7:1)
(c) Heburu kamalenin naani ka Bibulu kɔnɔ maana b’an dɛmɛ ka nafa don dɔnniya sɔrɔli la cogo di? (Dan. 1:20; Esa. 54:13; 1 Kɔr. 3:18-20)
Jerusalɛm dugu cira
1. I ko a jiralen bɛ ja kan cogo min na, mun ye Jerusalɛm ni Israɛlkaw sɔrɔ?
2. Ezekiɛl ye jɔni ye? Jehova ye ko cɛjuguba jumɛnw jira a la?
3. Ikomi Israɛlkaw ma bonya da Jehova kan, Jehova y’a fɔ ko a bɛna mun kɛ?
4. Israɛlkaw kɛlen ka muruti a ma, masakɛ Nebukadnezar ye mun kɛ?
5. Mun na Jehova y’a to nin kojuguba sugu ka Israɛlkaw sɔrɔ?
6. A kɛra cogo di ko mɔgɔ si tun ma to Israɛl jamana kɔnɔ? A lankolon tora o cogo la san joli?
Ɲininkali wɛrɛw:
1. I ka 2 Masakɛw 25:1-26 kalan.
(a) Sedesiyasi tun ye jɔni ye? Mun y’a sɔrɔ? O ye Bibulu kiraya kuma tiimɛ cogo di? (2 Mas. 25:5-7; Ezek. 12:13-15)
(b) Jehova fɛ, jɔni de ye Israɛlkaw ka kojugu bɛɛ nɔ ye? (2 Mas. 25:9, 11, 12, 18, 19; 2 Til. 36:14, 17)
2. I ka Ezekiɛl 8:1-18 kalan.
Israɛlka minnu ye Jehova ka sira bila ka tile bato, diinɛ minnu b’a fɔ ko olu ye krecɛnw ye k’a sɔrɔ o tɛ tiɲɛ ye, o diinɛw ye Israɛlka ninnu ladege cogo jumɛn na ? (Ezek. 8:16; Isa. 5:20, 21; John 3:19-21; 2 Tim. 4:3)
U ma u kun biri duguma
1. Babilonɛ masakɛ, n’o ye Nebukadnezar ye, o ye ci jumɛn lase a ka mɔgɔw ma?
2. Mun na Daniɛl teri saba ma sɔn k’u biri ja sanulama ɲɛkɔrɔ?
3. Nebukadnezar ye cogo di Heburu kamalenin saba ma kokura tuma min na, walisa u k’u biri ja sanulama ɲɛkɔrɔ, u y’a jira cogo di ko u ye u ka dannaya da Jehova kan?
4. Nebukadnezar y’a fɔ a ka cɛw ye u ka mun kɛ Sadrak, Mesak ni Abɛd-Nego la?
5. Nebukadnezar ye gantugu tasuma kɔnɔna lajɛ tuma min na, a ye mun ye?
6. Mun na masakɛ ye Sadrak, Mesak ani Abɛd-Nego ka Ala tanu? O bɛ kɛcogo ɲuman jumɛn jira anw na?
ɲininkali wɛrɛw:
1. I ka Daniel 3:1-30 kalan.
(a) Heburu kamalenin saba kɛcogo jumɛn ka kan ka ladege Ala ka baarakɛlaw bɛɛ fɛ, ni u ka kantigiya bɛ ka kɔrɔbɔ tuma min na? (Dan. 3:17, 18; Mat. 10:28; Rom. 14:7, 8)
(b) Jehova Ala ye kalan ɲɛnama jumɛn di Nebukadnezar ma? (Dan. 3:28, 29; 4:34, 35)
Bolo bɛ sɛbɛnni kɛ kogo la
1. Babilonɛ masakɛ ka dumuniba labɛnnen na, mɔgɔw bɛ ka dumuni kɛ ani ka minni kɛ tuma min na ni jifilenw ye minnu tara Jehova batoso kɔnɔ Jerusalɛm, mun kɛra?
2. Belsazar ye mun fɔ a ka mɔgɔ hakilitigiw ye? Nka u ma se ka mun kɛ?
3. Masakɛ woloba y’a fɔ masakɛ ye a ka mun kɛ?
4. Ka kɛɲɛ ni Daniɛl ka kuma fɔlen ye masakɛ ma, mun na Ala ye tɛgɛ ci ka na sɛbɛnni kɛ kogo la?
5. Kuma minnu sɛbɛnnen bɛ kogo la, Daniɛl y’a jira k’olu kɔrɔ ye mun ye?
6. Ka Daniɛl to kuma na, mun kɛra?
ɲininkali wɛrɛw:
1. I ka Daniɛl 5:1-31 kalan.
(a) Belsazar ye sɛbɛnni ye kogo la tuma min na, a siranna cogo min na, o siran sugu ni alaɲɛsiran tɛ kelen ye cogo min na, o ɲɛfɔ. (Dan. 5:6, 7; Zab. 19:9; Rom. 8:35-39)
(b) Daniɛl tun bɛ ka kuma Belsazar ni a ka mɔgɔbaw fɛ tuma min na, a y’a jira cogo di ko a tun tɛ siran? (Dan. 5:17, 18, 22, 26-28; Kɛw. 4:29)
(c) Daniɛl tilayɔrɔba 5 b’a jira k’a jɛya cogo di ko Jehova ye dunuya masaba ye? (Dan. 4:17, 25; 5:21)
Daniɛl bɛ waraba dingɛ kɔnɔ
1. Darius ye jɔni ye? Ale bolo, Daniɛl ye mɔgɔ sugu jumɛn ye?
2. Cɛ keleyabagatɔ dɔw ye Darius bila ka mun kɛ?
3. Daniɛl y’a mɛn tuma min na ko o sariya bɔra, a ye mun kɛ?
4. Mun na Darius dusu tiɲɛna kosɛbɛ fo a ma se ka sunɔgɔ? Dugu jɛra tuma min na, a ye mun kɛ?
5. Cogo jumɛn na Daniɛl ye Darius jaabi?
6. Mɔgɔjugu minnu y’a ɲini ka Daniɛl bɔ yen, mun ye olu sɔrɔ? Darius ye mun sɛbɛn k’a ci a ka jamana kɔnɔmɔgɔw bɛɛ ma?
Ɲininkali wɛrɛw:
1. I ka Daniel 6:1-28 kalan.
(a) Fɛɛrɛjugu min tigɛra Daniɛl kama, o b’an hakili jigin ko jumɛnw na minnu kɛra Jehova Seerew juguw fɛ walisa k’a ɲini ka Jehova Seerew ka baara bali an ka waati la? (Dan. 6:7; Zab. 94:20; Esa. 10:1; Rom. 8:31)
(b) Ala ka bi baarakɛlaw bɛ se ka Daniɛl ladege ka to kololi la an “kunna fangaw” ye cogo di? (Dan. 6:5, 10; Rom. 13:1; Kɛw. 5:29)
(c) Daniɛl ye baara kɛ Jehova ye “tuma bɛɛ,” an bɛ se ka o ladege cogo jumɛn na? (Dan. 6:16, 20; Fil. 3:16; Jir. 7:15)
Ala ka jamakulu bɔra Babilonɛ
1. I ko a jiralen bɛ ja kan yan cogo min na, Israɛlkaw bɛ ka mun kɛ?
2. Jehova ye kuma min fɔ kira Esayi ye, Sirus ye o tiimɛ cogo jumɛn na?
3. Israɛlka minnu tun ma se ka segin Jerusalɛm, Sirus ye mun fɔ olu ye?
4. Sirus ye fɛn jumɛnw di Israɛlkaw ma u ka segin ni olu ye Jerusalɛm?
5. Israɛlkaw ye waati joli de kɛ sira kan walisa ka segin Jerusalɛm?
6. Jamana lankolon tora k’a sɔrɔ mɔgɔ si tun t’a kɔnɔ san joli kɔnɔ?
Ɲininkali wɛrɛw:
1. I ka Esayi 44:28 ni 45:1-4 kalan.
(a) Jehova y’a jira k’a jɛya cogo di ko kiraya kuma min fɔra Sirus ko la, o tun bɛna tiimɛ tigitigi? (Esa. 55:10, 11; Rom. 4:17)
(b) Esayi ye kiraya kuma min fɔ Sirus ko la, o b’a jira ko a se bɛ Jehova ye ka sini kow ɲɛfɔ sani u ka se. Cogo di? (Esa. 42:9; 45:21; 46:10, 11; 2 Pi. 1:20)
2. I ka Esdrasi 1:1-11 kalan.
Mɔgɔ minnu tun tɛ se ka segin Jerusalɛm, olu ye min kɛ, an fana bɛ se ka mun kɛ bi walisa ka olu ladege ka mɔgɔw ‘dɛmɛ’ minnu bɛ se ka waati dafalen baara kɛ? (Esd. 1:4, 6; Rom. 12:13; Kol. 4:12)
U y’u jigi da Ala kan
1. Mɔgɔ joli ye taama jan daminɛ ka bɔ Babilonɛ ka na Jerusalɛm? U sera yen tuma min na, Jerusalɛm tun bɛ cogo di?
2. Israɛlkaw selen Jerusalɛm, u ye mun jɔli daminɛ? Nka, u juguw ye mun kɛ?
3. Agize ni Zakari ye jɔni ye? U ye mun fɔ Israɛlkaw ye?
4. Mun na Tatenai ye lɛtɛrɛ ci Babilonɛ? A ka lɛtɛrɛ jaabi kɛra mun ye?
5. Esdrasi y’a mɛn tuma min na ko Ala batoso mago bɛ baara dɔ wɛrɛ la walisa a ka cɛɲɛ, a ye mun kɛ?
6. I ko ja b’a jira cogo min na, Esdrasi bɛ ka Jehova deli a ka mun kɛ? A ka delili jaabira cogo jumɛn na? O ko b’an kalan mun de la?
Ɲininkali wɛrɛw:
1. I ka Esdrasi 3:1-13 kalan.
Ni an nana an yɛrɛ sɔrɔ don dɔ la yɔrɔ la, Ala ka jamakulu tɛ yɔrɔ min na, an ka kan ka taa a fɛ ka mun kɛ? (Esd. 3:3, 6; Kɛw. 17:16, 17; Heb. 13:15)
2. I ka Esdrasi 4:1-7 kalan.
Zerobabɛl ye kɛcogo ɲuman jumɛn jira Jehova ka jamakulu la, jɛ donni ko la ka ɲɛsin diinɛw ko ma? (Ek. 34:12; 1 Kɔr. 15:33; 2 Kɔr. 6:14-17)
3. I ka Esdrasi 5:1-5, 17 ni 6:1-22 kalan.
(a) Mun na Israɛlkaw juguw ma se ka alabatoso jɔli baara lajɔ? (Esd. 5:5; Esa. 54:17)
(b) Israɛlkaw ka cɛkɔrɔbaw ka kɛwale bɛ dusu don Krecɛn maakɔrɔw kɔnɔ ka Jehova hakilila ɲini k’a dɔn, ni olu ni u kɛlɛbagaw bɛ ɲɔgɔn na. Cogo di? (Esd. 6:14; Zab. 32:8; Rom. 8:31; Yak. 1:5)
4. I ka Esdrasi 8:21-23, 28-36 kalan.
Sani an ka ko dɔ daminɛ, a ka ɲi an ka Esdrasi ka misali jumɛn ladege? (Esd. 8:23; Zab. 127:1; Nt. 10:22; Yak. 4:13-15)
Mardose ni Esiteri
1. Mardose ni Esiteri ye jɔni ye?
2. Mun na Masakɛ Asuerus tun b’a fɛ ka muso kura sɔrɔ? A ye jɔni de sugandi?
3. Haman ye jɔni ye? Mun ye a dusu bɔ kosɛbɛ?
4. Sariya jumɛn sigira? Esiteri kɛlen kɔfɛ ka ci sɔrɔ ka bɔ Mardose yɔrɔ, a ye mun kɛ?
5. Mun ye Haman sɔrɔ? Mun fana ye Mardose sɔrɔ?
6. Israɛlkaw kisira cogo di ka bɔ u juguw bolo?
Ɲininkali wɛrɛw:
1. I ka Esteri 2:12-18 kalan.
Esiteri y’a jira cogo di ko a nafa ka bon ka ‘dususuma ni sabali’ sɛnɛ anw na? (Est. 2:15; 1 Pi. 3:1-5)
2. I ka Estɛri 4:1-17 kalan.
I ko cogo dira Esiteri ma a ka se ka wale kɛ bato lakika ka nafa kosɔn, cogo jumɛn dilen bɛ an fana ma bi k’a jira ko an nɔrɔlen bɛ Jehova la, ani ko an ye kantigi ye a fan fɛ? (Est. 4:13, 14; Mat. 5:14-16; 24:14)
3. I ka Esiteri 7:1-6 kalan.
I ko Esiteri, cogo jumɛnw na Ala ka bi barakɛla caman ye kow kɛ min tun bɛ se k’a to mɔgɔw ka tɔɔrɔ lase u ma? (Est. 7:4; Mat. 10:16-22; 1 Pi. 2:12)
Jerusalɛm kogobaw
1. Israɛlkaw kɛlen k’a ye ko kogobaw tun kɛlen tɛ ka Jerusalɛm dugu lamini, o ko ye u miiri mun na?
2. Nehemi ye jɔni ye?
3. Nehemi ka baara ye mun ye? Mun na o ye baaraba ye?
4. Kibaruya jumɛn de y’a to Nehemi ɲɛsisira? A ye mun kɛ?
5. Masakɛ Artakserkses ye koɲuman kɛ Nehemi ye cogo jumɛn na?
6. Nehemi ye fɛɛrɛ jumɛn tigɛ walisa Israɛlkaw juguw kana se ka kogo jɔli baara lajɔ?
Ɲininkali wɛrɛw:
1. I ka Nehemi 1:4-6 ni 2:1-20 kalan.
Cogo jumɛn na Nehemi y’a ɲini Jehova ka u ɲɛminɛ? (Neh. 2:4, 5; Rom. 12:12; 1 Piɛ. 4:7)
2. I ka Nehemi 3:3-5 kalan.
Maakɔrɔw ni maakɔrɔ kankɔrɔsigiw bɛ se ka mun kalan danfara ko la min bɛ Tekoakaw ni u ka “mɔgɔ tɔgɔbaw” cɛ? (Neh. 3:5, 27; 2 Tes. 3:7-10; 1 Pi. 5:5)
3. I ka Nehemi 4:1-23 kalan.
(a) Hali ni kɛlɛ farin tun bɛ Israɛlkaw da la, mun y’u bila u ka taa a fɛ kogo jɔli baara la? (Neh. 4:6, 8, 9; Zab. 50:15; Esa. 65:13, 14)
(b) Sira jumɛn fɛ Israɛlkaw kɛcogo bɛ dusu don an kɔnɔ bi?
4. I ka Nehemi 6:15 kalan.
Ikomi Jerusalɛm kogobaw jɔra kaban kalo fila kɔnɔ, o bɛ mun jira dannaya barika ko la? (Zab. 56:3, 4; Mat. 17:20; 19:26)
Mɛlɛkɛ nana Mariyama fɛ
1. Muso min filɛ ja kan, o ye jɔni ye?
2. Gabriɛl ye mun fɔ Mariyama ye?
3. Gabriɛl y’a fɔ Mariyama ye ko a bɛna se ka den sɔrɔ cogo jumɛn na, hali ni a sigilen tɛ cɛ kun?
4. Mariyama taara bɔ a balimamuso Elisabɛti ye tuma min na, mun kɛra?
5. Yusufu ye mun miiri a kɛlen k’a mɛn ko Mariyama bɛna den sɔrɔ? Nka, mun y’a to a hakili yɛlɛmana?
Ɲininkali wɛrɛw?
1. I ka Luka 1:26-56 kalan.
(a) Tuma min na Ala Denkɛ ka ɲɛnamaya bɔra san fɛ ka na dugukolo kan, Luka 1:35 b’a jira cogo di ko Hadama ka dafabaliya min bɛ Mariyama wolonugu la, o ko si ma se den ma? (Ag. 2:11-13; Yuh. 6:69; Heb. 7:26; 10:5)
(b) Sani Yesu ka wolo, a ye bonya sɔrɔ cogo jumɛn na? (Luka 1:41-43)
(c) Cogo jumɛn na Mariyama ye misali ɲuman ye bi Krecɛnw bolo minnu bɛ bonya kɛrɛnkɛrɛnnenw sɔrɔ Ala ka baara la? (Luka 1:38, 46-49; 17:10; Nt. 11:2)
2. I ka Matiyu 1:18-25 kalan.
Hali ni Emanuɛl tɔgɔ ma da Yesu la kɛrɛnkɛrɛnnenya la, Yesu hadamadenlama ye jɔyɔrɔ jumɛn fa ni o bɛ Emanuɛl tɔgɔ kɔrɔ tiimɛ? (Mat. 1:22, 23; Yuh. 14:8-10; Heb. 1:1-3).
Yesu wololi
1. Denyɛnin min filɛ ja kan, o ye jɔni ye? Mariyama y’a lada min?
2. Mun na Yesu wolola baganmarayɔrɔ kɔnɔ?
3. Cɛ minnu donna baganmarayɔrɔ la yan, olu ye jɔni ye? Mɛlɛkɛ ye mun fɔ u ye?
4. Mun na Yesu ni mɔgɔ tɔw tɛ kelen ye?
5. Mun na Yesu welela ko Ala Denkɛ?
Ɲininkali wɛrɛw:
1. I ka luka 2:1-20 kalan.
(a) Sesar Oguste jɔyɔrɔ kɛra mun ye kiraya kuma tiimɛni na ka ɲɛsin Yesu wololi ma? (Luka 2:1-4; Mi. 5:2)
(b) Mɔgɔ bɛ se ka kɛ Ala ‘diyanye mɔgɔw’ cɛma cogo di? (Luka 2:14; Mat. 16:24; Yuh. 17:3; Kɛw. 3:19; Heb. 11:6)
(c) Ni sagagɛnna majiginnenw nisɔndiyara Kisibaga wololi ko la, kun jumɛn bɛ Ala ka baarakɛlaw bolo bi, min ka bon ni sagagɛnnaw ta ye, ka u nisɔndiya? (Luka 2:10, 11; Efɛ. 3:8, 9; Jir. 11:15; 14:6)
Dolo ye cɛw ɲɛminɛ
1. Cɛ minnu filɛ ja kan, olu ye jɔni ye? Mun na u dɔw la kelen bɛ ka dolo dɔ mɛnɛ-mɛnɛtɔ jira?
2. Mun na masakɛ Hɛrɔde jɔrɔla? A ye mun kɛ?
3. Dolo min bɛ ka mɛnɛ-mɛnɛ, o ye cɛw ɲɛminɛ ka taa min? Nka, mun na u seginna u ka jamana na sira wɛrɛ fɛ?
4. Hɛrɔde ye ci jumɛn fɔ, ani mun kosɔn?
5. Jehova y’a fɔ Yusufu ye a ka mun kɛ?
6. Jɔni de ye dolo kura lamɛnɛ-mɛnɛ, ani mun kosɔn?
Ɲininkali wɛrɛ:
1. I ka Matiyu 2:1-23 kalan.
Dɔnbaaw nana bɔ Yesu ye tuma min na, a si tun ye san joli ye? A tun bɛ yɔrɔ jumɛn na? (Mat. 2:1, 11, 16)
Yesu denmisɛnman bɛ Alabatoso kɔnɔ
1. Yesu si ye san joli ye ja kan yan? A bɛ yɔrɔ jumɛn na yan?
2. Yusufu ni a ka denbaya tun bɛ mun kɛ san o san?
3. Yusufu ni Mariyama kɛlen kɔ ka tile kelen kɛ taama na walisa ka segin u ka so, mun na u seginna kokura Jerusalɛm?
4. Yusufu ni Mariyama ye Yesu sɔrɔ min? Mun ye mɔgɔw kabakoya o yɔrɔ la?
5. Yesu ye mun fɔ a ba Mariyama ye?
6. Tuma min na an bɛ ɲini ka Ala dɔn, cogo jumɛn na an bɛ se ka Yesu ladege?
Ɲininkali wɛrɛw:
1. Luka 2:41-52 kalan.
(a) Hali ni Sariya tun b’a wajibiya cɛ dɔrɔn ka na seliw la san o san, Yusufu ni Mariyama tun bɛ min kɛ, o ye ko ladegeta ɲuman ye bi bangebagaw bolo, cogo di? (Luka 2:41; Dut. 16:16; 31:12; Nt. 22:6)
(b) Yesu y’a jira koɲuman denmisɛnw na, u bɛ se ka sɔn u bangebagaw ka kuma na, cogo jumɛn na? (Luka 2:51; Dut. 5:16; Nt. 23:22; Kol. 3:20)
2. I ka Matiyu 13:53-56 kalan.
Yesu baden naani minnu tɔgɔ bɛ Bibulu kɔnɔ, olu ye jɔn ni jɔn ye? Kɔfɛ, fila kɛra baarakɛminɛn ye Krecɛn jɛkulu kɔnɔ cogo di? (Mat. 13:55; Kɛw. 12:17; 15:6, 13; 21:18; Gal. 1:19; Yak. 1:1; Jude 1)
Yuhana ye Yesu batise
1. Cɛ fila minnu bɛ ja kan, olu ye jɔni ye?
2. Mɔgɔ bɛ batise cogo di?
3. Tuma caman na, Yuhana ye mɔgɔ sugu jumɛnw de batise?
4. Yesu y’a ɲini Yuhana fɛ a k’a batise kun kɛrɛnkɛrɛnnen jumɛn de la?
5. Ala y’a jira ko Yesu batiseli diyara a ye cogo jumɛn na?
6. Tuma min na Yesu taara yɔrɔ lankolon dɔ la tile 40, mun kɛra?
7. Yesu nɔfɛmɔgɔw walima a ka kalanden fɔlɔw kɛra jɔni ye? Yesu ka kabako fɔlɔ kɛra mun ye?
Ɲininkali wɛrɛw:
1. I ka Matiyu 3:13-17 kalan.
A ka kalandenw ka kan ka batise cogo min na, Yesu ye o jira cogo di? (Zab. 40:7, 8; Mat. 28:19, 20; Luka 3:21, 22)
2. I ka Matiyu 4:1-11 kalan.
Yesu ye baara ɲuman kɛ ni Ala ka Kuma ye cogo min na, o bɛ dusu don an kɔnɔ an ka Bibulu kalan tuma bɛɛ, cogo jumɛn na? (Mat. 4:5-7; 2 Pi. 3:17, 18; 1 Yuh. 4:1)
3. I ka Yuhana 1:29-51 kalan.
Yuhana Batiselikɛla ye a ka kalandenw ɲɛsin jɔn de ma? An bɛ se k’a ladege bi cogo jumɛn na? (Yuh. 1:29, 35, 36; 3:30; Mat. 23:10)
4. I ka Yuhana 2:1-12 kalan.
Yesu ye kabako fɔlɔ min kɛ, o b’a jira ko Jehova tɛ a ka baarakɛlaw jɛn fɛn ɲuman si la. Cogo di? (Yuh. 2:9, 10; Zab. 84:11; Yak. 1:17)
Yesu ye Alabatoso saniya
1. Mun na baganw tun bɛ feere Alabatoso kɔnɔ?
2. Mun ye Yesu ladimin?
3. I ko ja b’a jira yan cogo min na, Yesu ye mun kɛ? Yesu ye mun fɔ ntubaninfeerelaw ye?
4. Yesu nɔfɛmɔgɔw ye o ye tuma min na, u hakili jiginna mun na?
5. Yesu tɛmɛna yɔrɔ jumɛn na walisa ka segin Galile?
Ɲininkaliw wɛrɛ:
1. I ka Yuhana 2:13-25 kalan.
Yesu diminna cogo min na warifalennaw kɔrɔ alabatoso kɔnɔ, ni an ye jateminɛ kɛ o kan, an ka kan ka hakilila bɛnnen jumɛn sɔrɔ jago kow kan Masaya so kɔnɔ? (Yuh. 2:15, 16; 1 Kɔr. 10:24, 31-33)
Yesu ni Samarikamuso bɛ kɔlɔnda la
1. Mun na Yesu jɔra kɔlɔnda dɔ la Samari? A bɛ ka mun fɔ muso dɔ ye yan?
2. Mun na a balala muso la Yesu ka kuma ale fɛ? Yesu ye mun fɔ a ye ani mun na?
3. A kɛra muso kɔnɔ ko Yesu bɛ ka kuma ji jumɛn de ko la? Nka Yesu tun bɛ ka kuma ji jumɛn de ko la tigitigi?
4. Mun na muso kabakoyara k’a ye ko Yesu bɛ ale ka ko kala ma? Yesu sera k’a dɔn cogo di?
5. An bɛ se ka kalan jumɛnw sɔrɔ muso ka ko la, min nana kɔlɔnda la?
Ɲininkali wɛrɛw:
1. I ka Yuhana 4:5-43 kalan.
(a) Ni an ko an bɛ Yesu taamacogo ladege, an kɛcogo ka kan ka kɛ mun ye siya wɛrɛw mɔgɔw fan fɛ, walima mɔgɔw fan fɛ minnu ni anw tɛ cogo kelen na? (Yuh. 4:9; 1 Kɔr. 9:22; 1 Tim. 2:3, 4; Tite 2:11)
(b) Ni mɔgɔ kɛra Yesu ka kalanden ye, a bɛ nafa jumɛn sɔrɔ alako ta fan fɛ? (Yuh. 4:14; Esa. 58:11; 2 Kɔr. 4:16)
(c) Samarikamuso ye min mɛn, a tun kɔrɔtɔlen bɛ k’o fɔ mɔgɔ wɛrɛw ye, an fana bɛ se ka waleɲumandɔn jira cogo di i ko ale? (Yuh. 4:7, 28; Mat. 6:33; Luka 10:40-42)
Yesu ka kulukan waajuli
1. Yesu bɛ ka mɔgɔw kalan yɔrɔ jumɛn na yan? Mɔgɔ minnu sigilen bɛ a kɛrɛfɛ, olu ye jɔni ye?
2. Ciden 12 tɔgɔw bɛ di?
3. Yesu ye waajuli kɛ Masaya min ko la, o ye mun ye?
4. Yesu ye mɔgɔw kalan u ka Ala deli mun kow la?
5. Mɔgɔw ka kan ka ɲɔgɔn minɛ cogo min na, Yesu ye mun fɔ o ko kan?
Ɲininkali wɛrɛw:
1. I ka Matiyu 5:1-12 kalan.
An bɛ se k’a jira sira jumɛnw fɛ ko an y’a dɔn k’an ye faantanw ye alako ta fan fɛ? (Mat. 5:3; Rom. 10:13-15; 1 Tim. 4:13, 15, 16)
2. I ka Matiyu 5:21-26 kalan.
Matiyu 5:23, 24 y’a jira cogo di ko anw ni an balimaw cɛ bɛ cogo min na, o bɛ nɔ bila an ni Jehova cɛ la? (Mat. 6:14, 15; Zab. 133:1; Kol. 3:13; 1 Yuh. 4:20)
3. I ka Matiyu 6:1-8 kalan.
Krecɛnw ka kan ka u yɛrɛ kɔlɔsi kɛcogo jumɛnw ma walisa u kana u yɛrɛw jira tɔw la ko u tilennen dɔn, k’a sɔrɔ o tɛ? (Luka 18:11, 12; 1 Kɔr. 4:6, 7; 2 Kɔr. 9:7)
4. I ka Matiyu 6:25-34 kalan.
An ka kan ka an ka dannaya da Jehova kan walisa ka an magoɲɛfɛnw sɔrɔ. Yesu y’an kalan mun na o ko la? (Ek. 16:4; Zab. 37:25; Fil. 4:6)
5. I ka Matiyu 7:1-11 kalan.
Misali ɲɛnama min bɛ Matiyu 7:5 kɔnɔ, o b’an kalan mun na? (Nt. 26:12; Rom. 2:1; 14:10; Yak. 4:11, 12)
Yesu ye suw lakunun
1. Nin ja in kan, dennin fa ye jɔni ye? Mun na cɛ ni a muso jɔrɔla kosɛbɛ?
2. Jayirus ye Yesu ye tuma min na, a ye mun kɛ?
3. Yesu taatɔ Jayirus ka so, mun kɛra? Yesu ye kuma jumɛn fɔ Jayirus ye sira kan?
4. Mɔgɔ minnu tun bɛ Jayirus ka so, mun na olu y’u ɲagaribɔ Yesu la?
5. Yesu kɛlen kɔ ka ciden saba ani dennin fa ni a ba ladon a nɔfɛ so kɔnɔ, a ye mun kɛ?
6. Yesu ye su jumɛn wɛrɛ lakunun? O bɛ mun jira?
Ɲininkali wɛrɛw:
1. I ka Luka 8:40-56 kalan.
Yesu y’a jira cogo di ko a bɛ hinɛ ani ko a ye hakilitigi ye muso fan fɛ, jolibɔbana tun bɛ min na? Krecɛn minnu ye maakɔrɔw ye bi, olu bɛ se ka mun kalan o ko fɛ? (Luka 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. I ka Luka 7:11-17 kalan.
Mun na mɔgɔ minnu diyanyemɔgɔw sara, olu bɛ dususaaloba sɔrɔ Yesu ka kuma fɔlen na Nayin muso cɛsalen ye? (Luka 7:13; 2 Kɔr. 1:3, 4; Heb. 4:15)
3. I ka Yuhana 11:17-44 kalan.
Yesu y’a jira cogo jumɛn na ko a bɛnnen don mɔgɔ dusu ka kasi i diyanyemɔgɔ dɔ ka saya la? (Yuhana 11:33-36, 38; 2 Sam. 18:33; 19:1-4)
Yesu ye dumuni di jamaba ma
1. Mun kojuguba de ye Yuhana batiselikɛla sɔrɔ? O ye mun kɛ Yesu la?
2. Mɔgɔ minnu tugura Yesu kɔ, Yesu ye dumuni di olu ma cogo jumɛn na? Dumuni hakɛ jumɛn tora?
3. Mun na kalandenw siranna sufɛ? Mun ye Piɛrɛ sɔrɔ?
4. Siɲɛ filanan na, Yesu ye dumuni di mɔgɔ ba caman ma cogo jumɛn na?
5. Yesu bɛna dugukolo mara tuma min na, mun na o bɛna kɛ hɛrɛba ye?
Ɲininkali wɛrɛw:
1. I ka Matiyu 14:1-32 kalan.
(a) Matiyu 14:23-32 bɛ faamuyali jumɛn di an ma Piɛrɛ jogo kan?
(b) Cogo jumɛn na Sɛbɛnniw b’a jira ko Piɛrɛ kɛra baliku ye a jogo la ani a ye dɔ fara a ka yɛrɛminɛli kan? (Mat. 14:27-30; Yuh. 18:10; 21:7; Kɛw. 2:14, 37-40; 1 Pi. 5:6, 10)
2. I ka Matiyu 15:29-38 kalan.
Yesu y’a jira cogo jumɛn na ko a b’a Fa ka fɛn dilenw bonya? (Mat. 15:37; Yuh. 6:12; Kol. 3:15)
3. I ka Yuhana 6:1-21 kalan.
Bi Kretiɛnw bɛ se ka Yesu taamacogo ladege ka ɲɛsin gofɛrɛnɛman ma, cogo jumɛn na? (Yuhana 6:15; Mat. 22:21; Rom. 12:2; 13:1-4)
A bɛ denmisɛnninw fɛ
1. Cidenw natɔ ka bɔ taama jan dɔ la, u ye ɲɔgɔn sɔsɔ mun ko la?
2. Mun na Yesu ye cɛnin dɔ wele ka na a jɔ cidenw ɲɛ fɛ?
3. Cidenw ka kan k’a dege ka kɛ i ko denmisɛnninw, sira jumɛn fɛ?
4. Kalo damadɔw o kɔfɛ, Yesu y’a jira cogo jumɛn na ko a bɛ denmisɛnninw fɛ?
Ɲininkali wɛrɛw:
1. I ka Matiyu 18:1-4 kalan.
Mun na Yesu tun bɛ baara kɛ ni misaliw ye walisa ka mɔgɔw kalan? (Mat. 13:34, 36; Mar. 4:33, 34)
2. I ka Matiyu 19:13-15 kalan.
Masaya bɛna dugawu minnu lase mɔgɔw ma, ni an b’a fɛ ka an niyɔrɔ sɔrɔ olu la, an ka kan ka denmisɛnw jogo ɲuman jumɛnw ladege? (Zab. 25:9; 138:6; 1 Kɔr. 14:20)
3. I ka Marka 9:33-37 kalan.
Yesu ye a ka kalandenw kalan mun ko la ka ɲɛsin ɲɛmɔgɔya ɲini ma? (Mar. 9:35; Mat. 20:25, 26; Gal. 6:3; Fil. 2:5-8)
4. I ka Marka 10:13-16 kalan.
Yala Yesu kɛcogo tun b’a to a ka nɔgɔ mɔgɔw bolo ka gɛrɛ a la wa? Krecɛn minnu ye maakɔrɔw ye, olu bɛ se ka mun dege Yesu taamacogo fɛ? (Mar. 6:30-34; Fil. 2:1-4; 1 Tim. 4:12)
Yesu ka mɔgɔ kalancogo
1. Cɛ dɔ ye ɲininkali jumɛn lase Yesu ma? Mun na a ye o ɲininkali kɛ?
2. Yesu tun bɛ mun fɔ tuma dɔw la walisa ka mɔgɔw kalan? An ye mun kalan ka tɛmɛ Yahutuw ni Samarikaw kan?
3. Yesu ka maana fɔlen kɔnɔna na, mun ye Yahutu dɔ sɔrɔ min tun bɛ sira kan ka taa Jeriko?
4. Mun kɛra tuma min na sarakalasebaga dɔ tɛmɛna o sira fɛ, ani o kɔfɛ Levite dɔ fana?
5. Jɔni de bɛ ka Yahutucɛ joginnen dɛmɛ ja kan yan?
6. Yesu tilalen kɔ a ka maana na, a ye ɲininkali jumɛn kɛ? Cɛ ye jaabi jumɛn di?
Ɲininkali wɛrɛw:
1. I ka Luka 10:25-37 kalan.
(a) Sani a ka sin ka jaabi tilennen di, Yesu ye sariya karamɔgɔ dɔ dɛmɛ cogo di a k’a hakili jakabɔ sariya kan? (Luka 10:26; Mat. 16:13-16)
(b) Yesu tun bɛ baara kɛ cogo jumɛn na ni misaliw ye walisa ka a lamɛnbagaw dɛmɛ u k’a dabila ka mɔgɔw bisigiya? (Luka 10:36, 37; 18:9-14; Tite 1:9)
Yesu ye banabagatɔw kɛnɛya
1. Yesu tun bɛ ka jamana yaala tuma min na, a ye mun kɛ?
2. San saba Yesu batiselen kɔfɛ, a ye mun fɔ a ka cidenw ye?
3. Mɔgɔ minnu bɛ ja kan, olu ye jɔni ye? Yesu ye mun kɛ muso ye?
4. Yesu ye diinɛ ɲɛmɔgɔw ka kɔrɔfɔ jaabi cogo min na, mun na o ye u lamaloya?
5. Yesu ni a ka kalandenw tun bɛ Jeriko dugu dafɛ tuma min na, Yesu ye mun kɛ fiyɛntɔ fila ye minnu tun bɛ ka garibuya kɛ?
6. Mun na Yesu ye kabakow kɛ?
Ɲininkali wɛrɛw:
1. I ka Matiyu 15:30, 31 kalan.
Jehova ka sebagaya jirala cogo ɲɛnamanba la Yesu sababu fɛ. Cogo jumɛn na? O bɛ faamuyali jumɛn di an ma Jehova ka layidu talen ko la ka ɲɛsin diɲɛ kura ma? (Zab. 37:29; Esa. 33:24)
2. I ka Luka 13:10-17 kalan.
Ikomi Yesu ye a ka kabako fanba kɛ Lafiɲɛdon na, o b’a jira a bɛna lafiya sugu min lase hadamadenw ma a ka San Ba Kelen Mara kɔnɔna na. Cogo di? (Luka 13:10-13; Zab. 46:9; Mat. 12:8; Kol. 2:16, 17; Jir. 21:1-4)
3. I ka Matiyu 20:29-34 kalan.
Nin maana b’a jira cogo di ko Yesu tun bolo degunnen tɛ kojugu mɔgɔw dɛmɛni ma? O b’an kalan mun na? (Dut. 15:7; Yak. 2:15, 16; 1 Yuh. 3:17)
Yesu nana i ko masakɛ
1. Yesu selen dugunin dɔ la Jerusalɛm kɛrɛfɛ, a y’a fɔ a ka kalandenw ye u ka mun kɛ?
2. Nin ja in kan, Yesu surunyalen Jerusalɛm dugu la, mun kɛra?
3. Denmisɛnninw ye Yesu ye tuma min na ka fiyɛntɔw ni nabaraw kɛnɛya, u ye mun kɛ?
4. Yesu ye mun fɔ sarakalasebaga diminnenw ye?
5. Denmisɛnnin minnu ye Yesu tanu, an bɛ se ka kɛ i ko olu cogo di?
6. Kalandenw tun b’a fɛ ka mun dɔn?
Ɲininkali wɛrɛw:
1. I ka Matiyu 21:1-17 kalan.
(a) Yesu masakɛlama donna cogo min na Jerusalɛm dugu kɔnɔ, o tun tɛ i ko Zenerali minnu ye se sɔrɔ u juguw kan Romɛkaw ka waati la. Cogo di? (Mat. 21:4, 5; Zak. 9:9; Fil. 2:5-8; Kol. 2:15)
(b) Israɛl cɛmanin minnu ye Zaburu 118 fɔ tuma min na Yesu tun bɛ ka don alabatoso kɔnɔ, denmisɛnninw bɛ se ka mun dege olu ka kɛwale fɛ? (Mat. 21:9, 15; Zab. 118:25, 26; 2 Tim. 3:15; 2 Pi. 3:18)
2. I ka Yuhana 12:12-16 kalan.
Mɔgɔw ye ntamarobolow ta minkɛ ka Yesu tanu, o ye mun taamasyɛn ye? (Yuh. 12:13; Fil. 2:10; Jir. 7:9, 10)
Oliviye kulu kan
1. Nin ja in kan, cɛ jumɛn ye Yesu ye? Jɔni de bɛ a fɛ yan?
2. Sarakalasebagaw y’a ɲini ka mun kɛ Yesu la alabatoso kɔnɔ? Yesu ye mun fɔ u ye?
3. Cidenw ye Yesu ɲininka mun ko la?
4. Ko minnu bɛna kɛ dugukolo kan tuma min na Yesu bɛna masaya kɛ sankolo la, mun na a y’o fɔ a ka ciden dɔw ye?
5. Yesu ka fɔ la, ko jumɛnw bɛna kɛ sani a ka kojugu bɛɛ ban dugukolo kan?
Ɲininkali wɛrɛw:
1. I ka Matiyu 23:1-39 kalan
(a) Hali ni Sɛbɛnniw b’a jira ko a bɛnnen don ka faamaw ta u bonyali tɔgɔ ma, Yesu ka kuma minnu bɛ Matiyu 23:8-11 na, olu bɛ mun jira ka ɲɛsin majamu tɔgɔw fɔli ma Krecɛn jɛkulu kɔnɔ? (Kɛw. 26:25; Rom. 13:7; 1 Pi. 2:13, 14)
(b) Farisiɛnw y’a ɲini cogo di ka mɔgɔw bali u ka kɛ Krecɛnw ye? Diinɛ ɲɛmɔgɔw ye baara kɛ ni o fɛɛrɛ sugu kelenw ye an ka waati la, cogo jumɛn na? (Mat. 23:13; Luka 11:52; Yuh. 9:22; 12:42; 1 Tes. 2:16)
2. I ka Matiyu 24:1-14 kalan.
(a) Nafa min b’a la ka muɲuli kɛ, Matiyu 24:13 bɛ sinsin o kan cogo di?
(b) “Laban” min kofɔra Matiyu 24:13 la, o kɔrɔ ye mun ye? (Mat. 16:27; Rom. 14:10-12; 2 Kɔr. 5:10)
3. I ka Marka 13:3-10 kalan.
Kuma jumɛn bɛ Marka 13:10 kɔnɔ, n’o b’a jira ko kɔrɔtɔko don ka kibaru duman waajuli kɛ? Yesu ka kumaw ka kan k’an bila ka mun kɛ? (Rom. 13:11, 12; 1 Kɔr. 7:29-31; 2 Tim. 4:2)
Sankanso soba dɔ kɔnɔ
1. I ko a jiralen bɛ ja kan cogo min na, mun na Yesu ni a ka ciden 12 bɛ soba dɔ kɔnɔ sankanso la?
2. Cɛ min bɛ ka taa, o ye jɔni ye? A bɛ ta mun kɛ?
3. Tɛmɛnkan dumuni seli kɛra kaban tuma min na, Yesu ye dumuni kɛrɛnkɛrɛnnen jumɛn ko sigi?
4. Tɛmɛnkan seli tun bɛ Israɛlkaw hakili jigin ko jumɛn na? Nin dumuni kɛrɛnkɛrɛnnen bɛ Yesu nɔfɛmɔgɔw hakili jigin ko jumɛn na?
5. U tilalen Matigi ka fana dumuni na, Yesu ye mun fɔ a nɔfɛmɔgɔw ye? U ye mun kɛ?
Ɲininkali wɛrɛw:
1. I ka Matiyu 26:14-30 kalan.
(a) Matiyu 26:15 b’a jira cogo di ko Juda y’a dabɔ a kama ka Yesu janfa?
(b) Yesu joli bɔnni ye kuntilenna fila dafa. Olu ye jumɛn ni jumɛn ye? (Mat. 26:27, 28; Jer. 31:31-33; Efɛ. 1:7; Heb. 9:19, 20)
2. I ka Luka 22:1-39 kalan.
Ni a fɔra ko “Sitanɛ donna Juda kɔnɔ,” o kɔrɔ ye mun ye? (Luka 22:3; Yuh. 13:2; Kɛw. 1:24, 25)
3. I ka Yuhana 13:1-20 kalan.
(a) N’i ye Yuhana 13:2 lajɛ, yala Juda ka kan ka jalaki a ka ko kɛlen na wa? Ala ka baarakɛlaw bɛ se ka kalan jumɛn bɔ o la? (Jen. 4:7; 2 Kɔr. 2:11; Gal. 6:1; Yak. 1:13, 14)
(b) Yesu ye kalan ɲɛnamaba jumɛn lase a ka kalandenw ma? (Yuh. 13:15; Mat. 23:11; 1 Pi. 2:21)
4. I ka Yuhana 17:1-26 kalan.
Yesu ye Ala deli a ka kalandenw ye walisa u ka “kɛ kelen ye” kɔrɔ jumɛn na? (Yuh. 17:11, 21-23; Rom. 13:8; 14:19; Kol. 3:14)
Yesu bɛ nakɔ kɔnɔ
1. Yesu ni a ka cidenw bɔlen kɔ soba kɔnɔ, u taara min? Yesu y’a fɔ u ye u ka mun kɛ?
2. Yesu seginnen ka na a ka cidenw yɔrɔ, a ye u sɔrɔ mun na? O kɛra siɲɛ joli?
3. Jɔni donna nakɔ kɔnɔ? Juda Isikariɔti ye mun kɛ, i ko ja b’a jira cogo min na?
4. Mun na Juda ye Yesu dasusu? Piɛrɛ ye mun kɛ?
5. Yesu ye mun fɔ Piɛrɛ ye? Mun na Yesu m’a ɲini Ala fɛ a ka mɛlɛkɛw ci a ma?
Ɲininkali wɛrɛw:
1. I ka Matiyu 26:36-56 kalan.
(a) Yesu ka kalandenw laadili cogo fɛ, a ye laadili kɛcogo ɲuman jira Krecɛn maakɔrɔw la bi. Cogo jumɛn na? (Mat. 20:25-28; 26:40, 41; Gal. 5:17; Efɛ. 4:29, 31, 32)
(b) Ka hadamadenw ka kɛlɛkɛminɛn ta i mɔgɔɲɔgɔn kama, Yesu tun bɛ mun miiri o ko la? (Mat. 26:52; Luka 6:27, 28; Yuh. 18:36)
2. I ka Luka 22:39-53 kalan.
Mɛlɛkɛ dɔ y’i jira Yesu la Jɛtisɛmanɛ nakɔ kɔnɔ tuma min na walisa ka barika don Yesu la, yala o b’a jira ko Yesu ka dannaya barika tun dɔgɔyara wa? Ɲɛfɔli kɛ o kan. (Luka 22:41-43; Esa. 49:8; Mat. 4:10, 11; Heb. 5:7)
3. I ka Yuhana 18:1-12 kalan.
Yesu ye a ka kalandenw lakana u kɛlɛbagaw ma cogo jumɛn na? O b’an kalan mun de la? (Yuh. 10:11, 12; 18:1, 6-9; Heb. 13:6; Yak. 2:25)
U ye Yesu faga
1. Mɔgɔ kɛrɛnkɛrɛnnen jumɛnw de kɛra Yesu ka saya sababu ye?
2. Cidenw ye mun kɛ tuma min na diinɛ ɲɛmɔgɔw ye Yesu minɛ ka taa ni a ye?
3. Mun kɛra sarakalasebaga-kuntigi Kayifɛ ka so?
4. Mun na Piɛrɛ taara kɛnɛma ka kasi?
5. U kɛlen kɔ ka Yesu bila ka taa Pilate fɛ kokura, sarakalasebaga-kuntigi pɛrɛnna ka mun fɔ?
6. Jumadon wula daminɛ na, mun kɛra Yesu la? Yesu ye layidu jumɛn ta kojugukɛla dɔ ye min gengenna jiri la a kɛrɛfɛ?
7. Yesu ye Alijinɛ min kuma fɔ, o bɛna kɛ min?
Ɲininkali wɛrɛw:
1. I ka Matiyu 26:57-75 kalan.
Yahutuw ka kiritigɛ jamakulu y’a jira cogo jumɛn na ko u ka jugu? (Mat. 26:59, 67, 68)
2. I ka Matiyu 27:1-50 kalan.
Mun na an bɛ se k’a fɔ ko Juda ka nimisa tun tɛ nimisa sɛbɛ ye? (Mat 27:3, 4; Mar. 3:29; 14:21; 2 Kɔr. 7:10, 11)
3. I ka Luka 22:54-71 kalan.
U ye Yesu janfa su min na, k’a minɛ, Piɛre y’a dalacɛ a la ko ale tɛ Yesu dɔn. An bɛ mun kalan o ko fɛ? (Luka 22:60-62; Mat. 26:31-35; 1 Kɔr. 10:12)
4. I ka Luka 23:1-49 kalan.
Tilenbaliyako minnu kɛra Yesu la, a ye o jaabi cogo di? An bɛ mun kalan o ko fɛ? (Luka 23:33, 34; Rom. 12:17-19; 1 Pi. 2:23)
5. I ka Yuhana 18:12-40 kalan.
Hali ni waati dɔ kɔnɔ Piɛrɛ ma se ka fɛn fosi kɛ hadamaden ɲɛsiran bolo, mun b’a jira ko a tilara ka kɛ ciden ɲɛnamaba ye? (Yuh. 18:25-27; 1 Kɔr. 4:2; 1 Pi. 3:14, 15; 5:8, 9)
6. I ka Yuhana 19:1-30 kalan.
(a) Hakilila ɲuman jumɛn tun bɛ Yesu la, bolofɛnw ko la? (Yuh. 2:1, 2, 9, 10; 19:23, 24; Mat. 6:31, 32; 8:20)
(b) Yesu ye kuma laban minnu fɔ sani a ka sa, olu ye sesɔrɔ kumaw ye minnu b’a jira ko a ye Jehova ka masabaya kɔkɔrɔdon. Cogo jumɛn na? (Yuh. 16:33; 19:30; 2 Pi. 3:14; 1 Yuh. 5:4)
Yesu ɲɛnama don
1. Muso min bɛ ja kan yan, jɔni don? Cɛ fila ninnu ye jɔni ye? U bɛ yɔrɔ jumɛn na yan?
2. Mun na Pilate y’a fɔ sarakalasebagaw ye u ka sɔrɔdasiw bila ka Yesu ka kaburu kɔlɔsi?
3. Yesu ka saya tile sabanan sɔgɔma joona fɛ, mɛlɛkɛ dɔ ye mun kɛ? Nka, sarakalasebagaw ye mun kɛ?
4. Muso dɔw nana Yesu ka kaburu lajɛ tuma min na, mun ye u kabakoya?
5. Mun na Piɛrɛ ni Yuhana bolila ka na Yesu ka kaburu la? U ye mun sɔrɔ yen?
6. Mun ye Yesu su sɔrɔ? Nka, Yesu ye mun kɛ walisa k’a jira a ka kalandenw na ko ale ɲɛnama don?
Ɲininkali wɛrɛw:
1. I ka Matiyu 27:62-66 ni 28:1-15 kalan.
Yesu lakununna waati min na, sarakalasebaga-kuntigiw, Farisiɛnw ani cɛkɔrɔbaw ye hakili senu hakɛ ta cogo jumɛn na? (Mat. 12:24, 31, 32; 28:11-15)
2. I ka Luka 24:1-12 kalan.
Maana min bɛ Yesu lakununni ko kan, o b’a jira ko Jehova bɛ musow mafilɛ i ko seere dannamɔgɔw, cogo jumɛn na? (Luka 24:4, 9, 10; Mat. 28:1-7)
3. I ka Yuhana 20:1-12 kalan.
Ni an ma faamuyali jɛlen sɔrɔ Bibulu kirayakuma dɔ kan, Yuhana 20:8, 9 b’a jira an na cogo jumɛn na ko an ka kan ka an muɲu? (Nt. 4:18; Mat. 17:22, 23; Luka 24:5-8; Yuh. 16:12)
So da sɔgɔlen dɔ kɔnɔ
1. Mariyama ye mun fɔ cɛ dɔ ye, a tun bɛ min jate nakɔtigi ye? Nka, mun y’a to a y’a dɔn ko o cɛ ye Yesu ye?
2. Kalanden fila tun bɛ ka taa Emayus tuma min na, mun kɛra?
3. Kalanden fila kɛlen k’a fɔ cidenw ye ko olu ye Yesu ye, kabako jumɛn kɛra?
4. Yesu y’a yɛrɛ jira a ka kalandenw na siɲɛ joli?
5. Tɔma ye mun fɔ a kɛlen k’a mɛn ko kalandenw ye Matigi ye? Nka tile segin o kɔfɛ, mun kɛra?
Ɲininkali wɛrɛw:
1. I ka Yuhana 20:11-29 kalan.
Yala Yesu tun bɛ k’a fɔ Yuhana 20:23 na, ko hadamadenw yamaruyalen bɛ ka jurumuw yafa wa? A ɲɛfɔ. (Zab. 49:2, 7; Esa. 55:7; 1 Tim. 2:5, 6; 1 Yuh 2:1, 2)
2. I ka Luka 24:13-43 kalan.
An bɛ se ka an dusukun labɛn cogo jumɛn na walisa a ka sɔn Bibulu tiɲɛkumaw ma? (Luka 24:32, 33; Esd 7:10; Mat. 5:3; Kɛw. 16:14; Heb. 5:11-14)
Yesu kɔseginna sankolo la
1. Siɲɛ dɔ la, kalanden joli ye Yesu ye? Yesu ye mun fɔ u ye?
2. Ala ka Masaya ye mun ye? Yesu ka san ba kelen mara kɔnɔna na, ɲɛnamaya bɛna kɛ cogo di dugukolo kan?
3. Yesu y’a yɛrɛ jira a ka kalandenw na tile joli kɔnɔ? Nka waati sera sisan Yesu ka mun kɛ?
4. Yesu ni a ka kalandenw tun bɛna fara ɲɔgɔn na tuma min yɛrɛ la, a y’a fɔ u ye u ka mun kɛ?
5. Mun bɛ ka kɛ nin ja kan? Mun na kɔfɛ, kalandenw ma Yesu ye tun?
Ɲininkali wɛrɛw:
1. I ka 1 Kɔrɛntekaw 15:3-8 kalan.
Mun na ciden Paul tun bɛ se ka kuma ni dannayaba ye nin cogo la Yesu lakununni ko la? Krecɛnw bɛ se ka kuma ni o dannayaba kelen ye bi fɛn jumɛnw ko la? (1 Kɔr. 15:4, 7, 8; Esa. 2:2, 3; Mat. 24:14; 2 Tim. 3:1-5)
2. I ka Kɛwalew. 1:1-11 kalan.
I ko Kɛwalew 1:8 y’a fɔ cogo min na, waajuli baara kɛra ka se fo min? (Kɛw. 6:7; 9:31; 11:19-21; Kol. 1:23)
U bɛ makɔnɔni na Jerusalɛm
1. I ko ja b’a jira cogo min na, mun kɛra tuma min na Yesu ka kalandenw tun bɛ makɔnɔni na Jerusalɛm?
2. Mɔgɔ minnu tun nana Jerusalɛm, mun ye olu kabakoya?
3. Piɛrɛ ye mun ɲɛfɔ mɔgɔw ye?
4. Mɔgɔw kɛlen kɔ ka Piɛrɛ ka kuma mɛn, o ye mun kɛ u la? Piɛrɛ y’a fɔ u ye ko u ka mun kɛ?
5. O Pantekɔti don na, san 33 krisita tile la, mɔgɔ joli batisera?
Ɲininkali wɛrɛw:
1. I ka Kɛwalew 2:1-47 kalan.
(a) Piɛrɛ ye kuma minnu fɔ Kɛwalew 2:23, 36 na, o kumaw b’a jira ko Yahutu siya bɛɛ sen bɛ Yesu ka saya la, cogo jumɛn na? (1 Tes. 2:14, 15)
(b) Hakilijakabɔ bɛ se ka kɛ ka ɲɛ Sɛbɛnniw kan cogo min na, Piɛrɛ ye o jira an na cogo jumɛn na? (Kɛw. 2:16, 17, 29, 31, 36, 39; Kol. 4:6)
(c) Yesu ye layidu ta ko a tun bɛna “sankolo masaya konnɛgɛ” minnu di Piɛrɛ ma, Piɛrɛ ye baara kɛ ni o konnɛgɛ fɔlɔ ye cogo jumɛn na? (Kɛw. 2:14, 22-24, 37, 38; Mat. 16:19)
U labɔra kaso la
1. Piɛrɛ ni Yuhana taalen alabatoso la don dɔ wulada fɛ, mun kɛra?
2. Piɛrɛ ye mun fɔ nabara dɔ ye? Piɛrɛ ye mun di a ma min ka fisa ni wari ye?
3. Mun na diinɛ ɲɛmɔgɔw diminna? U ye mun kɛ Piɛrɛ ni Yuhana na?
4. Piɛrɛ ye mun fɔ diinɛ ɲɛmɔgɔw ye? Kangari jumɛn dara cidenw ye?
5. Mun na diinɛ ɲɛmɔgɔw keleyara cidenw na? Nka, mun kɛra siɲɛ filanan min na u ye cidenw bila kaso la?
6. Cidenw minɛna tuma min na ka taa kiritigɛ yɔrɔ la, u ye mun fɔ?
Ɲininkali wɛrɛw:
1. I ka Kɛwalew 3:1-10 kalan.
Hali ni sebagaya ma di an ma ka kabakow kɛ bi, Piɛrɛ ka kuma minnu bɛ Kɛwalew 3:6 na, o b’an dɛmɛ cogo di ka nafa don Masaya cikan na? (Yuh. 17:3; 2 Kɔr. 5:18-20; Fil. 3:8)
2. I ka Kɛwalew 4:1-31kalan.
Ni mɔgɔw b’an kɛlɛ an ka cidenyabaara la, an ka kan ka balimaw san kɛmɛ fɔlɔ Krecɛnw ladege sira jumɛn fɛ? (Kɛw 4:29, 31; Efɛ. 6:18-20; 1 Tes. 2:2)
3. I ka Kɛwalew 5:17-42 kalan.
Mɔgɔ minnu tɛ Jehova Seerew ye, a kɛra fɔlɔla ye wo, a kɛra sisan ye wo, olu dɔw ye tilennenya jira cogo jumɛn na waajuli baara ko la? (Kɛw. 5:34-39)
Etiɛni bonna ka faga
1. Etiɛni ye jɔni ye? Ala y’a dɛmɛ a ka mun kɛ?
2. Etiɛni ye mun fɔ n’o ye diinɛ ɲɛmɔgɔw dusu bɔ kosɛbɛ?
3. Cɛw taara ni Etiɛni ye dugu kɔfɛ tuma min na, u ye mun kɛ a la?
4. Ja kan yan, kamalen min jɔlen bɛ forokiyaw kunna, o ye jɔni ye?
5. Sani Etiɛni ka sa, a ye mun ɲini Jehova fɛ?
6. Ni an ye Etiɛni ladege, ni mɔgɔ dɔ ye kojugu kɛ an na, an ka kan ka mun kɛ?
Ɲininkali wɛrɛw:
1. I ka Kɛwalew 6:8-15 kalan.
Diinɛ ɲɛmɔgɔw ye baara kɛ ni fɛɛrɛ jumɛnw ye walisa k’a ɲini ka Jehova Seerew ka waajuli baara jɔ? (Kɛw. 6:9, 11, 13)
2. I ka Kɛwalew 7:1-60 kalan.
(a) Mun ye Etiɛni dɛmɛ a ka se ka kibaru duman lafasa cogo ɲɛnama na Yahutuw ka kiritigɛ yɔrɔ la? An bɛ se ka mun dege a kɛcogo fɛ? (Kɛw. 7:51-53; Rom. 15:4; 2 Tim. 3:14-17; 1 Piɛ. 3:15)
(b) Ni mɔgɔw b’an kɛlɛ Jehova ka baara la, an b’a kɛ cogo di ? (Kɛw 7:58-60; Mat. 5:44; Luka 23:33, 34)
Damasi sira kan
1. Etiɛni fagalen kɔfɛ, Saul ye mun kɛ?
2. Saul tun bɛ Damasi sira kan ka taa tuma min na, kabako jumɛn kɛra?
3. Yesu y’a fɔ Saul ye a ka mun kɛ?
4. Yesu y’a fɔ Ananiyasi ye a ka ko jumɛnw kɛ? Saul sera ka yeli kɛ kokura cogo jumɛn na?
5. Saul nana dɔn ni tɔgɔ jumɛn ye? Saul kɛra baarakɛminɛn sugu jumɛn ye?
Ɲininkali wɛrɛw:
1. I ka Kɛwalew 8:1-4 kalan.
Tɔɔrɔ min binna Krecɛn jɛkulu daminɛ kuranin kan, o kɛra sababu ye ka Krecɛn diinɛ jɛnsɛn cogo jumɛn na? O ko ɲɔgɔn jumɛn kɛra an ka waati la? (Kɛw. 8:4; Esa. 54:17)
2. I ka Kɛwalew 9:1-20 kalan.
Yesu y’a jira ko baara saba jumɛn b’a bolo ka Saul bila o la? (Kɛw. 9:15; 13:5; 26:1; 27:24; Rom. 11:13)
3. I ka Kɛwalew 22:6-16 kalan.
An bɛ se ka kɛ i ko Ananiyasi cogo jumɛn na? Mun na o nafa ka bon? (Kɛw. 22:12; 1 Tim. 3:7; 1 Pi. 1:14-16; 2:12)
4. I ka Kɛwalew 26:8-20 kalan.
Saul ka yɛlɛmani Krecɛnya sira la, cogo jumɛn na o bɛ dusu don bi Jehova Seerew kɔnɔ minnu furuɲɔgɔn tɛ an dɔw ye? (Kɛw. 26:11; 1 Tim. 1:14-16; 2 Tim. 4:2; 1 Pi. 3:1-3)
Piɛrɛ nana Kɔrnɛye fɛ
1. Cɛ min binnen bɛ Piɛrɛ sen kɔrɔ ja kan yan, o ye jɔni ye?
2. Mɛlɛkɛ dɔ ye mun fɔ Kɔrnɛye ye?
3. Ka Piɛrɛ to Simɔn ka so san fɛ Jope, Ala ye mun jira Piɛrɛ la?
4. Mun na Piɛrɛ y’a fɔ Kɔrnɛye ye ko a man kan k’a bin a sen kɔrɔ, k’a bato?
5. Mun na Yahutu kalanden minnu ni Piɛrɛ tun bɛ ɲɔgɔn fɛ, olu kabakoyara?
6. An ka kan ka kalan ɲɛnama jumɛn bɔ Piɛrɛ taaliko la Kɔrnɛye ka so?
Ɲininkali wɛrɛw:
1. I ka Kɛwalew 10:1-48 kalan.
Piɛrɛ ka kuma minnu bɛ Kɛwalew 10:42 la, o bɛ mun jira Masaya kibaru duman waajuli baara ko la? (Mat. 28:19; Mark. 13:10; Kɛw. 1:8)
2. I ka Kɛwalew 11:1-18 kalan.
Jehova sagonata jɛyara tuma min na siya wɛrɛ mɔgɔw fan fɛ, Piɛrɛ kɛcogo kɛra jumɛn ye? An bɛ se ka a ka misali ladege cogo jumɛn na? (Kɛw. 11:17, 18; 2 Kɔr. 10:5; Efɛ. 5:17)
Timote ye Paul dɛmɛbaga kura ye
1. Kamalennin min bɛ ja kan yan, o ye jɔni ye? A sigilen bɛ dugu jumɛn na? A ba ni a mɔmuso tɔgɔ ye di?
2. Timote ye mun fɔ tuma min na Paul y’a ɲininka ni a b’a fɛ ka fara ale ni Silasi kan ka taa waajuli kɛ yɔrɔ janw na?
3. Yesu ka kalandenw welela siɲɛ fɔlɔ min na ko Krecɛnw, o kɛra dugu jumɛn na?
4. Paul ni Silasi ni Timote bɔlen kɔfɛ Lisitre, u taara dugu jumɛnw na?
5. Timote ye Paul dɛmɛ cogo jumɛn na? Denmisɛnw ka kan k’u yɛrɛ ɲininka mun na?
Ɲininkali wɛrɛw:
1. I ka Kɛwalew 9:19-30 kalan.
Ni mɔgɔw tun bɛ Paul kɛlɛ kibaru duman ko la, a tun b’a jira cogo jumɛn na ko a bɛ a jan to a yɛrɛ la? (Kɛw. 9:22-25, 29, 30; Mat. 10:16)
2. I ka Kɛwalew 11:19-26 kalan.
Ɲɛfɔli min bɛ Kɛwalew 11:19-21, 26 kɔnɔ, o b’a jira cogo jumɛn na ko Jehova ka hakili senu bɛ waajuli baara ɲɛminɛ?
3. I ka Kɛwalew 13:13-16, 42-52 kalan.
Cogo jumɛn na Kɛwalew 13:51, 52 b’a jira ko kalandenw ma a to u kɛlɛli ka u dusu faga? (Mat. 10:14; Kɛw. 18:6; 1 Pi. 4:14)
4. I ka Kɛwalew 14:1-6; 19-28 kalan.
Ka an to mɔgɔ kuraw dɛmɛni na, ni ko dɔ b’an jɔrɔ kojugu, kuma min ye ko ‘u ye u kalifa Jehova ma,’ o kuma bɛ se k’an dɛmɛ cogo jumɛn na walisa an kana jɔrɔ tun? (Kɛw. 14:21-23; 20:32; Yuh. 6:44)
5. I ka Kɛwalew 16:1-5 kalan.
Timote sɔnna cogo min na u ka a boloko, o b’a jira cogo jumɛn ko a nafa ka bon ka “fɛn bɛɛ kɛ Kibaru Duman kosɔn”? (Kɛw. 16:3; 1 Kɔr. 9:23; 1 Tes. 2:8)
6. I ka Kɛwalew 18:1-11; 18-22 kalan.
Kɛwalew 18:9, 10 b’a jira an na cogo jumɛn na ko Yesu yɛrɛ de bɛ waajuli baara ɲɛminɛ? O bɛ dannaya jumɛn di an ma bi? (Mat. 28:20)
Kamalennin min sunɔgɔra
1. Kamalennin min dalen bɛ duguma yan, o ye jɔni ye? Mun y’a sɔrɔ?
2. Paul y’a ye tuma min na ko cɛnin sara, a ye mun kɛ?
3. Paul ani Timote ani u taamakɛlaɲɔgɔnw bɛ ka taa min? U ye u jɔ tuma min na Mile, mun kɛra?
4. Kira Agabus ye Paul lasɔmi mun na? Mun kɛra i ko kira tun y’a fɔ tigitigi cogo min na?
Ɲininkali wɛrɛw:
1. I ka Kɛwalew 20:7-38 kalan.
(a) I ko Paul y’a fɔ Kɛwalew 20:26, 27 na cogo min na, an bɛ se ka to mɔgɔw ye “mɔgɔ si joli hakɛ tɛ” minnu kan cogo jumɛn na? (Eze. 33:8; Kɛw. 18:6, 7)
(b) Ni maakɔrɔw bɛ mɔgɔw kalan tuma min na, mun na u “nɔrɔlen” ka kan “ka to kalan sɛbɛ” la? (Kɛw. 20:17, 29, 30; Tite 1:7-9; 2 Tim. 1:13)
2. I ka Kɛwalew 26:24-32 kalan.
Ikomi Paul tun ye Romɛ fasoden ye, a ye baara kɛ ni o fasodenya ye cogo jumɛn na walisa ka a ka waajuli baara kɛ, Yesu tun y’a bila o min na? (Kɛw 9:15; 16:37, 38; 25:11, 12; 26:32; Luka 21:12, 13)
Kurunba tora ji la
1. Paul ka kurunba tɛmɛna tuma min na Krete gun kɛrɛfɛ, mun kɛra?
2. Paul ye mun fɔ kurunba kɔnɔmɔgɔw ye?
3. Mun nana ni kurunba karili ye ka bɔ ɲɔgɔn na?
4. Sɔrɔdasi kuntigi min tun bɛ kurunba kow kunna, o y’a fɔ kurunba kɔnɔmɔgɔw ye u ka mun kɛ? Mɔgɔ caman sera hɛrɛ la jida la cogo jumɛn na?
5. U sera gun min na, o tɔgɔ bɛ di? Waati cogoya ɲɛna tuma min na, mun kɛra Paul la?
Ɲininkali wɛrɛw:
1. I ka Kɛwalew 27:1-44 kalan.
Maana min bɛ Paul ka taama kan Romɛ, ni an bɛ o kalan, o bɛ dɔ fara an ka dannaya kan ko Bibulu ye kitabu jɔnjɔn ye, cogo jumɛn na? (Kɛw 27:16-19, 27-32; Luka 1:3; 2 Tim. 3:16, 17)
2. I ka Kɛwalew 28:1-14 kalan.
Ni Malte dugu kɔnɔmɔgɔ minnu ye Ala dɔnbaliw ye, olu ye ko “ɲuman kɛ” min “bɔɲɔgɔnko sɔrɔ man di” Paul ni kurunba kɔnɔmɔgɔw ye, Krecɛnw dusukun ka kan k’u bila ka mun kɛ? U b’o kɛ sira jumɛn fɛ kɛrɛnkɛrɛnnenya la? (Kɛw. 28:1, 2; Heb. 13:1, 2; 1 Pi. 4:9)
Paul bɛ Romɛ
1. Paul tun bɛ kaso la tuma min na Romɛ, a ye jɔni waaju?
2. Mɔgɔ min sigilen bɛ tabali la yan ja kan, o ye jɔni ye? A bɛ ka mun de kɛ Paul ye?
3. Epafrodite ye jɔni ye? A bɛna segin tuma min na Filipe, a bɛna taa ni mun ye a bolo?
4. Mun na Paul ye lɛtɛrɛ ci a teri sɛbɛ Filemon ma?
5. Paul bilala tuma min na, a ye mun kɛ? Mun kɛra a la o kɔfɛ?
6. Jehova ye jɔni bila ka Bibulu kitabu labanw sɛbɛn? Jirali kitabu bɛ kuma mun de kan?
Ɲininkali wɛrɛw:
1. I ka Kɛwalew 28:16-31 ani Filipekaw 1:13 kalan.
Paul tun bɛ kaso la tuma min na Romɛ, a y’a ka waati kɛ mun de la? Dannayaba min tun b’a la, ni fɛn fosi ma se ka dɔ bɔ o la, o dannaya ye nɔ jumɛn bila Krecɛn jɛkulu la? (Kɛw. 28:23, 30; Fil. 1:14)
2. I ka Filipekaw 2:19-30 kalan.
Paul ye waleɲumandɔn kuma jumɛnw fɔ Timote ni Epafrodite ko la? An bɛ se ka Paul kɛcogo ladege cogo jumɛn na? (Fil. 2:20, 22, 25, 29, 30; 1 Kɔr. 16:18; 1 Tes. 5:12, 13)
3. I ka Filemon 1-25 kalan.
(a) Paul y’i sinsin mun kan ka dusu don Filemon kɔnɔ a ka ko bɛnnen kɛ? O ko bɛ maakɔrɔw bilasira bi cogo jumɛn na? (Fil. 9; 2 Kɔr. 8:8; Gal. 5:13)
(b) Paul ye kuma min fɔ Filemon 13 ni 14 la, o b’a jira cogo jumɛn na ko Paul tun bɛ jɛkulu kɔnɔmɔgɔw kɔnɔko jate? (1 Kɔr. 8:7, 13; 10:31-33)
4. I ka 2 Timote 4:7-9 kalan.
I ko Paul, an bɛ se ka dannaya sɔrɔ cogo jumɛn na ko Jehova bɛna an sara ni an tora kantigiya la fo ka se a laban na? (Mat. 24:13; Heb. 6:10)
Kojugu bɛɛ laban
1. Mun na Bibulu b’a fɔ ko sow bɛ sankolo la?
2. Ala ka kɛlɛ min ɲɛsinnen bɛ mɔgɔjuguw ma minnu bɛ dugukolo kan, o kɛlɛ bɛ wele cogo di? O kɛlɛ kun ye mun ye?
3. N’i ye ja lajɛ, jɔni bɛna o kɛlɛ ɲɛminɛ? Mun na masakɛfugula b’a kun na? A ka npanmuru kɔrɔ ye mun ye?
4. Ni an seginna ka maana 10 ni 15 ni 33 lajɛ, mun na a man kan ka bala an na ko Ala bɛna mɔgɔjuguw halaki?
5. Cogo jumɛn na maana 36 ni 76 b’an jira an na ko Ala bɛna mɔgɔjuguw halaki, hali ni u b’a fɔ ko u bɛ ale de bato?
Ɲininkali wɛrɛw:
1. I ka Jirali 19:11-16 kalan.
(a) Sɛbɛnniw b’a jira k’a jɛya cogo jumɛn na ko Yesu krisita de bɛ so jɛman kan? (Jir. 1:5; 3:14; 19:11; Esa. 11:4)
(b) Ikomi joli bɛ Yesu ka fini fan bɛɛ la, o b’a jira ko a ye se sɔrɔ cogo ɲɛnama na ani cogo dafalen na. Cogo jumɛn na? (Jir. 14:18-20; 19:13 )
(c) An bɛ se ka sigi n’a ye ko mɔgɔ jumɛnw sen bɛ kɛlɛbolow la minnu tugulen bɛ Yesu kɔ? (Jir. 12:7; 19:14; Mat. 25:31, 32)
Alijinɛ kura dugukolo kan
1. Bibulu b’a jira ko an bɛna hɛrɛ jumɛnw dɔn alijinɛ kɔnɔ dugukolo kan yan?
2. Mɔgɔ minnu bɛna sigi Alijinɛ kɔnɔ, Bibulu ye layidu jumɛn ta olu ye?
3. Waati jumɛn na Yesu bɛna a hakili to a la walisa nin dakabana yɛlɛma ka kɛ?
4. Yesu tun bɛ dugukolo kan tuma min na, a ye mun kɛ walisa k’a jira ale bɛna min kɛ ni a kɛra Ala ka Masaya Masakɛ ye tuma min na?
5. Yesu ani mɔgɔ minnu bɛna kuntigiya kɛ ɲɔngɔn fɛ sankolo la, tuma min na u bɛ dugukolo mara, u bɛna u magɔ don mun de la?
Ɲininkali wɛrɛw:
1. I ka Jirali 5:9, 10 kalan.
Mun na an bɛ se ka da a la ko mɔgɔ minnu bɛna dugukolo mara san ba kelen kɔnɔ, olu bɛna kɛ masakɛw ni sarakalasebagaw ye minnu ka ɲi ani minnu bɛ hinɛ? (Ef. 4:20-24; 1 Pi. 1:7; 3:8; 5:6-10)
2. I ka Jirali 14:1-3 kalan.
Ni a fɔra ko Fa tɔgɔ ani Sagaden tɔgɔ sɛbɛnnen bɛ mɔgɔ 144 000 ten kan, o kɔrɔ ye mun ye? (1 Kɔr. 3:23; 2 Tim. 2:19; Jir. 3:12)
Ɲɛnamaya banbali bɛ sɔrɔ cogo min na
1. Ni an b’a fɛ ka ɲɛnamaya banbali sɔrɔ, an ka kan ka mun dɔn?
2. I ko a jiralen bɛ cogo min na dennin ni a teriw fɛ ja kan yan, cogo jumɛn na an bɛ se ka dɔnniya sɔrɔ Jehova Ala ani Yesu ko la?
3. I ɲɛ bɛ kitabu jumɛn wɛrɛ la ja kan yan? Mun na an ka kan ka o kalan tuma bɛɛ?
4. Ka fara Jehova ni Yesu dɔnniya sɔrɔli kan, mun wɛrɛ ka kan ka kɛ walisa ka ɲɛnamaya banbali sɔrɔ?
5. Maana 69 b’an kalan mun de la?
6. Samuɛl fitininnama ka ko min bɛ Maana 55 la, o bɛ kɛcogo ɲuman jumɛn jira an na?
7. An bɛ se ka Yesu Krisita ladege cogo jumɛn na? Wa, ni an ye o kɛ, an bɛna se ka mun kɛ don nataw la?
Ɲininkali wɛrɛw:
1. I ka Yuhana 17:3 kalan.
Sɛbɛnniw b’a jira cogo jumɛn na ko ka Jehova Ala ni Yesu Krisita dɔnniya sɔrɔ, o kɔrɔ tɛ dɔrɔn ka kow to i hakili la? (Mat. 7:21; Yak. 2:18-20; 1 Yuh. 2:17)
2. I ka Zaburu 145:1-21 kalan.
(a) Kun caman b’an bolo ka Jehova tanu. Olu dɔw fɔ. (Zab. 145:8-11; Jir. 4:11)
(b) Jehova ka ɲi “mɔgɔw bɛɛ ma” cogo jumɛn na? O ko bɛ an gɛrɛ a la kosɛbɛ cogo di? (Zab. 145:9; Mat. 5:43-45)
(c) Ni Jehova ka ko bɛ an ni kan, o bɛna an bila ka mun kɛ? (Zab. 119:171, 172, 175; 145:11, 12, 21)
