YƆRƆ 8NAN

Bibulu bɛ ko nata minnu fɔ, olu bɛ kɛ

Ko lakika minnu kɛra fɔlɔ la, Bibulu tɛ dan olu dɔrɔn fɔli ma. Ko minnu bɛna kɛ don nataw la, a bɛ kuma olu fana kan. Hadamadenw tɛ se k’a fɔ fɛn min bɛna kɛ sini. An b’a dɔn o de la ko Bibulu bɔra Ala yɔrɔ. O la sa, Bibulu bɛ mun fɔ siniko kan?

A bɛ kuma Ala ka kɛlɛba kan. O kɛlɛ la, Ala bɛna dugukolo saniya, ka kojugu ni mɔgɔjuguw bɛɛ bɔ yen. Nka mɔgɔ minnu bɛ baara kɛ ale ye, a bɛna olu lakana. Ala ye masakɛ min sigi, o ye Yesu Krisita ye. Ale de bɛna a mago don o mɔgɔw la walisa u ka hɛrɛ ni lafiya sɔrɔ, walisa u kana bana badaa, walima ka sa.

An bɛ se ka an nisɔndiya ko Ala bɛna alijinɛ kura sigi dugukolo kan. Tari di? Nka ni an b’a fɛ ka sigi o alijinɛ kɔnɔ, an ka kan ka fɛn dɔ kɛ. An bɛna a ye maana laban kɔnɔ min bɛ nin gafe kɔnɔ, an ka kan ka min kɛ walisa ka kodumanw sɔrɔ, Ala ye minnu bila a batobagaw ɲɛ. O la sa, YƆRƆ 8NAN kalan walisa k’a dɔn Bibulu bɛ min fɔ siniko kan.