K’a ta u ka jɔnya la Babilonɛ fo ka na se Jerusalɛm kogobaw jɔli ma kokura
YƆRƆ 5NAN
K’a ta u ka jɔnya la Babilonɛ fo ka na se Jerusalɛm kogobaw jɔli ma kokura
Israɛlkaw tun bɛ jɔnya la tuma min na Babilonɛ, u ye kɔrɔbɔli caman sɔrɔ u ka dannaya ta fan fɛ. Sadrak, Mesak ani Abɛd-Nego filila tasumaba kɔnɔ, nka Ala ye u kisi. Kɔfɛ, Medikaw ni Persekaw sera Babilonɛkaw la tuma min na, Daniɛl filila warabaw ka dingɛ kɔnɔ, nka Ala ye ale fana kisi, ka warabaw daw siri.
Perse masakɛ Sirus ye Israɛlkaw hɔrɔnya. U seginna u faso la san 70 tigitigi, u cɛlen kɔfɛ ka taa jɔnya la Babilonɛ. U seginna tuma min na Jerusalɛm, u kɔnna ka fɛn fɔlɔ minnu kɛ, nin tun b’a la: u ye Jehova ka batoso jɔli daminɛ. Nka, a ma mɛn, u juguw nana u ka baara lajɔ. O de y’a to kabini Israɛlkaw seginna Jerusalɛm, san 22 ɲɔgɔn tɛmɛna sani Alabatoso ka jɔ ka ban.
An bɛna a kalan kɔfɛ ko Esdrasi taara Jerusalɛm walisa ka Alabatoso cɛɲɛ. O kɛra san 47 ɲɔgɔn Alabatoso jɔli bannen kɔfɛ. San 13 kɔfɛ Esdrasi taalen Jerusalɛm, Nehemi fana nana mɔgɔw dɛmɛ ka Jerusalɛm kogobaw binnen jɔ kokura. Nin Yɔrɔ DUURUNAN bɛ kuma kow kan minnu kɛra san 152 kɔnɔna na.
