“Nin sariya kitabu kuma ka to i da la. I ka miiri a la su fara tile kan, walisa i ka a ko sɛbɛnnenw bɛɛ kɛ ni kantigiya ye. Ni o kɛra, i ka ko kɛtaw na ɲɛ, i na jiidi.”

Josue 1:8

“U ye Ala ka sariya kitabu kalan k’a jɛya mɔgɔw bɛɛ ɲɛ na k’a kɔrɔ fɔ, fo mɔgɔw ye u ka ko kalannenw faamu.”

Nehemi 8:8

“Duba den ye o mɔgɔ ye min tɛ taama mɔgɔ juguw ka ko latigɛlen na, . . .  nka Jehova ka ton ko ka di a ye hali, a bɛ miiri a ka ton ko la su fara tile kan . . .  O tigi bɛ fɛn o fɛn kɛ, o bɛɛ bɛ ɲɛ.”

Zaburu 1:1-3, BS 1961

“Filipe bolila ka madon wotoro la, a ye Etiopika kan mɛn, o tun bɛ kira Esayi ka kitabu kalan. Filipe y’a ɲininka ko: “I bɛ min kalan, i bɛ o faamu wa?” O cɛ y’a jaabi ko: “Ne bɛ se k’a faamu cogo di, ni mɔgɔ ma a kɔrɔ fɔ ne ye?””

Kɛwalew 8:30, 31

 “Kabini diɲɛ da tuma, Ala ka ko yebaliw bɛ ye ka lasaa, o kɔrɔ, a ka sebaaya banbali ni a ka Alaya. Olu bɛ faamu a ka fɛn danenw fɛ. O de kosɔn josɔrɔ sababu tɛ mɔgɔw fɛ.”

Romɛkaw 1:20

“I jija o kow la ka i sɛbɛ don u la walisa mɔgɔw bɛɛ k’a ye ko i bɛ taa ɲɛ.”

1 Timote 4:15

“An ka an janto ɲɔgɔn na walisa ka ɲɔgɔn jija kanuya ni kɛwale ɲumanw kɛli la. An kana ɲɔgɔn lajɛli dabila”.

Heburuw 10:24, 25

“Ni hakilitigiya dɛsɛra aw dɔ la, o ka a deli Ala fɛ, a na di o ma, k’a masɔrɔ Ala bɛ nili kɛ mɔgɔw bɛɛ la ka kari, a tɛ kɔrɔfɔli kɛ.”

Yakuba 1:5