“Siya dɔ na wuli siya dɔ wɛrɛ kama. Masaya dɔ na wuli masaya dɔ wɛrɛ kama . . . O kow bɛɛ ye tɔɔrɔ kow daminɛ dama ye, i n’a fɔ muso ka tin wulitɔ.”

Matiyu 24:7, 8

“Kira nkalontigɛla caman na wuli, u na mɔgɔ caman lafili. Juguya na caya yɔrɔ bɛɛ, fo mɔgɔ caman ka kanuya na sumaya.”

Matiyu 24:11, 12

“Ni aw ye kɛlɛ kow kibaru mɛn, ka kɛlɛ kow ŋunuŋunukan mɛn tuma min na, aw hakili kana ɲaami. Wajibi don o kow ka kɛ, nka o tɛ a laban ye fɔlɔ.”

Marka 13:7

“Dugukolo yɛrɛyɛrɛbaw na kɛ yɔrɔ dɔw la, fiɲɛbanaw ni kɔngɔbaw na kɛ yɔrɔ caman na. Siran kobaw ni taamashyɛnbaw na ye ka bɔ sankolo la.”

Luka 21:11

 “I k’a dɔn ko laban donw na, waati gɛlɛnw na kɛ. Mɔgɔw na kɛ u yɛrɛw fɛ, nafolo negetɔw, tɔgɔ ɲininaw, kuncɛbaaw, Ala tɔgɔ tiɲɛbaaw, bangebaa kan bilabaaw, fitiriwalew, Ala ɲɛsiranbaliw, mɔgɔ gɛlɛnw, hinɛntanw, tɔgɔ tiɲɛbaaw, yɛrɛminɛbaliw, farinmaw, u tɛ ko ɲuman fɛ, janfanciw, yɛrɛsagokɛlaw, u falen bɛ kuncɛbaya la, ɲɛnajɛ kow ka di u ye ka tɛmɛn Ala ko kan, Ala sira kɔkanna kow taamabaaw, nka u banna a ka sebaaya ma.”

2 Timote 3:1-5