Nilifɛn bɛɛ la ɲuman jumɛn de bɛ yen i bɛ se ka min di i den ma? Denmisɛninw mago bɛ fɛn caman na i n’a fɔ i ka kanuya, i ka ɲɛminɛli ani i k’u lakana. Nka nilifɛn min nafa ka bon ni a bɛɛ ye, i bɛ se ka min di i den ma, o ye Jehova dɔnniya de ye ani tiɲɛ minnu bɛ sɔrɔ a ka kuma kɔnɔ, ni o ye Bibulu ye. (Yuhana 17:3) O dɔnniya sugu bɛ se ka i den dɛmɛ, Jehova ka kanuya ka bonya a la ani u k’a bato ni u dusukun bɛɛ ye kabini u denmisenin ma.—Matiyu 21:16.

Bangebaga caman y’a ye ko denmisɛninw bɛ jaabi ɲumanw di kalansira ani baara kɛcogo surumanw na. O kama, an nisɔndiyalenba don ka nin sɛbɛn in di aw ma, ni a tɔgɔ ye Ne ka Bibulu kalansiraw. Kalansira kelen o kelen dilannen bɛ walisa kalan ka kɛ ni a ye ni nɔgɔya ye. Ja minnu faralen bɛ sɛbɛn in kan olu dilanna kɛrɛnkɛrɛnnenya la denmiseninw kama minnu si bɛ san saba la ani o jukɔrɔ. Hakilinan dilen bɛ baara kɛcogow kan. Ne ka Bibulu kalansiraw ma dilan denmiseninw ye walisa u ka tulonkɛ ni a ye. Nka a dilanna walisa i k’a kalan ni i denw ye, o min bɛ kɛ sababu ye ka kumaɲɔgɔnya don i n’a cɛ.

An dalen b’a la ko nin sɛbɛn bɛna kɛ dɛmɛba ye aw bolo ka se ka aw denw kalan Bibulu la kabini u “denmisɛnma”—2 Timote 3:14, 15.

Aw balimaw,

Jehova Seerew ka Ɲɛmɔgɔ Kulu