Sitanɛ b’a fɛ i ka domaya kɛ. Mɔgɔ caman bɛ sarakaw bɔ u bɛnbaw suw walima furew ye walasa k’u yɛrɛw tanga kojuguw ma. U b’o kɛ bawo u bɛ siran jinɛ fangatigiw ɲɛ. O de b’a to u bɛ saraka bolokɔninanɛgɛw, walima saraka bololanɛgɛw don. U bɛ “furaw” min, walima u b’u fariw jɔsi n’u ye. U hakili la jinɛfuraw de don. Dɔw bɛ fɛnw dogo u ka sow kɔnɔ, walima dugu jukɔrɔ bawo u b’a miiri k’o fɛnw bɛ se k’u lakana. Dɔ wɛrɛw bɛ domaw ka “furaw” ta katuguni u ka jate la, o fɛnw sababu fɛ u bɛna sanga sɔrɔ cɛw ni musow ɲɛkɔrɔ, u ka hajuw la, walima lakɔli sɛgɛsɛgɛliw la.

Ka Jehowa sɔrɔ i teri ye, o de y’i tangalifɛn bɛɛ la ɲuman ye Sitanɛ ma. Jehowa Ala n’a ka mɛlɛkɛw ka sebagaya ka bon kosɛbɛ ni Sitanɛ n’a ka jinɛw ta ye. (Yakuba 2:19; Jirali 12:9) Jehowa b’a fɛ k’a fanga jira a teriw ka nafa kama, a teri minnu ye kantigiya dafalen jira ka ɲɛsin a ma.—2 Tilew Kibaru 16:9.

Ala ka Kuma ko: “Aw kana domaya kɛ.” Jehowa bɛ subagaya ni domaya haramu bawo o fɛnw bɛ se ka kɛ sababu ye Sitanɛ Sendonbaga ka se sɔrɔ mɔgɔ kan.—Levitike 19:26.