N’i b’a fɛ e ni mɔgɔ dɔ ka to teriya la, fo i ka kuma o tigi fɛ. I b’a lamɛn, a fana b’i lamɛn. I b’i teri tɔgɔ ɲuman fɔ tɔw ye. A bɛ ten fana n’an ye Ala teriw ye. An k’a lajɛ Bibulu bɛ min fɔ o ko la:

I ka kuma Jehowa fɛ tuma bɛɛ delili la. ‘Aw k’aw timinandiya Ala delili la.’—Romɛkaw 12:12.

Bibulu ye Ala ka Kuma ye. I k’a kalan. “Kitabu kuma bɛɛ kɛra a sɛbɛnnikɛlaw kɔnɔ Ala dafiɲɛ fɛ. Nafa b’a la kalanni ni kɔrɔfɔli ni latilenni kama.”—2 Timote 3:16.

I ka mɔgɔ wɛrɛw kalan u ka Ala dɔn. “O de kosɔn, a’ ye taa siyaw bɛɛ kɛ kalandenw ye . . . ne ye ci minnu bɛɛ fɔ aw ye, aw ka u kalan ko u ka tugu o kow la.”—Matiyu 28:19, 20.

 I ka gɛrɛ Ala teriw la. “Mɔgɔ min bɛ taama hakilitigiw fɛ, o bɛ hakili sɔrɔ.”—Ntalenw 13:20.

Lajɛ minnu bɛ kɛ Masaya So la, i k’olu matarafa. “An k’an janto ɲɔgɔn na walisa ka ɲɔgɔn jija kanuya ni kɛwale ɲumanw na . . . ka dusu don ɲɔgɔn kɔnɔ.”—Heburuw 10:24, 25, NW.

I ka Masaya baara kɔkɔrɔdon. “Mɔgɔ bɛɛ kelen-kelen ye min latigɛ u yɛrɛ dusukun na, u ka o di. O nili kana gɛlɛya a ma, a kana kɛ diyagoya ye, katuguni min bɛ nili kɛ ni ɲagali ye, o de ko ka di Ala ye.”—2 Kɔrɛntekaw 9:7.