Yesu Krisita y’a fɔ a ka kalandenw ye ko: ‘Aw ka yeelen ka bɔ mɔgɔw ɲɛ na walisa u ka aw ka kɛwale ɲumanw ye ka aw sankolola Fa bonya.’ (Matiyu 5:16) Nin don laban na, an bɛ baara kɛ ni fɛn kura bɔlenw ye, ɛntɛrinɛti sen b’o la. Siti lakika walasa ka kunnafoni sɔrɔ Jehova Seerew ka dannayakow ni u ka baaraw kan o ye jw.org ye. Mun bɛ sɔrɔ yen?

Bibulu bɛ jaabi minnu di ɲininkaliw kan mɔgɔ caman bɛ minnu kɛ u yɛrɛ la. Ɲɛnamaya ɲininkaliw bɛɛ la nafama dɔw, i bɛ se ka olu jaabiw sɔrɔ yen. Misali la, sɛbɛndennin Yali tɔɔrɔw na ban abada wa? ani Tiɲɛ don ko suw bɛna ɲɛnamaya kɛ tun wa? olu bɛ sɔrɔ ɛntɛrinɛti kan, kan 600 ni kɔ la. O siti kan, i bɛna Traduction du monde nouveau sɔrɔ yen kan 130 ni kɔ la, Bibulu kalan bɛ kɛ ni sɛbɛn minnu ye i n’a fɔ Bibulu bɛ mun de fɔ tigitigi? gafe ani La Tour de Garde ni Réveillez-vous ! bɔlen kuraw bɛ sɔrɔ yen. I bɛ se fana k’an ka nin sɛbɛn ninnu caman kalan walima ka u lamɛn walima ka u ta i n’a fɔ MP3, PDF walima EPUB. Hali i bɛ se ka sɛbɛn fura dɔw ta mɔgɔ dɔ ye, Bibulu ka di min ye a yɛrɛ ka kan na. Wideyo bɛ sɔrɔ bobo kan caman na. I bɛ se ka i yɛrɛ la nisɔndiya i kɛtɔ ka Bibulu theatiri maanaw ta, a lamɛnta ani dɔnkili dumanw.

I bɛ kunnafoniw sɔrɔ Jehova Seerew kan. An ka siti kan i bɛ kunnafoni kuraw ani wideyow sɔrɔ an ka baara kan diɲɛ bɛɛ kɔnɔ, ani kow kan minnu bɛ Jehova Seerew kan ani an ka mɔgɔ dɛmɛni baaraw kan. An ka tɔn bolofaraw bɛ sɔrɔ yɔrɔ minnu na ani kunnafoniw an ka lajɛbaw kan, aw bɛ o sɔrɔ yen.

O cogo la, an bɛ tiɲɛ yeelen bɔ fo dugukolo dan na. Tiɲɛ na diɲɛ mɔgɔw bɛɛ, hali mɔgɔ minnu bɛ Antartiki jamana la, olu bɛ taa an ka siti kan. An bɛ delili kɛ walasa ‘Jehova ka kuma ka jɛnsɛn’ dugukolo bɛɛ kan, o min bɛ nɔɔrɔ da Ala kan.—2 Tesalonikekaw 3:1.

• Cogo jumɛn na jw.org bɛ se ka mɔgɔ caman dɛmɛ ka Bibulu tiɲɛ dɔn?

• A ka di i ye ka mun lajɛ an ka siti kan?