KALANSEN 18
Ɲɛjiralicogo min bɛ mɔgɔ kalan
1 Kɔrɛntekaw 9:19-23
BAKURUBAFƆLI: Lamɛnbagaw bila u ka miiri, i ka barokun bannen kɔ u k’a dɔn ko u ye fɛn nafama dɔ kalan.
I BƐ SE KA O KƐ COGO MIN NA:
-
I lamɛnbagaw bɛ min dɔn ka ban i ka barokun kan i hakili to o la. U ye fɛn minnu mɛn ka kɔrɔ sani i ka to ka segin segin olu kan, u dɛmɛ u ka fɛn kura wɛrɛw kalan ka bɔ i ka barokun na.
-
Ɲininiw ani hakilijagabɔ kɛ. N’a bɛ se ka kɛ, i lamɛnbagaw bɛ fɛn minnu dɔn kosɛbɛ walima ko minnu bɛ sen na, kana baara kɛ ni olu ye kosɛbɛ walasa ka hakilina kolomaw jira. I ka barokun ani jɛɲɔgɔnya min bɛ i ka barokun ni ɲɛjiraliw cɛ i b’a fɛ ka minnu kofɔ, i hakili jagabɔ kosɛbɛ olu kan.
-
I bɛna cikan min lase o nafa jira. A jira i lamɛnbagaw la Bibulu hakilinaw bɛ se ka u dɛmɛ cogo min na u ka don o don ɲɛnamaya kɔnɔ. Kow, kɛcogoyaw ani kɛwale kɛrɛnkɛrɛnnenw minnu bɛ i lamɛnbagaw kun kan, baro kɛ olu kan.