KALANSEN 19
I timinandiya ka kuma cogo la walasa ka mɔgɔw dusukun sɔrɔ
Ntalenw 3:1
BAKURUBAFƆLI: I bɛ ka i lamɛnbagaw kalan fɛn minnu na, u dɛmɛ u ka olu nafa dɔn ani ka wale kɛ ka kɛɲɛ ni olu ye.
I BƐ SE KA O KƐ COGO MIN NA:
-
I lamɛnbagaw dɛmɛ u ka u yɛrɛw sɛgɛsɛgɛ. Ɲininkaliw kɛ ni fɛɛrɛ ye walasa ka mɔgɔw dɛmɛ u ka u yɛrɛw dusukunnataw sɛgɛsɛgɛ.
-
Dusu don i lamɛnbagaw kɔnɔ. Kun min na i lamɛnbagaw bɛ baara ɲumanw kɛ, dusu don u kɔnɔ u ka o kunw sɛgɛsɛgɛ teliya la. U dɛmɛ u ka a ɲini ka kow kɛ kun ɲumanw kosɔn ni olu ye—Jehova kanuya, u mɔgɔ ɲɔgɔnw kanuya ani Bibulu kalansiraw kanuya kosɔn. Hakilijagabɔ kɛ ni i lamɛnbagaw ye, kana i t’a kɛ kalanjɛ kɛli dɔrɔn ye. Sani i ka mɔgɔw lamaloya walima ka u jalaki i ka barokun kɔnɔna na, u dɛmɛ u k’a ye ko i ka barokun laban na dusu donna u kɔnɔ, o ka kɛ sababu ye u jijalen ka kɛ ka u seko bɛɛ kɛ.
-
Mɔgɔw hakili bila ka taa Jehova kan. A jira cogo min na Bibulu kalansiraw, a sariyakolow ani a sariyaw bɛ Jehova jogow jira ani ka a ka kanuya jira ka ɲɛsin an ma. I lamɛnbagaw bila a ka diya u ye k’a ɲini ka Jehova dusukunnataw dɔn ani ka u kodiya a ye.