Yesu y’a fɔ ko mɔgɔ kɔnɔnajɛlenw mana tiɲɛ ko mɛn dɔrɔn, u bɛna a dɔn ko nin de ye tiɲɛ ye. (Yuhana 10:​4, 27) O la, tuma o tuma ni an bɛ kuma mɔgɔw fɛ, an bɛ Bibulu tiɲɛ kuma nɔgɔnmanw fɔ u ye. A ɲini ka kuma tiɲɛ kuma dɔ kan i kɛtɔ ka nin ɲininkali kɛ: “Yala i tun b’a dɔn ko . . . ?” walima “Yala i delila k’a mɛn ko . . . ?” O kɔ, tɛmɛsira(w) min bɛ o ɲininkali jaabi, baara kɛ ni o ye ka o tiɲɛ kuma ɲɛfɔ. Ka Bibulu tiɲɛ kuma nɔgɔnman kelenpe fɔ mɔgɔ ye, o bɛ se ka kisɛ dan a tigi dusukun na, wa Ala bɛ se ka o kisɛ falen!—1 Kɔrɛntekaw 3:​6, 7.

•  Siniɲɛsigi

•  Denbaya

•  Ala

•  Delili

•  Yesu

•  Ala ka Masaya

•  Tɔɔrɔw

•  Saya

•  Diinɛ

 SINIƝƐSIGI

1. 1. Ko minnu bɛ ka kɛ sisan ani mɔgɔw ka kɛwalew, olu b’a jira ko, kow bɛna yɛlɛma sɔɔni.—Matiyu 24:​3, 7, 8; Luka 21:​10, 11; 2 Timote 3:​1-5.

2. 2. Dugulolo tɛna halaki abada. —Zaburu 104:5; Waajulikɛla 1:4.

3. 3. Dugukolo lamini bɛɛ bɛna dilan ka kɛ kura ye.—Esayi 35:​1, 2; Jirali 11:18.

4. 4. Mɔgɔw bɛɛ bɛna kɛnɛya dafalen sɔrɔ.—Esayi 33:24; 35:​5, 6.

5. 5. I bɛ se ka ɲɛnamaya kɛ fo badaa dugukolo kan.—Zaburu 37:29; Matiyu 5:5.

 DENBAYA

1. 6. Furucɛ ka kan ka a ‘muso kanu i ko a yɛrɛ kun.’—Efesekaw 5:33; Kolosekaw 3:19.

2. 7. Furumuso ka kan ka a cɛ bonya kosɛbɛ.—Efesekaw 5:33; Kolosekaw 3:18.

3. 8. Furucɛ ni a muso ka kan ka tilen ɲɔgɔn ye.—Malaki 2:16; Matiyu 19:​4-6, 9; Heburuw 13:4.

4. 9. Denmisɛn minnu bɛ u bangebagaw bonya ani ka u kan minɛ, olu ka kow bɛ ɲɛ.—Ntalenw 1:​8, 9; Efesekaw 6:​1-3.

 ALA

1. 10. Tɔgɔ bɛ Ala la.—Zaburu 83:19; Jeremi 10:10.

2. 11. Ala bɛ kuma an fɛ.—2 Timote 3:​16, 17; 2 Piɛrɛ 1:​20, 21.

3. 12. Ala tilennen don, wa a tɛ mɔgɔ bɔ mɔgɔ la.—Dutɛrɔnɔmɛ 10:17; Kɛwalew 10:​34, 35.

4. 13. Ala b’a fɛ ka an dɛmɛ.​—Zaburuw 46:2; 145:18, 19.

  DELILI

1. 14. Ala b’a fɛ an ka a deli.—Zaburuw 62:9; 65:3; 1 Piɛrɛ 5:7.

2. 15. Bibulu bɛ an dege delili kɛcogo la.—Matiyu 6:​7-13; Luka 11:​1-4.

3. 16. An ka kan ka delili kɛ tuma bɛɛ.—Matiyu 7:​7, 8; 1 Tesalonikekaw 5:17.

 YESU

1. 17. Yesu kɛra karamɔgɔba ye, wa a ka laadilikanw bɛ mɔgɔw nafa hali bi.—Matiyu 6:​14, 15, 34; 7:12.

2. 18. An ɲɛ bɛ ko minnu na bi, Yesu tun kɔnna ka olu kofɔ.—Matiyu 24:​3, 7, 8, 14; Luka 21:​10, 11.

3. 19. Yesu ye Ala Denkɛ de ye. —Matiyu 16:16; Yuhana 3:16; 1 Yuhana 4:15.

4. 20. Sebaayabɛɛtigi Ala, Yesu tɛ o ye.—Yuhana 14:28; 1 Kɔrɛntekaw 11:3.

 ALA KA MASAYA

1. 21. Ala ka Masaya ye gofɛrɛnɛman yɛrɛ-yɛrɛ de ye min bɛ sankolo la.—Daniɛl 2:44; 7:​13, 14; Matiyu 6:​9, 10; Jirali 11:15.

2. 22. Ala ka Masaya bɛna sigi Hadamadenw ka gofɛrɛnɛmanw nɔ na.—Zaburu 2:​7-9; Daniɛl 2:44.

3. 23. Ala ka Masaya kelenpe de ye Hadamadenw ka gɛlɛyaw fura ye.—Zaburuw 37:​10, 11; 46:10; Esayi 65:​21-23.

 TƆƆRƆW

1. 24. An ka tɔɔrɔw tɛ Ala nɔ ye. —Dutɛrɔnɔmɛ 32:4; Yakuba 1:13.

2. 25. Sitanɛ de bɛ ka nin diɲɛ mara.—Luka 4:​5, 6; 1 Yuhana 5:19.

3. 26. Ala ɲɛ b’a la ko i bɛ ka tɔɔrɔ ani a b’a fɛ ka i dɛmɛ.—Zaburu 34:​18-20; Esayi 41:​10, 13.

4. 27. Ala bɛna tɔɔrɔw ban sɔɔni.—Esayi 65:17; Jirali 21:​3, 4.

 SAYA

1. 28. Mɔgɔ salenw tɛ foyi kalama, wa u tɛ ka tɔɔrɔ.—Waajulikɛla 9:5; Yuhana 11:​11-14.

2. 29. Mɔgɔ salenw tɛ se ka an dɛmɛ, wa u tɛ se ka ko jugu kɛ an na. —Zaburu 146:4; Waajulikɛla 9:​6, 10.

3. 30. An diyanyemɔgɔ salenw bɛna lakunun.—Job 14:​13-15; Yuhana 5:​28, 29; Kɛwalew 24:15.

4. 31. “Saya tɛna kɛ tun”. —Jirali 21:​3, 4; Esayi 25:8.

 DIINƐ

1. 32. Diinɛw bɛɛ ko man di Ala ye.—Jeremi 7:11; Matiyu 7:​13, 14, 21-23.

2. 33. Ala bɛ filankafoya koniya.—Esayi 29:13; Mise 3:11; Marka 7:​6-8.

3. 34. Diinɛ lakika bɛ dɔn kanuya sɛbɛ de fɛ min bɛ a kɔnɔmɔgɔw ni ɲɔgɔn cɛ.—Mise 4:3; Yuhana 13:​34, 35.