Yesu ye min kɛ

Yesu ka misali bɛ an kalan mun de la?

2. An b’a jira ko an bɛ mɔgɔw kanu ni an bɛ an jija ka u dɛmɛ u ka kɛ kalandenw ye.

 Yesu ladege

3. Kalan kɛ waati la ani yɔrɔ la min bɛ bɛn i ka Bibulukalanden ma. Laala don kɛrɛnkɛrɛnnen dɔ bɛ se ka diya a ye dɔgɔkun kɔnɔ, walima lɛrɛ dɔ tile kɔnɔna na. Yala kalan bɛ se ka nɔgɔya a bolo n’a bɛ kɛ a ka baarakɛyɔrɔ la, a ka so kɔnɔ, walima forobayɔrɔ la wa? N’a bɛ se ka kɛ, i k’i ka kow bolodacogo yɛlɛma walisa i ka se ka a tigi ka kalan kɛ waati la ani yɔrɔ la min bɛ bɛn a ma.

4. To ka kalan kɛ a tigi kun tuma bɛɛ. Ni i tɛ kɛ yen don min na, i kana o don kalan bɔ a ma. Nka i ka nin ko ninnu jateminɛ:

1.    Yala i bɛ se ka o kalan kɛ waati wɛrɛ la o dɔgɔkun kelen kɔnɔ wa?

2.   Yala i bɛ se ka o kalan ɲɛminɛ telefɔni walima wideyokɔnferansi fɛ wa?

3.   Yala i bɛ se k’a ɲini weleweledala wɛrɛ fɛ o ka o kalan ɲɛminɛ wa?

5. Delili kɛ walisa ka hakilina ɲuman sɔrɔ. Jehova deli a ka i dɛmɛ i kana i ka Bibulukalanden bila hali n’a tɛ kalan kɛ tuma bɛɛ, walima n’a ka suma a ka fɛn kalantaw waleyali fɛ. (Filipekaw 2:13) A bɛ se ka kɛ ko jogo ɲuman caman bɛ i ka kalanden na. Jehova deli a ka i dɛmɛ i ka se ka i sinsin o jogow kan.