Fɛn o fɛn, an bɛ baaraba kɛ ka minnu sɔrɔ walasa ka se ka Jehova bato kosɛbɛ ani ka a nisɔndiya, olu sen bɛ alako kuntilennaw la. Olu bɛ an dɛmɛ ka kɛ krecɛn kɔgɔlenw ye alako ta fan fɛ, wa a ka kan an k’an ka waati ani an ka fanga saraka u kosɔn. (1 Timote 4:15) Mun na an ka kan ka to ka an ka kuntilennaw sɛgɛsɛgɛ tuma bɛɛ? An ka kan ka to ka o kɛ bawo kow cogoya bɛ yɛlɛma. A bɛ se ka kɛ ko kuntilenna min tun bɛ an na, o bɛnnen tɛ tuguni walima ko an ye kuntilenna min sigi an ye o dafa ka ban ani ko an bɛ se ka kuntilenna wɛrɛ sigi.

Waatinin ka kɔn san kura ɲɛ, o de ye waati ye min na an ka kan ka an ka kuntilenaw sɛgɛsɛgɛ. Aw bɛ se ka kuma kuntilenaw kan aw ka denbaya ka Alabato kɔnɔna na ani ka dɔw sigi aw kelen-kelen ye ani aw ka denbaya ye.

I ka kuntilenna jɔnjɔnw ye jumɛnw ye nin ko ninnu na ani i b’a boloda ka mun ni mun de kɛ walisa ka o kuntilennaw dafa?