AN KA ƝƐNAMAYA KƐ IKO KRECƐNW
An ka Jehova ka kanuya kantigima ladege
Jehova bɛ kanuya kantigima misali bɛɛ la ɲuman di. (Zaburu 103:11) O kanuya tɛ fɛn ye mɔgɔ bɛ sama min nɔfɛ waatinin kɔnɔ dɔrɔn, wa o tɛ kanuya ye min basigilen tɛ. Kanuya kantigima ye kanuya ye min bɛ nɔrɔ fɛn dɔ la kosɛbɛ ani ka o kɛ tuma bɛɛ. Jehova ye o jogo waleya ka ɲɛsin a ka jamakulu Israɛlkaw ma sira caman fɛ. A ye u hɔrɔnya ka bɔ jɔnya la Misira ani ka u ladon jamana layidu talen na. (Zaburu 105:42-44) A ye kɛlɛ kɛ a ka mɔgɔw ye ani a yafara u ma siɲɛ caman tuma minnu na u ye jurumu kɛ. (Zaburu 107:19, 20) Ni an bɛ Jehova “ka ɲumaya” walima a ka kanuya kantigima jate, o bɛ dusu don an kɔnɔ an k’a ladege—Zaburu 107:43.
NIN WIDEYO LAJƐ: JEHOVA “KA ƝUMAYA” WALIMA A KA KANUYA KANTIGIMA JATE, O KƆ AW KA NIN ƝININKALI NINNU JAABI:
-
An bɛ se ka kanuya kantigima jira sira jumɛnw fɛ?
-
Mun na kanuya kantigima jirali tɛ taa sarakaw kɛli kɔ?
