Ka jɔniw kunbɛn ka ɲɛ? Mɔgɔ o mɔgɔ bɛ na an ka krecɛn lajɛ la k’a ta mɔgɔ kuraw la fo ka taa se an teriw ma minu bɛna kɔrɔlen. (Romɛkaw 15:7; Heburuw 13:2) O bɛ se ka kɛ Jehova Seere wɛrɛ ye min bɔra jamana wɛrɛ la ka na, walima o bɛ se ka kɛ krecɛn farifagalen ye min nana lajɛ la nin y’a siɲɛ fɔlɔ ye kabini san caman. E k’i miiri i bɛna kɛ cogo min na o ko suguw kɔnɔna na. Yala ni an fora ka ɲɛ o tɛna diya an ye wa? (Matiyu 7:12) O la mun na an tɛ cɛsiriba kɛ ka yalayala Masaya So kɔnɔ ka taa mɔgɔ wɛrɛw fo sani lajɛ ka daminɛ ani ni lajɛ banna? O b’a to yɔrɔ kɛcogoya bɛ ɲɛ ani a bɛ kɛ yɔrɔ ye kanuya bɛ yɔrɔ min na wa o bɛ bonya lase Jehova ma. (Matiyu 5:16) Tiɲɛ don, an tɛna se ka kuma bɛɛ kelen kelen fɛ lajɛ bɛɛ la. Nka bɛɛ bɛna kunbɛn ka ɲɛ, ni bɛɛ bɛ i niyɔrɔ kɛ. *

Mɔgɔ ladon lakika o tɛ jira waati kɛrɛnkɛrɛnnen dɔrɔn na i n’a fɔ hakilijigin seli waati la nka o bɛ jira tuma bɛɛ. Ni mɔgɔ kuraw ye krecɛn kanuya ye walew fɛ, o bɛ se ka u bila u ka Ala tanu ani ka fara an kan bato lakika la.—Yuhana 13:35.