Gafenin min tɔgɔ ye ko Jɔni de bɛ Jehova sago kɛ bi? dabɔra kalan kama ni Bibulukalandenw ye Bibulukalan bɛɛ daminɛ na walima a laban na. * Kalansen 1 ka taa 4nan la, olu b’a to kalandenw ka an dɔn iko jamakulu, kalansen 5 ka taa 14nan la, olu bɛ u dɛmɛ u ka an ka baaraw dɔn wa an ka jɛkuluba bɛ a ka kow kɛ cogo min na kalansen 15 ka taa 28nan la bɛ a to u ka o dɔn. Tuma caman na a bɛ fisaya ka kalansenw kɛ ka tugu ɲɔgɔn kɔ fo n’a y’a sɔrɔ kalansen dɔ bɛ yen kɛrɛnkɛrɛnnenya la kalanden mago b’a la ka min dɔn joona. Kalansen bɛɛ kelen kelen bɛ bɛn fura ɲɛ kelen de ma wa baro bɛ se ka kɛ olu kan ni kalanden caman ye miniti duuru ka taa miniti tan na.

• Kalanden hakili lana ɲininkali kan, min ye kalansen barokun ye

• Aw ye kalansen kalan ɲɔgɔn fɛ, k’a ta a daminɛ na fo a laban na walima k’a kalan dakun ni dakun

• Aw ye fɛn min kalan, a’ye baro kɛ o kan. Baara kɛ ni ɲininkaliw ye minnu bɛ fura ɲɛ duguma ani ni jaw fana ye. Ka kɛɲɛ ni kow ye cogo ye, tɛmɛsiraw kalan minnu bɛ bɛn o ma ani ka baro kɛ olu kan. A jira ko dakun tɔgɔw bɛ kalansen ɲininkali jaabi

• Ni yɔrɔ koorilen bɛ yen min tɔgɔ ye ko “Dɔ fara i ka dɔnniya kan”, aw ye o kalan ɲɔgɔn fɛ ani dusu don kalanden kɔnɔ a ka tugu o yɔrɔ hakilina dilenw kɔ