AN KA ƝƐNAMAYA KƐ IKO KRECƐNW
Krecɛn lakikaw bɛ dɔn kanuya de fɛ—An ka ɲagali tiɲɛ de la
MUN NA O NAFA KA BON: Walasa ka Yesu ladege, an ka kan ka tiɲɛ seereya kɛ Ala sagonata ko la. (Yuhana 18:37) An fana ka kan ka ɲagali tiɲɛ de la, ka tiɲɛ fɔ, ani ko minnu ye tiɲɛ ye, ka miiri olu kow la hali k’a sɔrɔ an bɛ ka ɲɛnamaya kɛ diɲɛ kɔnɔ, min falen bɛ nkalon ni tilenbaliya ko la.—1 Kɔrɛntekaw 13:6; Filipekaw 4:8.
AN BƐ SE KA O KƐ COGO MIN NA:
-
An ka an jija kosɛbɛ walasa an kana an tulomajɔ mɔgɔw kɔrɔfɔli la wa an kana kuma kolon jɛnsɛn mɔgɔ kan.—1 Tesalonikekaw 4:11
-
An kana ɲagali mɔgɔ wɛrɛ ka bɔnɛ na
-
Ko ɲumanw ani ko minnu bɛ dusu don mɔgɔ kɔnɔ, an ka ɲagali olu ko la
WIDEYO MIN TƆGƆ YE KO ‘AW KA ƝƆGƆN KANU’—AN KANA ƝAGALI TILENBALIYA KO LA, NKA AN KA ƝAGALI TIƝƐ DE LA , O JIRA, O KƆ AW YE NIN ƝININKALI NINNU JAABI:
-
Debora ɲagali la tilenbaliya ko la cogo jumɛn na?
-
Alisi ye a ni Debora ka baro yɛlɛma k’a bila sira ɲuman kan cogo di?
-
An bɛ se ka kuma fɛn ɲuman minnu kan, olu dɔw ye jumɛnw ye?
Kana ɲagali tilenbaliya ko la, nka ɲagali tiɲɛ de la
