Yesu ye ci fɔ a nɔfɛmɔgɔw ye ko u ka taa ka u kɛ kalandenw ye. (Matiyu 28:19) Waajuli kɛli ani mɔgɔw kalanni sen bɛ o la. An bɛɛ ka kan ka to ka an yɛrɛw ɲininka tuma dɔw la ko: ‘Ne bɛ se ka caman kɛ kalanden-kɛli baara kɛcogoya nafama ninnu na cogo di?’

Sani an k’a to mɔgɔw ka na an ma, an ka kan ka cɛsiriw kɛ walasa ka ‘mɔgɔ sɛbɛw’ ɲini. (Matiyu 10:11) Ni an bɛ ka waajuli kɛ, yala an bɛ an janto cogoyaw la an bɛ minnu sɔrɔ walasa ka kuma ni mɔgɔw ye an “bɛ minnu kunbɛn” wa? (Kɛwalew 17:17) Ciden Paul ye waajuli kɛ ni cɛsiri ye, o sababu la Lidi kɛra kalanden ye.—Kɛwalew 16:13-15.

WIDEYO MIN TƆGƆ YE KO AN KA TAA A FƐ KA WAAJULI KƐ AN KANA A “DABILA”—SENFƐ SEEREYA ANI DU NI DU O JIRA, O KƆ AW YE NIN ƝININKALI NINNU JAABI:

• Samuɛl y’a jira cogo di ko a cɛsirilen don ka tiɲɛ kisɛ sɛnɛ a ka don o don baaraw senfɛ?

• Mun na an bɛ an timinandiya waajuli kɛcogo suguw bɛɛ la?

• I bɛ se ka Masaya cikan fɔ jɔni de ye i ka don o don baaraw senfɛ?

Walasa ka mɔgɔw kɛ kalandenw ye, an mankan ka dan dɔrɔn ka gafew di u ma. Walasa ka u dɛmɛ u ka taa ɲɛ alako ta fan fɛ, an ka kan ka to ka segin-ka-bɔnyew kɛ ani ka Bibulukalanw ɲɛminɛ. (1 Kɔrɛntekaw 3:6-9) Nka, n’a y’a sɔrɔ ko an bɛ ka cɛsiri minnu kɛ walasa ka mɔgɔ dɔ kalan Masaya tiɲɛ ko la tɛ ka nɔba bɔ dun? (Matiyu 13:19-22) An ka kan ka ta’a fɛ ka mɔgɔw ɲini minnu dusukun bɛ iko “dugukolo ɲuman”.—(Matiyu 13:23; Kɛwalew 13:48)

WIDEYO MIN TƆGƆ YE KO AN KA TAA A FƐ KA WAAJULI KƐ AN KANA A “DABILA”—FOROBAYƆRƆW LA ANI MƆGƆW KƐ KALANDENW YE O JIRA, O KƆ AW YE NIN ƝININKALI NINNU JAABI:

• Solomon ni Mari ye tiɲɛ kisɛ sɔn cogo di Ezekiɛl ni Abigali dusukunw na?

• Waajuli kɛcogoyaw bɛɛ kɔnɔna na, ka fara forobayɔrɔw seereya kɛli kan, an kuntilenna ka kan ka kɛ mun ye?

• An bɛ se ka an jija kosɛbɛ ka mɔgɔ wɛrɛw kalan tiɲɛ ko la cogo di?