MUN NA O NAFA KA BON: Ni “hadamaden dusukun na miirili bɛ i ko ji dunba,” o la ɲininkaliw bɛ iko jurufilen ka u bɔ. (Ntalenw 20:5) Ɲininkaliw bɛ an dɛmɛ an ka an lamɛnbagaw sen don baro la. Ni an ye ɲininkali bɛnnenw kɛ, tuma caman na, mɔgɔw bɛ jaabi minnu di, olu bɛ hakilina ɲumanw di an ma baro kan. Yesu tun bɛ baara kɛ ni ɲininkaliw ye koɲuman. An bɛ se ka a ladege cogo jumɛn na?

AN BƐ SE KA O KƐ COGO MIN NA:

• An ka ɲininkaliw kɛ minnu bɛ mɔgɔw bila u ka u hakilinata di. Yesu ye ɲininkaliw kɛ walasa ka a ka kalandenw hakilinataw dɔn. (Matiyu 16:13-16; be 238 § 3-5) I bɛ se ka ɲininkali jumɛnw de kɛ, minnu bɛ mɔgɔ bila a k’a hakilinata di?

• An ka ɲininkaliw kɛ minnu bɛ mɔgɔw bila u ka u hakili jagabɔ. Walasa ka Piɛrɛ ka miiriliw latilen, Yesu ye ɲininkaliw kɛ ani ka jaabiw di minnu y’a to Piɛrɛ ye faamuyali kɛ. (Matiyu 17:24-26) I bɛ se ka ɲininkali jumɛnw de kɛ, minnu bɛ mɔgɔ bila a ka a hakili jagabɔ walasa ka faamuyali kɛ?

• An ka an lamɛnbagaw tanu. Sariya karamɔgɔ kɛlen kɔ ka “jaabili kɛ ni hakilitigiya ye”, Yesu ye a tanu. (Marka 12:34) Ni mɔgɔ ye ɲininkali jaabi, i bɛ se ka o tigi tanu cogo di?

WIDEYO MIN TƆGƆ YE KO BAARA KƐ IKO YESU Y’A KƐ COGO MIN NA—MƆGƆW KALAN, O YƆRƆ FƆLƆ JIRA, O KƆ AW YE NIN ƝININKALI NINNU JAABI:

• Mun na ɲɛjirali in ye kalankɛcogo kolon ye hali k’a sɔrɔ kuma minnu fɔra olu ye tiɲɛ ye?

• Mun na an mankan ka an ta kɛ ɲɛfɔliw kɛli ye dɔrɔn?

WIDEYO YƆRƆ FILANAN JIRA, O KƆ AW YE NIN ƝININKALI NINNU JAABI:

• Balimakɛ ye baara kɛ ni ɲininkaliw ye koɲuman cogo jumɛn na?

• An bɛ se ka fɛn wɛrɛ jumɛnw de ladege nin kalankɛcogo in na?