Cɛ min tun b’a fɛ ka a muso furu sa, Musa ka sariya tun b’a ɲini o fɛ, o ka furu sa sɛbɛn dilan ka kɛɲɛ ni sariya ye. O tun bɛ mɔgɔw bali u ka u furu sa joona. O bɛɛ n’a ta, Yesu ka waati la, diinɛ ɲɛmɔgɔw tun b’a kɛ cogo la walasa furu ka se ka sa joona. Cɛw tun bɛ se ka u musow furu sa sababu bɛɛ la. (note d’étude « attestation de renvoi » de Mc 10:4, nwtsty; notes d’étude « divorce de sa femme », « se rend coupable d’adultère envers elle » de Mc 10:11, nwtsty) Yesu ye mɔgɔw hakili jigin ko Jehova de ye furu yamaruya ani k’a sigi. (Marka 10:2-12) Cɛ ni a muso tun ka kan ka “kɛ farisogo kelen ye” ka to jɛ la kudayi. Furu sa sababu sinsinnen bɛ tɛmɛsira kelen min kan ka kɛɲɛ ni Matiyu ka sɛbɛn ye, o ye “jatɔya sababu” de ye.—Matiyu 19:9.

Bi, mɔgɔ caman tɛ furu ye iko Yesu y’a ye cogo min na, nka u b’a ye iko Farisiɛnw ka yecogo. Ni gɛlɛyaw nana, diɲɛ mɔgɔw bɛ teliya ka u ka furu sa. Olu danfara la, krecɛn furuɲɔgɔnmaw ye layidu minnu ta ɲɔgɔn ye furu ko la, olu bɛ o layiduw ta sɛbɛ la ani k’a ɲini ka se sɔrɔ gɛlɛyaw kan u kɛtɔ ka Bibulu sariyakolow waleya. Wideyo min tɔgɔ ye ko, L’amour et le respect unissent les familles lajɛli kɔ, aw ka nin ɲininkali ninnu jaabi:

• Aw bɛ se ka Ntalenw 15:1 waleya cogo di aw ka furu kɔnɔ, ani mun na o nafa ka bon?

• Aw bɛ se ka aw tanga gɛlɛyaw ma cogo di ni aw bɛ Ntalenw 19:11 waleya?

• Ni aw ka furu bɛ ɲini ka tiɲɛ, sani i k’a miiri ko, ‘yala ne ka kan ka n’ka furu sa wa?’ i ka kan ka i hakili jagabɔ ɲininkali jumɛnw de kan?

• I bɛ se ka kɛ furucɛ ɲuman walima furumuso ɲuman ye cogo jumɛn na ni i bɛ Matiyu 7:12 Waleya?