9:1-7

E k’i miiri k’a filɛ Yesu tun bɛ se ka kɛ cogo min na, tuma min na a sankolola Fa y’a fɔ ko, a ko ka di a ye haali, o min kɛra yelifɛn dɔ la min na Yesu cogo yɛlɛmana. Siga t’a la ko o ye Yesu barika bonya ka ɲɛsin tɔɔrɔw ma minnu tun bɛna a sɔrɔ. O yelifɛn in fana ye nɔba bila Piɛrɛ, Yakuba ani Yuhana la. O yelifɛn in y’a to u dara a la kosɛbɛ ko Yesu de ye Masiya ye tiɲɛ yɛrɛ la, wa ko u tun jo don ka a lamɛn. San 32 ɲɔgɔn o kɔ, Piɛrɛ taara a fɛ k’a hakili jigin o ko la, ani cogo min na o ye a ka dannaya kologɛlɛya ka ɲɛsin “kiraw ka kuma” ma.—2 Piɛrɛ 1:16-19.

Hali n’a y’a sɔrɔ ko anw ma nin yelifɛn kabakoma in ye, an kɔni bɛ ka a tiimɛtɔ ye. Yesu bɛ ka maara kɛ i n’a fɔ Masakɛ setigiba. Sɔɔni, “a na se sɔrɔ”, o min bɛna diɲɛ kura tilennen sɔrɔli sira dayɛlɛ.—Jirali 6:2.

I ka dannaya kologɛlɛyara cogo di, i kɛtɔ ka Bibulu kirayakumaw tiimɛtɔ ye?