MATIYU 25
ALA KA KUMA NAFOLOMAFƐNW |“A’ ye to aw ɲɛ na”
25:1-12
Hali k’a sɔrɔ Yesu ye npogotigi tan ka ntalen ɲɛsin a nɔfɛmɔgɔ munnenw ma, o bɛɛ n’a ta o ntalen in bɛ waleya krecɛnw bɛɛ kan. (w15 15/3 12-16) “O de la, a’ ye to aw ɲɛ na, k’a masɔrɔ aw tɛ o don ni o waati dɔn.” (Matiyu 25:13) Yala i bɛ se ka Yesu ka ntalen ɲɛfɔ wa?
-
Kɔɲɔcɛ (tilayɔrɔdennin 1)—Yesu
-
Npogotigi duuru hakiliman labɛnnenw (tilayɔrɔdennin 2)—Krecɛn munnenw minnu labɛnnen don walasa baara min dira u ma, u ka o kɛ ni kantigiya ye wa olu bɛ yeelen bɔ i ko lanpa bɛ yeelen bɔ cogo min na fo laban na (Filipekaw 2:15)
-
Pɛrɛnkanba: “Kɔɲɔcɛ nalen filɛ”. (tilayɔrɔdennin 6)—Yesu nali taamashyɛn
-
Npogotigi hakilintanw (tilayɔrɔdennin 8)—Krecɛn munnenw minnu taara kɔɲɔcɛ kunbɛn nka u ma to u ɲɛ na wa u ma to kantigiya la.
-
Npogotigi hakilimanw banna ka u ka tulu tila (tilayɔrɔdennin 9)—Taamashyɛn laban kɛlen kɔ, mɔgɔ o mɔgɔ min ma to kantigiya la, maa munnen kantigiw tɛna se ka o tigi dɛmɛ tuguni
-
“Kɔɲɔcɛ nana” (tilayɔrɔdennin 10)—Yesu bɛna kiri tigɛ ni tɔɔrɔba laban waati surunyara
-
Npogotigi hakilimanw donna kɔɲɔso kɔnɔ ni kɔɲɔcɛ ye, da sɔgɔra (tilayɔrɔdennin 10)—Yesu bɛ a ka maa munnen kantigiw lajɛ sankolo la, nka maa munnen minnu ma to kantigiya la, olu bɛ bɔnɛ u ka sankolola sara la