MUN NA O NAFA KA BON: Ni Bibulukalandenw bɛ u labɛn, o b’a to a bɛ nɔgɔya u bolo ka faamuyali sɔrɔ ani an bɛ ka u kalan min na u hakili ka to o la. Ni u ye faamuyaliba sɔrɔ ani ka u hakili to o la, u bɛ ɲɛtaa kɛ joona. Hali u ka batɛmu kɔfɛ, u mago b’a la ka to ka u labɛn lajɛw ani forobaara kama walasa u ka ‘to u ɲɛ na’. (Matiyu 25:13) O de la, ni u ye kalan kɛcogo dɔn ani ka delinako ɲuman kɛ u la yɛrɛkalan kama, o bɛna u nafa u ka ɲɛnamaya kɔnɔna na. Kabini a daminɛ na, an ka kan ka an ka Bibulukalandenw dɛmɛ, u k’u ka Bibulukalan labɛnni kɛ u delinako ye.

AN BƐ SE KA O KƐ COGO MIN NA:

• Kɛ misali ɲuman ye. (Romɛkaw 2:21) I ka Bibulukalandenw bɛɛ kelen kelen ka kow to i hakili la, tuma min na i bɛ ka u ka Bibulukalan labɛn kɛ. (km 11/15 3) I ye labɛn min kɛ i ka gafe kɔnɔ ka tiriw ci sɛbɛnniw kɔrɔ, i k’a to u ka o ye

• Dusu don a kɔnɔ a ka to k’a labɛn. Ni kalan sigira sen kan dɔrɔn, a jira a tigi la ko labɛn sen bɛ Bibulukalan na, ani o bɛ nafa minnu lase a ma, o ɲɛfɔ a ye. A bɛ se ka waati kunmabɔ cogo min na walasa ka to k’a labɛn, o hakilinaw di a ma. Dɔw b’a to kalanden ka baara kɛ siɲɛ kelen ni u ka gafe ye, u ye labɛn kɛ min kɔnɔ ka tiriw ci sɛbɛnniw kɔrɔ, walasa ka kalanden dɛmɛ a ka labɛn nafa dɔn. Ni a ye a labɛn, i k’a tanu o la

• Labɛn kɛcogo jira a la. Kabini u ka kalan fɔlɔ sen fɛ, ka u to o kalan na, dɔw bɛ kalansen labɛn kɛcogo jira u ka kalandenw na