Yesu sera ka senfɛ seereya kɛ Samarika muso dɔ ye, ka d’a kan a ye kuma daminɛ ni baro ye. An bɛ se ka an seko bɛɛ kɛ cogo di walasa ka baro daminɛ ni mɔgɔw ye an tɛ minnu dɔn?

• An ka kuma mɔgɔw fɛ ni teriya sira ye. Hali k’a sɔrɔ Yesu tun sɛgɛnnen don, a ye baro daminɛ ni ji minta ɲinini dɔrɔn ye fɔlɔ. Baro daminɛ na, an bɛ se ka foli kɛ ni nisɔndiya ye, o kɔfɛ, laala an bɛ se ka kuma waati kɛcogoya, walima ko dɔ kan min kɛra kɔsa in na. An k’a to an hakili la ko an ka kuntilenna fɔlɔ ye ka baro daminɛ, o la barokun fɛn o fɛn bɛ se ka diya a tigi ye, an ka kuma o kan. Hali ni a tigi ma sɔn, o tɛ baasi ye. An k’a ɲini ka kuma mɔgɔ wɛrɛ fɛ. An ka jagɛlɛya ɲini Jehova fɛ.—Nehemi 2:4; Kɛwalew 4:29.

• An ka cogoya bɛɛ ɲini walasa ka kibaru duman fɔ, an kana kɔrɔtɔ kojugu. An k’a kɛ iko an bɛ baro la a tigi fɛ. Ni an ye kow jagoya, o bɛ se ka a tigi degun, walima ka a tigi bila ka baro jɔ. Hali ni baro jɔra k’a sɔrɔ an ma se ka seereya di, o kana an dusu kasi. Ka kuma daminɛ ni kibaru duman fɔli ye, ni o bɛ an lasiran, an bɛ se k’a ɲini ka baro dɔ daminɛ ten k’a sɔrɔ an ma an kuntilenna kɛ seereya dili ye. [Wideyo 1 jira ani aw ka baro kɛ o kan.]

• An ka cogoya ɲini ka seereya di an kɛtɔ ka fɛn dɔ fɔ ni kɔnɔnajɛya ye an ka dannaya ko la, min bɛ se ka an lamɛnbaga bila a ka ɲininkali dɔ kɛ. Yesu ye kuma dɔw fɔ minnu ye muso bila a ka ɲininkaliw kɛ. A kɛlen ka kibaru duman fɔli daminɛ, a tora ka muso ka ɲininkaliw de jaabi. [Wideyo 2nan jira ani aw ka baro kɛ o kan, o kɔ wideyo 3nan jira ani aw ka baro kɛ o kan.]