Yesu ye a ka ɲɛnamaya saraka mɔgɔ dafabaliw ye. (Romɛkaw 5:8) Yesu ye a ka kanuya jirali min kɛ an na, a kɛtɔ ka a ka ɲɛnamaya di an kosɔn siga t’a la ko o diyara an bɛɛ kelen kelen ye. Nka tuma dɔw la, a ka ɲi an ka an hakili jigin a la ko Krisita sara an balima fana ye. An bɛ se ka Krisita ka kanuya ɲɔgɔn jira cogo di an balimakɛw ni an balimamusow la, olu minnu fana ye mɔgɔ dafabaliw ye iko anw? An ka o kɛcogo saba lajɛ. Fɔlɔ, an bɛ se ka teriya don an ni mɔgɔ wɛrɛw cɛ, hali ka mɔgɔw sen don o la, minnu ni an tɛ bɔ yɔrɔ kelen na. (Romɛkaw 15:7; 2 Kɔrɛntekaw 6:12, 13) Filanan, an bɛ se ka an jija kosɛbɛ walasa an kana fɛnw fɔ walima ka fɛnw kɛ minnu bɛ se ka don mɔgɔ wɛrɛw gasi la. (Romɛkaw 14:13-15) A laban, ni mɔgɔ dɔ ye an hakɛ ta, an bɛ se ka yafa o tigi ma joona. (Luka 17:3, 4; 23:34) Ni an bɛ an jija kosɛbɛ ka Yesu ladege nin kɛcogo ninnu na, Jehova bɛna taa a fɛ ka duba jɛkulu ye a kɛtɔ ka hɛrɛ ani kelenya to a kɔnɔ.

WIDEYO LAJƐ MIN TƆGƆ YE KO DEVENEZ PLUS BEAUX ! (o kɔrɔ ye ko: Aw ka cɛ ɲɛ ka taa a fɛ), O KƆ AW YE NIN ƝININKALI NINNU JAABI:

• Miki ye mun de miiri a ka jɛkulu ko la a daminɛ na?

• Mun de y’a to a ka miirinaw yɛlɛmana?

• Yesu ka misali ye Miki dɛmɛ cogo di k’a ka miirinaw yɛlɛma? (Marka 14:38)

• Ntalenw 19:11 bɛ se ka an dɛmɛ cogo di walasa an ka an krecɛnɲɔgɔnw ye cogo ɲuman na?