MUN NA O NAFA KA BON: Karamɔgɔba Jehova bɛ kalanw bɛɛ la ɲuman de di an ma. An bɛ se ka an ka ɲɛnamaya kɛcogo ɲɛ ka ta’a fɛ cogo min na, a bɛ an kalan o la wa a bɛ an labɛn siniɲɛsigi ɲumanba kama. An tɛ fosi sara walasa ka o kalan sɔrɔ! (Esayi 11:6-9; 30:20, 21; Jirali 22:17) Jehova ka kalan sababu fɛ a bɛ an labɛn fana walasa cikan min bɛ mɔgɔ kisi an ka o cikan fɔ mɔgɔ wɛrɛw ye.—2 Kɔrɛntekaw 3:5.

AN BƐ SE KA O KƐ COGO MIN NA:

• Aw ka majiginlenya ni sabali jogow sɛnɛ aw yɛrɛ la.—Zaburu 25:8, 9

• Jehova bɛ ka kalan fɛn o fɛn di aw ma kabini sisan, aw ka nafa bɔ olu la, misali la, barokun minnu bɛ di kalandenw ma dɔgɔkun kɔnɔ lajɛ la, aw ka sɔn ka olu kɛ

• A’ye alako kuntilennaw sigi aw yɛrɛ ye.—Filipekaw 3:13

• Aw ka kan ka fɛn minnu kɛ walasa ka kalan wɛrɛw sɔrɔ aw k’aw jija kosɛbɛ ka o fɛnw kɛ.—Filipekaw 3:8

WIDEYO LAJƐ MIN TƆGƆ YE KO ENRICHIS SPIRITUELLEMENT GRÂCE À L’ENSEIGNEMENT DE JÉHOVAH (o kɔrɔ ye ko: Kɛ fɛntigi ye alako ta fan fɛ Jehova ka kalan sababu la), O KƆ AW KA NIN ƝININKALI NINNU JAABI:

• Weleweledala dɔw ye se sɔrɔ gɛlɛya jumɛnw kan walasa ka se ka taa Masaya Kibaru duman fɔbagaw ka lakɔli la?

• Kalan jumɛn de bɛ sɔrɔ Masaya Kibaru duman fɔbagaw ka lakɔli la?

• O lakɔli kɛlen kɔ, o lakɔliden minnu bilara ka taa yɔrɔ wɛrɛw la, o yɔrɔ jɛkulu kɔnɔmɔgɔw ye olu dɛmɛ cogo di?

• Walasa aw ka se ka taa Masaya Kibaru duman fɔbagaw ka lakɔli la, fɛn jumɛnw de ɲininen bɛ aw fɛ? (kr 189)

• I bɛ se k’a ɲini ka kalan wɛrɛ jumɛn de kɛ Jehova ka jɛkuluba kɔnɔ?