Tuma caman, tariku kɔnɔna na, nin diɲɛ faamaw ye Jehova ka mɔgɔw dɛmɛ. (Esdrasi 6:1-12; Esiteri 8:10-13) Hali bi fana, an b’a ye ko dugukolo, o min ye nin diɲɛ sigicogo ko dɔw bisigi ye, olu dɔw, minnu ka kow ka nɔgɔn, olu bɛ kɔrɔbli “ji min”, “dragon”, Sitanɛ Sendonbaga bɛ o kɔrɔbɔli minnu lase an ma. (Jirali 12:16) Jehova, “an kisibaa Ala”, bɛ se ka diɲɛ kuntigiw bila tuma dɔw la u ka lafiya di a ka mɔgɔw ma.—Zaburu 68:21; Ntalenw 21:1.

Nka, ni i bilara kaso la i ka dannaya kosɔn dun? Jehova bɛ a janto i la, kana siga o la abada. (Jenɛse 39:21-23; Zaburu 105:17-20) Da a la ko Jehova bɛna duba i ye i ka dannaya kosɔn ani ko i ka kantigiya bɛ dusu don i balimaw kɔnɔ minnu bɛ diɲɛ fan bɛɛ.—Filipekaw 1:12-14; Jirali 2:10.

WIDEYO LAJƐ MIN TƆGƆ YE KO NOS FRÈRES CORÉENS : LIBÉRÉS DE PRISON (o kɔrɔ ye ko: An balimakɛ minnu bɛ Kore, olu bilara ka bɔ kaso la), O KƆ AW KA NIN ƝININKALI NINNU JAABI:

• Mun na sanw kɔnɔna na, an balimakɛ waa caman bilara kaso la Kore du sud?

• Kiritigɛso ka latigɛli jumɛnw de kɛra sababu ye an balimakɛ dɔw kɔnna ka bila ka bɔ kaso la k’a sɔrɔ u bila tuma ma se?

• An balima minnu bilara kaso la sisan u ka dannaya kosɔn diɲɛ fan bɛɛ, an bɛ se ka olu dɛmɛ cogo di?

• Yɛrɛmahɔrɔnya sugu o sugu bɛ an bolo sisan, an ka kan ka mun kɛ ni o ye?

• An bɛ se minnu sɔrɔ kiritigɛsow bɛɛ kɔnɔ, olu bɛɛ nɔɔrɔ ka kan ka da jɔni de kan?