Kabini waati jumɛn aw bɛ ka Ala ka Masaya makɔnɔ? Yala aw ye makɔnɔni kɛ ni muɲuli ye hali gɛlɛyaw kɔnɔna na wa? (Romɛkaw 8:25) U ye krecɛn dɔw koniya, ka u nimatɔɔrɔ, ka u bila kaso la walima yɛrɛ ka u bagabaga ko u bɛ u faga. Dɔ wɛrɛw bɛ ka kɔrɔbɔli sugu wɛrɛw kɛlɛ i n’a fɔ bana kuntagalajan walima kɔrɔya.

Mun de bɛna an dɛmɛ ka makɔnɔni kɛ ni muɲuli ye kɔrɔbɔli sugu o sugu kɔnɔ? An ka kan ka an ka dannaya barika bonya an kɛtɔ ka Bibulu kalan don o don ani ka an hakili jagabɔ kosɛbɛ an ka fɛn kalanta kan. An ka kan ka an sinsin an ka jigiya kan. (2 Kɔrɛntekaw 4:16-18; Heburuw 12:2) An ka kan ka delili ni delilibaw kɛ, ka Jehova sɛbɛkɔrɔ deli a k’a ka hakili senu di an ma. (Luka 11:10, 13; Heburuw 5:7) An Fa kanuman bɛ se k’an dɛmɛ an “sabatilen ka to muɲuli la.”—Kolosekaw 1:11.

WIDEYO LAJƐ MIN TƆGƆ YE KO AN KA KAN KA “BOLI NI JIJALI YE”—AN KA AN JIGI DA A KAN KO AN BƐNA BOLI SARA SƆRƆ, O KƆ AW KA NIN ƝININKALI NINNU JAABI:

• Ko cunnen jumɛnw de bɛ se ka an sɔrɔ? (Waajulikɛla 9:11)

• Delili bɛ se ka an dɛmɛ cogo di ni an bɛ kɔrɔbɔliw la?

• Ni an tɛ se ka caman kɛ Jehova ka baara la bilen iko an tun b’a kɛ cogo min na kɔrɔlen, mun na an ka kan ka an sinsin kow kan an bɛ se ka minnu kɛ halisa?

• Mun de bɛ aw dɛmɛ aw dalen ka to a la ko aw bɛna boli sara sɔrɔ?