AN KA ƝƐNAMAYA KƐ IKO KRECƐNW
An ka an seko bɛɛ kɛ forobaara la—An kɛtɔ ka Bibulukalanden minnu tɛ ɲɛtaa kɛ ka kalan jɔ
MUN NA O NAFA KA BON: Mɔgɔw ka kan ka Jehova tɔgɔ wele walasa u ka kisi. (Romɛkaw 10:13, 14) O bɛɛ n’a ta, minnu sɔnna ka Bibulukalan kɛ, olu bɛɛ tɛ mɔgɔw ye minnu b’a fɛ ka u ka ɲɛnamaya kɛ ka kɛɲɛ ni Jehova ka sariyakolow ye. Waati min bɛ an bolo o nafa ka bon, o la an bɛ baara kɛ koɲuman ni o waati ye waajuli la an kɛtɔ ka mɔgɔw dɛmɛ minnu b’a fɛ tiɲɛna ka yɛlɛmaw kɛ walasa ka u kodiya Jehova ye. Ni Bibulukalanden tɛ ka ɲɛtaa ɲɛnamaw kɛ waati bɛrɛ bɛrɛbɛnnen kɔnɔ, a bɛ kɛ hakilitigiyako ye ka o tigi ka kalan jɔ ani ka o waati kɛ ka mɔgɔw dɛmɛ Jehova bɛ ka minnu sama ka na a yɛrɛ ani a ka jɛkuluba ma. (Yuhana 6:44) Nka tagalen ɲɛ, ni a tigi tilara ka yɛlɛmaw kɛ minnu b’a jira ko hakilina min ka kan ka kɛ mɔgɔ la walasa a ka “ɲɛnamaya banbali” sɔrɔ, ko o hakilina bɛ a la, an bɛ segin ka Bibulukalan kɛ a kun ni nisɔndiya ye.—Kɛwalew 13:48.
AN BƐ SE KA O KƐ COGO MIN NA:
-
Bibulukalanden b’a fɛ ka dɔnniya lakika sɔrɔ minkɛ, a tanu o la.—1 Timote 2:4
-
A ye fɛn min kalan, nafa min bɛ o waleyali la, i sinsin o kan.—Luka 6:46-49
-
Yesu ye serilikɛla ko ntalen min fɔ, baro kɛ ni a ye koɲuman o kan. A ɲini a fɛ a k’a hakili jagabɔ k’a lajɛ fɛn min bɛ k’a bali a ka fɛn kalanta waleyali la.—Matiyu 13:18-23
-
A ɲɛfɔ a ye ni hakilitigiya ye kun min na i bɛ a ka kalan jɔ
-
A jira a la ko i bɛna to ka na bɔ a ye tuma ni tuma walasa ka dusu don a kɔnɔ. Ani ko tagalen ɲɛ, ni a ye yɛlɛmaw kɛ, i bɛ segin ka Bibulukalan kɛ a kun
WIDEYO LAJƐ, O KƆ AW KA NIN ƝININKALI NINNU JAABI:
-
Baro in kɔnɔna na, mun de b’a jira ko Bibulukalanden tun tɛ ka ɲɛtaa kɛ alako ta fan fɛ?
-
Weleweledala ye Bibulukalanden dɛmɛ cogo di a k’a faamu ko a ka kan ka yɛlɛmaw kɛ?
-
Weleweledala y’a jira cogo di Bibulukalanden na ko a bɛ se ka segin ka Bibulukalan kɛ a kun don nataw la?