Ni aw bɛ filɛru kulɛrimanw ani sankolo falen dolow la lajɛ walima ka ji jigintɔ ni barika ye fana lajɛ, yala aw bɛ aw dabaga ka baara nɔ ye o sen fɛ wa? Fɛn danen minnu bɛ an lamini, olu bɛ Jehova ka ko yebaliw jira ka lasaa. (Romɛkaw 1:20) Ni an ye an jɔ dɔɔnin ka an hakili jagabɔ an ka fɛn yetaw kan, an na Ala ka sebaaya, a ka kanuya, a ka hakilitigiya ani a ka tilennenya ye ka fara a ka bololabila kan.—Zaburu 104:24.

Jehova ka fɛn danenw na, aw bɛ to ka a ka baara nɔ jumɛn de jateminɛ don o don? Hali ni aw bɛ duguba de kɔnɔ, aw bɛ se ka kɔnɔw walima jiriw ye. Ka Jehova ka fɛn danenw jateminɛ koɲuman, o bɛ se ka an dɛmɛ ka dɔ bɔ an ka jɔrɔnankow la, o b’a to an tɛ an sinsin an ka gɛlɛyaw kan ani se min bɛ Jehova ye k’a janto an na badaa, o bɛ an ka dannaya bonya ka ɲɛsin o ma. (Matiyu 6:25-32) Ni denw bɛ aw bolo, a’ye u dɛmɛ u ka Jehova jogoɲumanbaw ye. Fɛn danen minnu bɛ an lamini, ni olu bɛ diya an ye ka ta’a fɛ, an bɛna gɛrɛ an dabaga la ka ta’a fɛ.—Zaburu 8:4, 5.

WIDEYO LAJƐ MIN TƆGƆ YE KO LES MERVEILLES DE LA CRÉATION RÉVÈLENT LA GLOIRE DE DIEU : LA LUMIÈRE ET LES COULEURS, O KƆ AW KA NIN ƝININKALI NINNU JAABI:

• Fɛn minnu bɛ fɛn danenw na ni olu bɛ wele ko pigments, olu bɛ an dɛmɛ cogo di an ka kulɛriw ye?

• Fɛn minnu b’a to kulɛriw bɛ falen falen an ɲɛ kɔrɔ ni a bɛ fɔ o ma ko iridescence, mun de b’a to o bɛ kɛ?

• Mun na an bɛ kulɛri suguya caman ye sankolo la?

• Kulɛriba minnu bɛ ye joona fɛn danenw na, aw ye olu jumɛnw de ye aw ka yɔrɔ la?

• Mun na an ka kan ka to ka waati ta ka fɛn danenw jateminɛ koɲuman?