Mun na an ka kan ka waati ta ni mɔgɔw ye minnu bɛ Jehova kanu? Katuguni an jɛɲɔgɔnw bɛ nɔ ɲuman walima nɔ jugu bila an na. (Ntalenw 13:20) Misali la, tuma min na masakɛ Joas tun bɛ to ka waati ta ni sarakalasebaa kuntigi Jehojada ye, a ‘ye ko ɲuman kɛ Jehova ɲɛ kɔrɔ’. (2 Tilew Kibaru 24:2) Jehojada salen kɔ, Joas ye Jehova bila k’a sababu kɛ jɛɲɔgɔn jugu ye.—2 Tilew Kibaru 24:17-19.

An san kɛmɛ fɔlɔ la, ciden Paul ye krecɛn jɛkulu sanga ni “soba” ye ani ka jɛkulu kɔnɔmɔgɔw sanga ni “minɛnw” ye, fɔ cogo wɛrɛ la so kɔnɔ minɛnw. An bɛ kɛ minɛnw ye minnu “bɛ kɛ bonyali kama” ni an tɛ jɛɲɔgɔnya don an ni mɔgɔ cɛ min bɛ ko jugu kɛ Jehova ɲɛ kɔrɔ, hali ni o tigi ye an ka denbaya kɔnɔmɔgɔ dɔ walima jɛkulu kɔnɔmɔgɔ dɔ ye. (2 Timote 2:20, 21) O la, minnu bɛ Jehova kanu ani ka dusu don an kɔnɔ an ka a bato, an ka ta’a fɛ ka teriya kɛ ni o mɔgɔw ye.

WIDEYO LAJƐ MIN TƆGƆ YE KO APPRENEZ À REJETER LES MAUVAISES COMPAGNIES, O KƆ AW KA NIN ƝININKALI NINNU JAABI:

• An bɛ se ka waati ta ni jɛɲɔgɔn juguw ye cogo di k’a sɔrɔ an ma bɔ a kalama yɛrɛ?

• Wideyo kɔnɔ, mun de ye krecɛn saba dɛmɛ u ka u sen bɔ jɛɲɔgɔn juguw sen na?

• Bibulu sariyakolo jumɛnw de bɛ se ka i dɛmɛ walasa i ka i jɛɲɔgɔnw sugandi ni hakilitigiya ye?