AN KA ƝƐNAMAYA KƐ IKO KRECƐNW

I ka ɲɛnajɛw sugandi ni hakilitigiya ye

A BILA A LA

Mun na an ka kan ka an ka ɲɛnajɛw sugandi ni hakilitigiya ye? Bawo ni an bɛ filimu lajɛta, dɔnkili lamɛnta, intɛrinɛti siti dɔ, gafe kalanta walima jeu vidéo sugandi, o sen fɛ, an bɛ ka fɛnw sugandi an b’a fɛ ka an hakili fa ni fɛn minnu ye. An ka sugandiliw bɛ nɔ bila an taamacogo la. Dusukasiko don k’a ye ko Jehova bɛ fɛn minnu haramu, olu sen bɛ ɲɛnajɛ caman na bi bi in na. (Zaburu 11:5; Galasikaw 5:19-21) O de kosɔn, Bibulu bɛ dusu don an kɔnɔ an ka ta’a fɛ ka miiri kow la minnu bɛ nɔɔrɔ da Jehova kan.—Filipekaw 4:8.

WIDEYO LAJƐ MIN TƆGƆ YE KO COMMENT BIEN CHOISIR NOS DIVERTISSEMENTS ? O KƆ AW KA NIN ƝININKALI NINNU JAABI:

Fɔlɔfɔlɔ Romɛ dugu la, Romɛkaw ka ɲɔgɔndan kɛlɛ dɔw bɔlen bɛ sisan ɲɛnajɛ dɔw fɛ sira jumɛnw fɛ?
Jɛkulu kɔnɔmɔgɔw bɛ se ka denmisɛnw dɛmɛ cogo di u ka ɲɛnajɛw sugandi ni hakilitigiya ye?
Romɛkaw 12:9 ka kan ka nɔ bila an ka ɲɛnajɛw sugandili la cogo di?
Ɲɛnajɛ ɲuman minnu bɛ aw ka yɔrɔ la, olu dɔw ye jumɛnw ye?

I BƐNA ƝƐNAJƐ JUMƐNW DE SUGANDI, MINNU NA I BƐ WALE KƐ WALIMA MINNU NA I TƐ WALE KƐ?

Ɲɛnajɛ minnu bɛ sanga la bi, sani olu ka mɔgɔ kalan a ka wale kɛ, u caman bɛ mɔgɔ kalan a kana wale kɛ. Filimuw, gafew ani tele porogaramuw, olu bɛ mɔgɔ wɛrɛ de ka baaraw jira, o tigi y’a hakili jagabɔ ka minnu kɛ, nka e yɛrɛ taw tɛ. Ɲɛnajɛ minnu na mɔgɔ tɛ wale kɛ, hali ni olu jɔyɔrɔ bɛ yen, mɔgɔ caman bolo ɲɛnajɛ minnu na mɔgɔ bɛ wale kɛ, olu de nafa ka bon kosɛbɛ. Misali la, a ka di dɔw ye ka fɔlisen dɔw kɛ walima ka desɛn kɛ. Ɲɛnajɛ minnu tɛ kɛ so kɔnɔ, i n’a farikolo ɲɛnajɛ, walima ka taa yaala walima ka taa pikiniki la, olu kɛli de ka di dɔw ye. An mana ɲɛnajɛ sugu o sugu sugandi, an ka kow “bɛɛ kɛ Ala bonyali kosɔn.”—1 Kɔrɛntekaw 10:31.

KRECƐNYA NI WAAJULIBAARA LAJƐ SƐBƐN