I bɛ jogo jumɛnw de ɲini i teri fɛ? A bɛ se ka kɛ ko i bɛ nafa don kantigiya, ɲumanya ani bololabila la. O jogow bɛɛ bɛ Jehova la. (Ekisode 34:6; Kɛwalew 14:17) A bɛ i lamɛn ni i bɛ k’a deli. A b’a bolo mɔɔnɔbɔ k’i dɛmɛ ni i mago b’o la tuma o tuma. (Zaburu 18:20, 36) A bɛ yafa i ma i ka filiw la. (1 Yuhana 1:9) I m’a dɔn ko Jehova ye teriw bɛɛ la ɲuman ye!

I bɛ se ka kɛ Jehova teri ye cogo di? A ɲini ka fɛn caman dɔn a kan i kɛtɔ ka a ka Kuma kalan. I kɔnɔna kow bɛɛ fɔ a ye. (Zaburuw 62:9; 142:3) Fɛn minnu nafa ka bon Jehova bolo, a jira ko i bɛ nafa don olu la, i n’a fɔ a Denkɛ, a ka Masaya ani a ka layiduw sini ko la. A ko fɔ mɔgɔ wɛrɛw ye. (Dutɛrɔnɔmɛ 32:3) Ni i ye teriya sɛbɛ don i ni Jehova cɛ, a bɛ kɛ i Teri ye fo badaa.—Zaburu 73:25, 26, 28.

WIDEYO LAJƐ MIN TƆGƆ YE KO, JEUNES, « GOÛTEZ ET VOYEZ QUE JÉHOVAH EST BON » (o kɔrɔ ye ko: Funankɛninw, ‘aw ka Jehova sifilɛ k’a dɔn ko a ka ɲi’), O KƆ AW KA NIN ƝININKALI NINNU JAABI:

• I bɛ se k’i labɛn cogo di yɛrɛbakundili ani batɛmu kama?

• Jɛkulu kɔnɔ, mɔgɔ wɛrɛw bɛ se k’i dɛmɛ cogo di ka baara kɛ Jehova ye?

• Waajulibaara bɛ se ka i ni Jehova cɛ jɛɲɔgɔnya barika bonya cogo di?

• Jehova ka baara sugu jumɛnw de bɛ i ɲɛ?

• Mun de ka di i ye Jehova ko la?