Yesu ye “Ala ka masaya Kibaru Duman fɔ”. (Luka 4:43) A fana ye mɔgɔw kalan u ka to ka delili kɛ o Masaya ko la. (Matiyu 6:9, 10) Nowanburukalo la, an bɛna cɛsiri kɛrɛnkɛrɛnnen kɛ walasa ka Ala ka Masaya kofɔ mɔgɔw ye. (Matiyu 24:14) I ka kow boloda cogo la, min bɛ kɛ sababu ye i ka se k’i sen don o kanpaɲi na kosɛbɛ. Tutigɛbaga farankanw bɛɛ bɛ se k’a sugandi ka lɛrɛ 30 walima lɛrɛ 50 kɛ o kalo la.

Tɛmɛsira minnu bɛ kuma Ala ka Masaya ko la, baro kɛ olu dɔ kan ni mɔgɔ caman ye aw ka waajulikɛyɔrɔ la, ni o bɛ se ka kɛ. Ni i bɛ tɛmɛsira sugandi, i hakili to i lamɛnbagaw ka diinɛw la. Ni dɔ y’a jira ko Kibaru Duman ka di a ye kabini ɲɔgɔnye fɔlɔ la, Tour de Garde min bɛ di jama ma foro kɔnɔ, No. 2 2020 di o tigi ma. O kɔ, kana bila ka suma kɛ segin-ka-bɔnyew kɛli la ani k’a ɲini ka Bibulukalan daminɛ ni Mɔgɔw kalanni baarakɛminɛnw dɔ la kelen ye. Yan ni sɔɔni dɔrɔn, Ala ka Masaya bɛna gofɛrɛnɛmanw bɛɛ tiɲɛ minnu bɛ ka a kɛlɛ. (Daniɛl 2:44; 1 Kɔrɛntekaw 15:24, 25) O la, an ye nin cogo kɛrɛnkɛrɛnnen min sɔrɔ, an ka nafaba bɔ o la walasa ka an ka kantigiya jira Jehova ni a ka Masaya la!