Ka mɔgɔ gɛn ka bɔ jɛkulu kɔnɔ, o bɛ jɛkulu lakana ani ka jurumukɛla nimisabaliw kolo. (1 Kɔrɛntekaw 5:6, 11) O kololi sugu min bɛ bɔ Jehova yɔrɔ, ni an bɛ o kɔkɔrɔdon, an bɛ an ka kanuya jira. O bɛ se ka kɛ tiɲɛ ye cogo di ni o gɛnni bɛ tɔɔrɔ lase mɔgɔw bɛɛ ma dusukun ta fan fɛ, ka fara a somɔgɔw kan ani komite mɔgɔw kan, minnu ye o kow ɲɛnabɔ?

Nka min nafa ka bon n’a bɛɛ ye, o ye ko, an bɛ kanuya jira ka ɲɛsin Jehova tɔgɔ saniyali ani a ka sariya ma senumaya ta fan fɛ. (1 Piɛrɛ 1:14-16) An fana bɛ kanuya jira mɔgɔ gennen la. Hali ni kololi gɛlɛn ye ɲɛnasisi ko ye, a bɛ se ka “tilennenya ko hɛrɛma kɛ”. (Heburuw 12:5, 6, 11.) Ni an bɛ jɛɲɔgɔnya don an ni mɔgɔ cɛ min gɛnna walima min y’a yɛrɛ bɔ Jehova Seereya la, an bɛ Jehova ka kololi bali. An ka an hakili to a la ko, Jehova bɛ a ka mɔgɔw “kolo koɲuman”. (Jeremi 30:11) An jigi b’a kan ko a tigi bɛ kɔsegin an Fa makaritigi ma. Nka sani o cɛ, an ka ta’a fɛ ka Jehova ka kololi kɔkɔrɔdon ani ka ko bɛɛ kɛ walasa ka an ni Jehova cɛ jɛɲɔgɔnya barika bonya.—Esayi 1:16-18; 55:7.

WIDEYO LAJƐ MIN TƆGƆ YE KO RESTONS FIDÈLES D’UN CŒUR COMPLET (o kɔrɔ ye ko: An ka to kantigiya la ni dusukun kelen ye), O KƆ AW KA NIN ƝININKALI NINNU JAABI:

• Bangebaga minnu ye krecɛnw ye, olu bɛ dusukasi jumɛn sɔrɔ ni u den ye Jehova bila?

• Jɛkulu kɔnɔmɔgɔw bɛ se ka denbaya kɔnɔmɔgɔ kantigiw dɛmɛ cogo di?

• An ka kantigiya ka bonya Jehova fan fɛ ka tɛmɛn an ka kantigiya kan an ka denbaya fan fɛ, nafa min bɛ o la, Bibulu maana jumɛn bɛ o jira?

• An ka kantigiya ka ɲɛsin Jehova ma, an bɛ se ka o bila cogo di an ka kantigiya ɲɛ ka ɲɛsin an ka denbaya ma?