San o san, an bɛ cɛsiri kɛrɛnkɛrɛnnenw kɛ walasa ka an ka waajulikɛyɔrɔ mɔgɔw wele u ka na fara an kan ka Hakilijigin seli kɛ. Olu caman tɛ an dɔn. An ka kan fana ka an dɔnbagaw wele. Mɔgɔ minnu ye weleli sɛbɛn sɔrɔ ka bɔ u dɔnbaga yɔrɔ, a ka ca a la o mɔgɔ suguw ka na Hakilijigin seli la. (yb08-F 12 § 1; 14 § 1) I bɛ se ka jɔni ni jɔni de wele?

• I somɔgɔw

• I ka baarakɛɲɔgɔnw walima i ka lakɔlidenɲɔgɔnw

• I sigiɲɔgɔnw

• I ka segin-ka-bɔnyew ani i ka Bibulukalanden kuraw ani kɔrɔlenw

Ka fara o kan, mɔgɔ minnu ye waajulibaara jɔ diinɛ maakɔrɔw bɛna olu wele. Ni i dɔnbaga dɔ yɔrɔ ka jan i la dun? Hakilijigin seli kɛwaati ani a kɛyɔrɔ min ka surun o tigi la, i bɛ se ka o ɲini jw.org kan i kɛtɔ ka ANW KO LA yɔrɔ digi ani ka “Hakilijigin seli” yɔrɔ digi. Ka i to labɛn na ɲinan Hakilijigin seli kama, i bɛ se ka mɔgɔ minnu wele, miiri olu ko la ani ka u wele.