AN KA ƝƐNAMAYA KƐ IKO KRECƐNW
An ka an seko bɛɛ kɛ forobaara la—An kɛtɔ ka seereya di telefɔni fɛ
MUN NA O NAFA KA BON: Ka seereya di telefɔni fɛ, o ye “Kibaru Duman” fɔcogo ɲuman dɔ ye. (Kɛwalew 20:24) * O b’a to an ka se ka mɔgɔ dɔw waaju ni kow cogoyaw t’a to an ka taa a tigi ka so.
AN BƐ SE KA O KƐ COGO MIN NA:
-
An ka an labɛn. Barokun bɛnnen dɔ sugandi. O kɔ, i b’a fɛ ka min fɔ, o labɛn. I bɛ se fana ka kuma fitinin dɔ labɛn min b’a ɲɛfɔ kun min na i bɛ ka weleli kɛ walisa i ka se ka o fɔ ni i bɛnna ni a tigi ka repondɛri ye. A nafa ka bon i ka sigi tabali la ni i ka fɛn labɛnnen ye ani gafe wɛrɛw i mago bɛna se minnu ma, i n’a fɔ i ka masinmafɛn dayɛlɛlen k’a bila JW Library® walima jw.org® yɔrɔ dɔ kan
-
An ka to an cogo la. Kuma baro kɛcogoya la. To ka yɛlɛmisɛn kɛ ani ka i bolow lamaga iko n’a tigi ɲɛ tun bɛ i la. Kun tɛ jɔli minnu na kuma kɔnɔna na, kana to ka olu kɛ. A nafa ka bon ka o baara kɛ ni mɔgɔ wɛrɛw ye. Ni barokɛɲɔgɔn ye ɲininkali dɔ kɛ, segin o kan i kɛtɔ k’i kan kɔrɔta walasa tɔw ka se k’i dɛmɛ ka o jaabi sɔrɔ
-
Segin-ka-bɔnye boloda. N’a tigi y’a jira ko a ka di a ye, i bɛ se ka ɲininkali dɔ lawuli walasa ka o jaabi siɲɛ wɛrɛ ni i y’a wele. I bɛ se k’a ɲininka fana n’a y’a sɔrɔ i bɛ se ka gafe yɔrɔ kɛrɛnkɛrɛnnen dɔ ci a ma e-mail fɛ walima n’a b’a fɛ i yɛrɛ ka a di a ma. Walima fana i bɛ se k’a ɲini a fɛ, ka an ka wideyo dɔ walima barokun dɔ ci a ma mesazi fɛ walima e-mail fɛ. Ni a bɛnnen don tuma min na, fɛn wɛrɛ minnu bɛ an ka intɛrinɛti siti kan, olu kofɔ a tigi ye
^ dak. 3 Ni seereya bɛ se ka di telefɔni fɛ aw ka yɔrɔ la, o ka kan ka kɛ ka kɛɲɛ ni sariyaw ye minnu bɛ waleya mɔgɔw ka kunnafoniw lakanali kan.
