8:6-9, 12; 9:1-5, 23, 24

Aron sigilen dɔrɔn sarakalasebaaya la, Jehova ye tasuma bila o ka saraka jenita fɔlɔ jeni. O y’a jira ko Jehova bɛ o ko sigilen kɔkɔrɔdon ani ko a sɔnna o ma. O fɛ, Jehova ye dusu don jama kɔnɔ, minnu tun bɛ ka filɛli kɛ walasa u ka sarakalasebaaya kɔkɔrɔdon kosɛbɛ. Yesu Krisita seginnen kɔfɛ sankolo la, Jehova bɛ ka baara kɛ ni a ye bi iko sarakalasebaaw kuntigi. (Heburuw 9:11, 12) San 1919, Yesu ye cɛ munnen kulu fitinin dɔ sigi k’a kɛ “jɔnkɛ dannamɔgɔ hakiliman” ye. (Matiyu 24:45) Dalilu jumɛn de b’a jira ko Jehova bɛ ka duba jɔnkɛ dannamɔgɔ ye, ko a bɛ k’a dɛmɛ ani ko a sɔnna a ma?

• Hali k’a sɔrɔ mɔgɔw bɛ ka ta’a fɛ ka an kɛlɛ, jɔnkɛ dannamɔgɔ bɛ ka ta’a fɛ ka balo di an ma alako ta fan fɛ

• Iko a fɔra cogoya min na kirayakuma na, Kibaru Duman waajuli bɛ ka ta’a fɛ ka kɛ “diɲɛ yɔrɔw bɛɛ la”.—Matiyu 24:14

An bɛ se ka jɔnkɛ dannamɔgɔ hakiliman dɛmɛ ni an seko bɛɛ ye cogo di?