Ni an bɛ ka segin-ka-bɔnyew kɛ walima ka Bibulukalanw ɲɛminɛ an ka kan ka an lamɛnbagaw dɛmɛ u ka yɔrɔ kolomaw faamu. Ni an bɛ o yɔrɔ kolomaw ɲɛfɔ, an bɛ mɔgɔw dusukun sɔrɔ ani ka u dɛmɛ u hakili ka to yɔrɔ kolomaw la.

Ni i bɛ ka i labɛn segin-ka-bɔnye walima Bibulukalan kɛli kama, yɔrɔ kolomaw sugandi i b’a fɛ ka kuma minnu kan, i kana yɔrɔ fitininw sugandi. O kɔ, i ka ɲɛjiraliw sugandi minnu bɛ don o don ɲɛnamaya kow kan. (Matiyu 5:14-16; Marka 2:21; Luka 14:7-11) I lamɛnbaga bɛ ka ɲɛnamaya kɛ hukumu min kɔnɔ ani a ka baaraw, i jija i k’i janto kosɛbɛ o kow la. (Luka 5:2-11; Yuhana 4:7-15) Ni i y’a ye k’a nisɔndiyara ka d’a kan a ye yɔrɔ dɔ faamu, i yɛrɛ fana bɛ nisɔndiya sɔrɔ.

WIDEYO LAJƐ MIN TƆGƆ YE KO, KA MƆGƆW KƐ KALANDENW YE NISƆNDIYA MIN B’O LA, A ƝINI KA O SƆRƆ—AW KA AW SEKO BƐƐ KƐ, AW KƐTƆ KA—BAARA KƐ NI ƝƐJIRALIW YE MINNU BƐ YƆRƆ KOLOMAW KAN, O KƆ AW KA NIN ƝININKALI NINNU JAABI:

• Mun na kalandenw mago bɛ se ka kɛ dɛmɛ na walasa ka Bibulu tɛmɛsiraw faamu?

• Neeta ye ɲɛjirali jumɛn de ta ka tiɲɛ ɲɛfɔ min bɛ Romɛkaw 5:12 kɔnɔ?

• Ɲɛjirali ɲumanw bɛ se ka nɔ jumɛn bila an lamɛnbagaw la?

• Wideyow ani mɔgɔw kalanni baarakɛminɛn tɔw, Jehova ka jɛkuluba ye minnu di, mun na an ka kan ka baara kɛ ni olu ye waajulibaara la?