N’a fɔra ko kololi, tuma caman na o ye kalan ani lamɔli ye, nka gosili ni latilenni fana sen b’a la. Jehova bɛ an kolo walasa an ka se ka a bato cogo la a bɛ sɔn min ma. (Romɛkaw 12:1; Heburuw 12:10, 11) Tuma dɔw la, kololi bɛ se ka mɔgɔ ɲɛnasisi, nka kololi bɛ na ni tilennenya ani dubaw ye. (Ntalenw 10:7) Minnu bɛ mɔgɔw kolo ani u bɛ kololi lase minnu ma, olu bɛɛ ka kan ka u hakili to mun de la?

Minnu bɛ mɔgɔw kolo. Diinɛ maakɔrɔw, bangebagaw ani mɔgɔ tɔw bɛ u jija kosɛbɛ ka kololi kɛ ɲumanya ni kanuya kɔnɔna na iko Jehova b’a kɛ cogo min na. (Jeremi 46:28) Hali kololiba ka kan ka kɛ ka kɛɲɛ ni ko kɛlen cogoya ye ani k’a kɛ ni kanuya ye.—Tite 1:13.

Kololi bɛ ka lase minnu ma. Kololi mana kɛ fɛn o fɛn ye, an man kan ka a mafiɲɛya walima ka ban a la nka an ka kan k’a ɲini ka a waleya teliyala. (Ntalenw 3:11, 12) Ikomi an ye mɔgɔ dafabaliw ye, an bɛɛ mago bɛ kololi la, an bɛ se ka o kololi sɔrɔ cogoya caman na. An bɛ min kalan Bibulu kɔnɔ walima an bɛ min mɛn lajɛw la, an bɛ se ka kololi sɔrɔ o fɛnw fɛ. Walima tuma dɔw la yɛrɛ, mɔgɔ dɔw mago bɛ kololi la ka bɔ diinɛ maakɔrɔw ka komite yɔrɔ, min bɛ mɔgɔw kolo jɛkulu kɔnɔ. Ni an sɔnna kololi ma ani ka a waleya, an ka ɲɛnamaya bɛna fisaya ani an bɛna ɲɛnamaya kɛ fo badaa.—Ntalenw 10:17.

WIDEYO LAJƐ MIN TƆGƆ YE KO, ‘JEHOVA BƐ MIN KANU, A BƐ O . . . KOLO’, O KƆ AW KA NIN ƝININKALI NINNU JAABI:

• Canon ye lamɔ jumɛn de sɔrɔ ani a yɛlɛmana cogo di?

• A ye kololi jumɛn de sɔrɔ ka bɔ Jehova yɔrɔ, min kɛra ni kanuya ye?

• Canon ka ko bɛ kalansira jumɛnw de di an ma?