Ka an to muɲuli la “laban donw” laban waati la, an ka sigi n’a ye ko gɛlɛyaw bɛna caya kosɛbɛ ka ta’a fɛ. (2 Timote 3:1; note d’étude « grandes souffrances » sur Mt 24:8 nwtsty-F) Ni kasaara sera Jehova Seerew ma, u bɛ bilasiraliw sɔrɔ waati bɛnnen na wa o bilasiraliw bɛ ɲɛnamaya kisi. Nka an ka kisili bɛ se ka bɔ an ka kanminɛli de la, an bɛ ka min kɛ walasa ka an labɛn kabini sisan alako ta fan fɛ ani farikolo ta fan fɛ.—Luka 16:10.

• Labɛn, alako ta fan fɛ: An ka delinako ɲuman to an na. An ka waajuli kɛcogo caman dege. Ni i ni jɛkulu kɔnɔmɔgɔ tɔw farala ka bɔ ɲɔgɔn na waatinin kɔnɔ, i kana siran. (Esayi 30:15) I tɛ fara ka bɔ Jehova ni Yesu la abada.—od-F 176 § 15-17

• Labɛn, farikolo ta fan fɛ: Ka fara saki labɛnni kan, dumuni, ji, furaw ani o n’a ɲɔgɔnna fɛn bɛrɛbɛnnenw maralen ka kan ka kɛ denbayaw bɛɛ bolo. U ka olu bila waati kama, min na n’a kɛra diyagoya ye u ka u kalifa don yɔrɔ dɔ la waati jan kɔnɔ.—Ntalenw 22:3; g17.5-F 4, 6

WIDEYO LAJƐ MIN TƆGƆ YE KO, YALA I LABƐNNEN DON KASAARA KOW KAMA WA? O KƆ AW KA NIN ƝININKALI NINNU JAABI:

• An bɛ se ka an labɛn cogo di alako ta fan fɛ kasaara kow kama?

• Mun na an ka kan ka . . .

  • kumaɲɔgɔnya ɲuman to an ni diinɛ maakɔrɔw cɛ?

  • saki dɔ labɛn ka fɛnw bila a kɔnɔ kasaara kow kama?

  • kuma kasaaraw kan minnu bɛ se ka kɛ an ka yɔrɔ la ani an bɛ se ka fɛn min kɛ olu bɛɛ kelen kelen kɔnɔna na?

• Ni kasaara ye tɔw sɔrɔ, an bɛ se ka u dɛmɛ sira saba jumɛnw fɛ?

I YƐRƐ ƝININKA, ‘Ne bɛ se ka kalansira jumɛnw sɔrɔ labɛn kɛli ko la COVID-19 fiɲɛbana la?’