Kanuya ye nɔrɔlan de ye min bɛ denbaya kɔnɔmɔgɔw nɔrɔ ɲɔgɔn na. Ni kanuya tɛ denbaya kɔnɔ, a bɛ gɛlɛya a kɔnɔmɔgɔw ma u ka to kelenya la ani ka kow kɛ ɲɔgɔn fɛ. Furucɛw, furumusow ani bangebagaw bɛ se ka kanuya jira denbaya kɔnɔ cogo di?

Furucɛ kanuman b’a janto a muso magow, a hakilinaw ani a dusukunnakow la. (Efesekaw 5:28, 29) A b’a ka denbaya kɔnɔmɔgɔw magoɲɛfɛnw di u ma farikolo ta fan fɛ ani alako ta fan fɛ, ka to ka denbaya ka Alabato kɛ dɔgɔkun o dɔgɔkun, o sen b’o la. (1 Timote 5:8) Furumuso kanuman bɛ kolo a cɛ ye ani a b’a “cɛ bonya.” (Efesekaw 5:22, 33; 1 Piɛrɛ 3:1-6) Furuɲɔgɔnma fila labɛnnen ka kan ka kɛ, k’a bɔ u yɛrɛ la ka yafa ɲɔgɔn ma. (Efesekaw 4:32) Bangebaga kanumanw bɛ u janto kɛrɛnkɛrɛnnenya la u denw bɛɛ kelen kelen na ani ka u kalan u ka Jehova kanu. (Dutɛrɔnɔmɛ 6:6, 7; Efesekaw 6:4) U denw bɛ gɛlɛya jumɛnw sɔrɔ lakɔliso la? U tɔɲɔgɔnw bɛ u tɔɔrɔli min kɛ, u bɛ ka se sɔrɔ o kan cogo jumɛn na? Ni kanuya barika bonyana denbaya kɔnɔ, a kɔnɔmɔgɔw bɛɛ bɛ lafiya ani ka u yɛrɛ ye lakana kɔnɔ.

WIDEYO LAJƐ MIN TƆGƆ YE KO, KANUYA MIN TƐ BAN, A’YE O JIRA AW KA DENBAYA KƆNƆ, O KƆ AW KA NIN ƝININKALI NINNU JAABI:

• Furucɛ kanuman bɛ a muso balo ani ka a kanu kosɛbɛ cogo di?

• Furumuso kanuman bɛ bonyaba da a cɛ kan cogo di?

• Bangebaga kanumanw bɛ Ala ka Kuma don u denw dusukun na cogo di?