AN KA ƝƐNAMAYA KƐ IKO KRECƐNW

Ta’a fɛ ka to ka i hakili labaara

A BILA A LA

Bolikɛla ka kan ka ta’a fɛ ka a farikolo dege walasa a ka se halisa bolila la ka ɲɛ. O cogo kelen na, an ka kan ka ta’a fɛ ka to ka an hakili labaara walasa a fanga ka bonya ka ta’a fɛ. (Heburuw 5:14) Hali n’a y’a sɔrɔ ko min ka nɔgɔn an ma o ye ka tɔw ka latigɛliw ladege, an yɛrɛw de ka kan ka to ka an hakili labaara ani ka latigɛliw kɛ an yɛrɛw ye. Mun na? Ka d’a kan an bɛɛ kelen-kelen na ɲininka an yɛrɛw ka latigɛliw ko la.—Romɛkaw 14:12.

An man kan ka miiri ko an bɛna latigɛli ɲumanw kɛ bawo an batisera dɔrɔn a bɛ san caman bɔ. Walasa ka latigɛli ɲumanw kɛ fo an ka an jigi bɛɛ da Jehova, a ka Kuma ani a ka Jɛkuluba kan.—Josue 1:7, 8; Ntalenw 3:5, 6; Matiyu 24:45.

WIDEYO LAJƐ MIN TƆGƆ YE KO “DUSUKUN ƝUMAN KA TO AW FƐ” O KƆ AW KA NIN ƝININKALI NINNU JAABI:

Latigɛli jumɛn de tun bɛ Emma kun kan?
Mɔgɔw yɛrɛw ka kan ka ko minnu latigɛ ka kɛɲɛ ni u dusukun ye, mun na an ka kan ka an yɛrɛ tanga an yɛrɛw hakilina fɔli la o kow kan?
Furuɲɔgɔnma dɔ ye laadilikan ɲuman jumɛn di Emma ma?
Emma ye kunnafoni nafama sɔrɔ min ka ɲɛsin a ka ko ma?