Ni i ye funankɛnin ye min ye weleweledala ye min ma batise fɔlɔ walima ni i ye Bibulukalanden ye, yala batɛmu tali kuntilenna b’i la wa? Mun na i ka kan k’a ɲini ka batɛmu ta? Yɛrɛbakundili ani batɛmu de bɛ jɛɲɔgɔnya kɛrɛnkɛrɛnnen don i ni Jehova cɛ. (Zaburu 91:1) Yɛrɛbakundili ni batɛmu fana bɛ se ka an kisi. (1 Piɛrɛ 3:21) I bɛ se ka ɲɛtaw kɛ cogo di fo ka taa se yɛrɛbakundili ani batɛmu ma?

I yɛrɛ lasɔn ko nin de ye tiɲɛ ye. Ni ɲininkaliw nana i hakili la, ɲinini kɛ i yɛrɛ ye. (Romɛkaw 12:2) I ka kan ka yɛlɛma sugu o sugu kɛ, olu bɛɛ jateminɛ. Ni i bɛ yɛlɛmaw kɛ, i jija k’o kɛ bawo i b’a fɛ k’i kodiya Jehova ye. (Ntalenw 27:11; Efesekaw 4:23, 24) A deli tuma bɛ a k’i dɛmɛ. Da a la ko Jehova bɛna i dɛmɛ ni a ka hakili senu barikama ye. (1 Piɛrɛ 5:10, 11) I bɛ cɛsiri minnu kɛ, olu ni kɛli ka kan. Jehova batoli de ye ɲɛnamaya kɛcogo bɛɛ la ɲuman ye!—Zaburu 16:11.

WIDEYO LAJƐ MIN TƆGƆ YE KO SIRA MIN BƐ TAA NI MƆGƆ YE BATƐMU LA, O KƆ AW KA NIN ƝININKALI NINNU JAABI:

• Dɔw ye gɛlɛya jumɛnw kunnasagon walasa ka se ka batise?

• Dannaya min bɛ i bila i k’i yɛrɛbakun di Jehova ma, i bɛ se k’o sɔrɔ cogo di?

• Ko minnu ka kan ka kɛ walasa ka se ka batɛmu ta, mun de ye mɔgɔ dɔw bila ka o kow kɛ?

• Minnu b’a sugandi ka Jehova bato, olu bɛ duba jumɛnw de sɔrɔ?

• Yɛrɛbakundili ani batɛmu kɔrɔ ye mun ye?