Iko Jehova ye Israɛlakaw labɛn cogo min na, a fana bɛ a ka mɔgɔw labɛn bi walasa a ye baara min kalifa u ma, u ka se ka o kɛ. Diɲɛ fan bɛɛ, tɔn bolofaraw, kafow, jɛkuluw ani waajulikɛ kuluw, olu bɛɛ bɛ ka baara kɛ ɲɔgɔn fɛ ka kibaru duman fɔli lataaɲɛ. An bɛ mɔgɔw bɛɛ waaju hali minnu bɛ kan wɛrɛw fɔ.—Jirali 14:6, 7.

Yala i y’a ɲini ka kan wɛrɛ dege walasa ka mɔgɔ wɛrɛw dɛmɛ u ka tiɲɛ dɔn wa? Hali ni waati tɛ i bolo ka kan wɛrɛ dege, i bɛ se ka jiracogo misali nɔgɔman dege application JW Language kan. O kɔ, ni i ye baara kɛ ni o ye waajuli la, i bɛ se ka nisɔndiya sɔrɔ iko an san kɛmɛ fɔlɔ krecɛnw. U nisɔndiyalenba tun don tuma min na jamana wɛrɛw mɔgɔw kabakoyara ka “Ala ka kobaw fɔtɔ mɛn” u yɛrɛw ka kanw na.—Kɛwalew 2:7-11.

WIDEYO LAJƐ MIN TƆGƆ YE KO, KƐ JEHOVA TERI YE—WAAJULI KƐ KAN WƐRƐ LA O KƆ AW KA NIN ƝININKALI NINNU JAABI:

• Tuma jumɛn de la application JW Language bɛ se ka i dɛmɛ?

• Application JW Language fɛn dɔw ye jumɛnw ye?

• Mɔgɔw bɛ kan jumɛnw de fɔ aw ka waajulikɛyɔrɔ la?

• I ka kan ka mun de kɛ ni kan wɛrɛ fɔbaga y’a jira ko Masaya cikan ka di a ye?—od-F 100-101 § 39-41