Ka i yɛrɛ bila tɔw nɔ na, o ye se ye min bɛ i bolo, ni o b’a to i ka se ka tɔw hakilinaw ni u dusukunnakow ani u ka dannayakow faamu ani k’a dɔn fana u mago bɛ fɛn minnu na. Ni an bɛ an yɛrɛ bila tɔw nɔ na, u b’o dɔn. Ni an b’a fɛ ka mɔgɔ tɔw dɛmɛ tiɲɛ yɛrɛ la, o bɛna an dɛmɛ an k’a ɲini ka an yɛrɛ bila u nɔ na. Ni an b’an yɛrɛ bila mɔgɔ tɔw nɔ na ka an to waajulibaara la, an bɛ Jehova ka kanuya ladege ani fana a b’a janto u la cogo min na, wa o bɛ mɔgɔw bila u k’a ɲini ka Jehova dɔn.—Filipekaw 2:4.

Ka i yɛrɛ bila tɔw nɔ na, o tɛ kɛcogo dɔ ye dɔrɔn an bɛ baara kɛ ni min ye walasa ka mɔgɔw kalan. O bɛ ye an ka lamɛnni kɛcogo, an kumacogo ani an jogow fɛ, ani fana an bolow lamaga cogow ani an ɲɛda kɛcogow fɛ. An b’an yɛrɛ bila mɔgɔ nɔ na an kɛtɔ ka an mago don a la ni kɔnɔnajɛya ye. A tigi mago bɛ fɛn minnu na, a ka dannayakow ani a ka kow cogoya ye min ye, an bɛ olu jateminɛ. An bɛ kunnafoni jɔnjɔnw di a ma ani k’a dɛmɛ nka an t’a ɲini k’a tigi jagoya a ka yɛlɛma. An bɛ ka minnu waaju ni olu sɔnna an k’u dɛmɛ, o bɛ dɔ fara an ka nisɔndiya kan waajulibaara la.

WIDEYO LAJƐ MIN TƆGƆ YE KO, KA MƆGƆW KƐ KALANDENW YE NISƆNDIYA MIN B’O LA, A ƝINI KA O SƆRƆ—AW KA AW SEKO BƐƐ KƐ, AW KƐTƆ KA—AW YƐRƐ BILA TƆW NƆ NA, O KƆ AW KA NIN ƝININKALI NINNU JAABI:

• Neeta y’a yɛrɛ bila Jade nɔ na cogo di tuma min na a nana retari la?

• Neeta y’a yɛrɛ bila Jade nɔ na cogo di tuma min na Jade y’a fɔ k’a tɛ se ka kalan kɛ, k’a hakili sigilen tɛ?

• Neeta y’a yɛrɛ bila Jade nɔ na cogo di tuma min na a y’a dɔn ko Jade ka yɔrɔ ɲagaminnen don?